Kolosee 1:3 - Bibeli do fee

^3-4 Hai waati iyi à gbɔ bɛi ì dasi Jesu Kirisi naanɛ ŋa, do bɛi ì bi woo dasi Jesu naanɛ ŋa fei, à ya ka maa ce nŋɛ kutɔɔi waati kãma fei, ka maa saabu Ilaaɔ̃ Baai Lafɛ̃ɛ nwa Jesu Kirisi.

Kolosee 1:3 Iomraidhean Croise

Romu 15:6

ku ba iŋɛ fei i ya maa saabu Ilaaɔ̃ ajɔ do anu akã ŋa, nŋu iyi í jɛ baai Lafɛ̃ɛ nwa Jesu Kirisi.

Kɔrɛnti 1, 1:4

Waati kãma fei ǹ ya n maa n saabu Ilaaɔ̃i na iri nŋɛ si na iyi í jɔ̀ í mu nŋɛ didɔ̃ɛ na anu akã nŋɛ iyi ì ce do Jesu Kirisi ŋa.

Kɔrɛnti 2, 1:3

Ka saabu Ilaaɔ̃, Baai Lafɛ̃ɛ nwa Jesu Kirisi, nŋui í nɛ araare, nɔ nŋui í ya maa tũ idɔ nwa waati kãma fei.

Efɛɛzu 1:15

Na saabui ide ŋau bɛ feii í jɔ̀ hai waati iyi ǹ gbɔ baaui naanɛ ku dasi nŋɛ si Lafɛ̃ɛ Jesu do bɛi ì bi woo dasiɛ naanɛ ŋa fei,

Efɛɛzu 6:18

Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Tɛsalonika 1, 1:2

À ya ka maa saabu Ilaaɔ̃ waati kãma fei na irii iŋɛ fei, à ya ka nɔ ka maa ye gigi nŋɛ si kutɔɔ nwa.

Timɔtee 2, 1:3

Ǹ wa n saabu Ilaaɔ̃, nŋu iyi ǹ wa n tɔɔ do idɔ hai nɛ taale si bɛi balam ŋa à tako à ce wo. Waati kãma fei ǹ ya n maa n saabu Ilaaɔ̃ na iriɛ, nɔ dasãò idũ fei ǹ ya n maa n ye gigiɛ si kutɔɔm.