Kolosee 1:7 - Bibeli do fee

⁷ Epafaasi, woo ce icɛ baakɔɔ nwaui í kɔ nŋɛ si. Wa ce icɛ na aranfãani nŋɛ, nŋu iyi í jɛ ilu naanɛ woo ce icɛi Kirisi.

Kolosee 1:7 Iomraidhean Croise

Kuka 12:7

Amma ti Moizi woo ce icɛm, kù jɛ do yaase bɛɛbɛ. Si zamaau fei, nŋui ǹ wa n naanɛ.

Matie 18:29

Ŋɔi kpaasiɛu í gulɛ si wajuɛ í tɔɔɛ suuru í ni, yɔkɔɔm suuru an sãɛ gbeseɛ.

Matie 24:45

Í sɔ̃ ŋa má í ni, yooi í jɛ amaacɛ ilu naanɛ iyi í nɛ laakai. Lafɛ̃ɛi í jɛ inɛ iyi ilu kpasɛ̃ gɔ í kpe nɔ í so amaacɛ kpaasiɛ ŋa í daa si awɔ ku maa cɔ ŋa ku na ŋa ijɛ si bɛi í jɔ.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Kɔrɛnti 1, 4:17

Ŋɔi í jɔ̀ ǹ bɛ si ŋɛ Timɔtee wa, nŋu iyi í jɛ amam si kpãai Lafɛ̃ɛ. Í jɛ ilu naanɛ nɔ ǹ buu jiida. Nŋui á ye ŋɛ gigi bɛi isɛɛnɛm í yɛ si kpãai Kirisi si bɛi ǹ wa n kɔ inɛ ŋa si bii fei si igbɛi inɛi Jesu ŋa fei.

Kɔrɛnti 1, 4:2

Í sĩa inɛ ŋa iyi à nɔ à daa mii ŋau si awɔ a jɛ ilu naanɛ ŋa.

Kɔrɛnti 1, 7:25

Nsɛi, iyi í jɛ ti inɛ ŋa iyi a kù tɔtɔɔ sɛ̃ɛ do inɛ gɔ titã, n kù nɛ ide gɔ iyi í jɛ woodai Lafɛ̃ɛ. Amma si bɛi Lafɛ̃ɛ í ce araarem ǹ jɛò ilu naanɛ, ǹ wa n sɔ̃ ŋɛ iyi í jɛ lasabum.

Kɔrɛnti 2, 11:23

À jɛ woo ce icɛi Kirisi ŋai? Ǹ re ŋa si bɛ. Idem nɔu, idei sũmui. Ǹ ce icɛ ǹ re ŋa, à dasim piisɔ̃ɔ í re ŋa, à tɛɛm kpɔtɔɔ n kù mà baa jiaɛ. Isɛ nkpɔ nkpɔi ǹ maai iku.

Efɛɛzu 5:21

Iŋɛ iyi ì mà bɛɛrɛi Kirisi, i ya sũa njɛ iri ilɛ ŋa.

Filipi 2:25

Amma nsɛi, ǹ yɛ í sĩa n jɔ̀ kpaasim Epafoditi ku nyi wa bi tu ŋɛ, nŋu iyi ì tako ì bɛ sim wa ŋa do sobi iyi ǹ biu. Nŋui í jɛ kpaasi woo ce icɛm nɔ wa bam ku jabu.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Kolosee 4:7

Tisiki baakɔɔ nwa, nŋu iyi í jɛ woo ce icɛ ilu naanɛ do minjisiam si icɛi Lafɛ̃ɛ, á sisi nŋɛ baaum fei.

Kolosee 4:9

Onezimu, baakɔɔ nwa ilu naanɛ, iyi í jɛ inɛi ide nŋɛui á suu wa. Aŋai aa sisi nŋɛ mii iyi í ba wa ihɛ̃ fei.

Timɔtee 1, 4:6

Bii ì waa kɔa woo dasi Jesu naanɛ ŋa si bisiu ihɛ̃, aa jɛ woo ce icɛ jiidai Jesu Kirisi, nɔ naanɛ ku dasi do idei kukɔsi jiida iyi ì waa too si á yɛi bɛi ijɛ iyi ì waa na hundeɛ.

Timɔtee 2, 2:2

Iyi ì gbɔ ǹ wa n fɔ si wajui ilu sɛɛda nkpɔu, daa ilu naanɛ gɔ ŋa mɔ si awɔ, inɛ ŋa iyi aa yɔkɔ a kɔ inɛ gɔ ŋa mɔ si cio.

Filemɔɔ 1:23

Epafaasi, awaò inɛ iyi à wa ile piisɔ̃ɔ na irii Jesu Kirisiu, í ni n ceɛ fɔɔ.

Ebɛɛ 2:17

Na nŋu, kù nɛ bɛi á ce iyi kù jɔ ifɔɛ ŋa si mii fei ku ba ku na ku jɛ woo wee nla iyi í nɛ araare nɔ ku jɛ ilu naanɛ si icɛi Ilaaɔ̃, nɔ ku sã gbesei dulum dii inɛ ŋa.

Ebɛɛ 3:2

Bɛi Moizi í tako í jɛ ilu naanɛ si icɛɛ iyi í cea inɛi Izirɛli ŋa fei, bɛɛbɛ mɔi Jesu takaɛ í nɛ naanɛ si wajui Ilaaɔ̃, nŋu iyi í jilɔɔ si icɛu.