Kolosee 1:29 - Bibeli do fee

²⁹ Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.

Kolosee 1:29 Iomraidhean Croise

Luku 13:24

i ce kookaai i lɔ do andɛ iyi kù cĩu ŋa. Ǹ wa n sɔ̃ ŋɛi, inɛ nkpɔi á maa dɛ kpãa iyi aa lɔò a kaa nɔ a yɔkɔ.

Romu 15:20

Nɔ ǹ dasi idɔ n waazo laabaau jiidau si ilɛ ŋa bii a kù gbɔ idei Kirisi titã, ku ba n maà n ma si icui ilei inɛ gɔ.

Romu 15:30

Iŋɛ inɛm ŋa, ǹ wa n tɔɔ ŋɛi do irii Lafɛ̃ɛ nwa Jesu Kirisi do kubi iyi Hundei Ilaaɔ̃ wa mu nwa, i bam ku jabu si kutɔɔ nŋɛ ŋa.

Kɔrɛnti 1, 12:11

Amma Hunde akãui wa ce fei ndɛɛ. Wa mua inɛ fei amua ikã ikã bɛi í bi.

Kɔrɛnti 1, 12:6

Gbugbãi Ilaaɔ̃ wa ce icɛ si inɛ fei ikã ikã, amma Ilaaɔ̃ akãui wa mua inɛ fei gbugbã iyi á ceò icɛ baa yooma fei.

Kɔrɛnti 1, 15:10

Amma mii iyi ǹ jɛ nnyi, na didɔ̃i Ilaaɔ̃i, nɔ didɔ̃ iyi í ceem nɔu kù ce nfe. Ǹ ce kookaai ǹ re baa woo bɛ ŋau fei, amma kù jɛ amu takam nii ǹ coo, didɔ̃i Ilaaɔ̃ iyi í wa sim nii í coo.

Kɔrɛnti 2, 11:23

À jɛ woo ce icɛi Kirisi ŋai? Ǹ re ŋa si bɛ. Idem nɔu, idei sũmui. Ǹ ce icɛ ǹ re ŋa, à dasim piisɔ̃ɔ í re ŋa, à tɛɛm kpɔtɔɔ n kù mà baa jiaɛ. Isɛ nkpɔ nkpɔi ǹ maai iku.

Kɔrɛnti 2, 13:3

An gaabu si na iyi í jɔ̀ ì bi n nyisi ŋɛ iyi Kirisii wa fɔ ide hai bi tom ŋa. Debɛi, aa yɔɔ ŋa. Kirisi kù kua gbugbã bi tu ŋɛ, amma wa nyisi gbugbãɛ si anini nŋɛ.

Kɔrɛnti 2, 5:9

Nŋui í jɔ̀ à waa ce kookaai ka ce iyi á dɔ̃a Lafɛ̃ɛ si, bii í jɛ à wɛɛ si arau ihɛ̃ walakɔ bii à ku.

Kɔrɛnti 2, 6:5

À tɛ nwa kpɔtɔɔ à dasi wa piisɔ̃ɔ, nɔ inɛ ŋa à dede gidi si wa amma si fei ndɛɛ à yɔkɔ temua. À ya ka ce icɛ hee ka gbɛɛji, à ya ka wɔ njoo, nɔ à ya ka dĩ anu.

Efɛɛzu 1:19

do bɛi gbugbã nlaɛ wa ce icɛ si awa iyi à dasiɛ naanɛ. Gbugbãu, í jɛ akã do gbugbã nla

Efɛɛzu 3:20

Ilaaɔ̃ í nɛ gbugbã ku ce mii iyi à waa tɔɔ fei do iyi à waa lasabu fei, nɔ á yɔkɔ ku ce baa mii iyi í re bɛɛbɛ mɔm hee ku caa. Gbugbãɛu wa ce icɛ si wa.

Efɛɛzu 3:7

Do saabui didɔ̃ iyi Ilaaɔ̃ í ceem si gbugbãɛi ǹ jɛò woo ce icɛi laabaau jiidau.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 1:30

Iŋɛ mɔ ì bam ku jabu ŋa si kujabu iyi ì yɛ ǹ ce ŋa wo nɔ ì waa gbɔ ŋa iyi hee nsɛi ǹ wa n mɔsi.

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Filipi 2:16

nɔ i ya maa sɔ̃ ŋa idei kuwɛɛ ŋa. Bii ì waa ce bɛɛbɛ ŋa an tɔɔ fufu na iri nŋɛ si ajɔ iyi Kirisi á nyi wa, si na iyi í jɔ̀ icɛm iyi ǹ ce do kookaai kù jɛ ngbɛ.

Kolosee 2:1

Ǹ bi i mà ŋa bɛi kujabum í la í to na iri nŋɛ do inɛi Laodisee ŋa do inɛ ŋa iyi a kù yɛm do iju fei.

Kolosee 2:12

Ntɔi, si waati iyi à dasi ŋɛ inyi í yɛi bɛi à si ŋɛ do Kirisi. Nɔ à dede ŋɛ do nŋu, si na iyi í jɔ̀ ì naanɛ gbugbãi Ilaaɔ̃ iyi í jũu hai si balɛ ŋa.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Tɛsalonika 1, 2:9

Iŋɛ inɛ nwa ŋa, ì waa ye gigi bɛi à ce icɛ si anini nŋɛ hee à gbɛɛji. À ce icɛ dasã do idũ ku ba ka maà jɛ asoi inɛ gɔ nŋɛ si waati iyi à waa sisi laabaau jiidai idei Ilaaɔ̃ si anini nŋɛ.

Tɛsalonika 2, 3:8

A kù jɔ̀ inɛ gɔ ku wo wa nfe nfe hai sã fia, amma à ya ka maa ce icɛi ntɔ ntɔ alɛò daakɔ hee ka gbɛɛji ku ba ka maà jɛ asoi inɛ gɔ.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Ebɛɛ 12:4

Iŋɛ, si kujabu nŋɛ do dulum, i kù jabu i kù to hee si iku titã ŋa,

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Kuyɛi Zãa 2:3

Ì waa temua ŋa, nɔ ì yɛ ijuukpã na irim ŋa, i kù nɔ i kù gbɛɛji ŋa.