Kolosee 1:28 - Bibeli do fee

²⁸ Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.

Kolosee 1:28 Iomraidhean Croise

Ɛsidarasi 7:25

Nɔ awɔ Ɛsidarasi, jilɛ woo kiiti ŋa do inɛ ngbo ŋa si bisii Ilaaɔ̃ iyi ì nɛ. Aŋai aa maa kiiti inɛ ŋa ikpa nunui alɛi idoi Efarata, inɛ ŋa iyi à mà woodai Ilaaɔ̃ Lafɛ̃ɛɛ. Inɛ ŋa mɔ iyi a ku màa i kɔ ŋa si.

Mɔnda ŋa 8:5

Iŋɛ hai nɛ bisi ŋa, i jɔ̀ i nɛ bisi ŋa. Iŋɛ nnyɛi ŋa mɔ, i jɔ̀ i dɛ laakai ŋa.

Woo lasabu 12:9

Iyi í gbe má, nŋui í jɛ iyi woo lasabuò yaasei andunyau í nɛ laakai nɔ kù gbɛɛjiò inɛ ŋa ku kɔsi mii iyi í mà. Si anyiɛ í tɔtɔɔ mɔnda nkpɔ nkpɔ iyi nŋu takaɛ í cɔ do laakai nɔ í lasabu si.

Zeremi 3:15

An dɛdɛ nŋɛ woo degbe ŋa iyi ǹ bi. Nɔ aa degbe ŋɛ do bisi do kumà.

Zeremi 6:10

Yooi an ba ide ku fɔ, mà yooi an so sɛɛda ku ba a gbɔɔm. Wee a kù lu nŋa itĩ. Nɔ a ci ya ce laakai si ide iyi à waa sɔ̃ ŋa. Idei Aɔ̃ Lafɛ̃ɛ wee í baa í jɛ nŋa idei anyɔ. A ci ya nɛ inɔ didɔ̃ si baa keeke.

Ezekiɛli 7:10

Ajɔi kiitiu wee í to wa. Nfe ku ce í maai wa. Gbugbã ku taa inɛ í wa bii fei, nɔ faau í ba gbugbã wa kɔ̃ɔsi.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Matie 3:7

Farisi ŋa do Sadusi ŋa mɔ à waa naa bi tɛɛ aŋa nkpɔ nkpɔ ku ba ku dasi ŋa inyi. Iyi Zãa í yɛ ŋa ŋɔi í sɔ̃ ŋa í ni, iŋɛ inɛ buu ŋa bɛi njo wukuku, yooi í sɔ̃ ŋɛ í ni i saa idɔɔkɔ̃i Ilaaɔ̃ iyi í maai wa.

Matie 5:48

Na nŋu, i jɔ̀ jiida ku jɛ nŋɛ ku kɔ̃ bɛi ti Ilaaɔ̃ Baa nŋɛ iyi í wa lele í kɔ̃.

Maaku 6:34

Iyi Jesu í to wa ŋɔi í fita hai inɔ akɔu. Nɔ í yɛ zamaa nlau. Ŋɔi í ce araare nŋa, domi à yɛi bɛi angudã ŋa iyi a kù nɛ woo degbe. Ŋɔi í lɔsi ku kɔ nŋa si cio nkpɔ.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Woo bɛ ŋa 11:20

Do nŋu fei, inɛ gɔ ŋa hai si inɔ nŋa à naa hai Kitimu do hai Sirɛni à bɔ Antiɔsi nɔ à waa sisia hai jɛ Zuifu ŋa mɔ laabaau jiidai Jesu Lafɛ̃ɛ.

Woo bɛ ŋa 13:38

Debɛi, iŋɛ kpaasim ŋa, i jɔ̀ i mà ŋa iyi na saabuɛi à waa sisi nŋɛ iyi Ilaaɔ̃ á kpa idei dulum du ŋɛ.

Woo bɛ ŋa 17:18

Si bɛi í ya maa ba ŋa kakɔɔ ku ce ŋɔi woo mà gɔ ŋa iyi à ya kpe Epikuri do Sitosi ŋa à bɔ bi tɛɛ à waa baa kakɔɔ ku ce. Inɛ gɔ ŋa à ni, woo ce ide nkpɔ yoomai ihɛ̃. Nɔ inɛ gɔ ŋa mɔ, iyi à gbɔ wa fɔ idei ikui Jesu do kujĩɛ má à ni, mà iwɛ̃ mmu gɔ ŋai wa fãa ya.

Woo bɛ ŋa 17:3

Wa sɔ̃ ŋa iyi kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã. Á kú nɔ ku jĩ hai si balɛ má. Ŋɔi í sɔ̃ ŋa í ni, Jesuu iyi ǹ wa n sisi nŋɛ ideɛu ihɛ̃ nŋui í jɛ inɛ iyi Ilaaɔ̃ í cicau bɛ.

Woo bɛ ŋa 20:31

Na nŋu, i wɔ njoo ŋa. I ye gigi ŋa bɛi amu takam ǹ ce adɔ̃ mɛɛta bi tu ŋɛ Efɛɛzu bɛ wo nɔ ǹ kɔ iŋɛ baa yooma fei alɛò daakɔ do cikãaju ŋa.

Woo bɛ ŋa 3:20

Nɔ Ilaaɔ̃ ku mu nŋɛ kusĩmi jiida, nɔ ku bɛ Kirisi iyi í cicau wa ku jɛ tu ŋɛ, nŋu iyi í jɛ Jesuu.

Woo bɛ ŋa 5:42

Ajɔ fei si bantumai kpasɛ̃i Ilaaɔ̃ do si inɔ kpasɛ̃ ŋa à ya maa ce waazoi laabaau jiidau nɔ a maa kɔ inɛ ŋa si cio waati kãma fei a maa ni Jesui í jɛ inɛ iyi Ilaaɔ̃ í cicau.

Woo bɛ ŋa 8:35

Ŋɔi Filipu í so ide í sinti do idei waliiu í sisiaaò laabaau jiidai Jesu.

Woo bɛ ŋa 8:5

Filipu í bɔ ilu nlai Samari nɔ wa cea inɛi ilu bɛ ŋa faajii inɛ iyi Ilaaɔ̃ í cicau.

Woo bɛ ŋa 9:20

Gbakã í bɔ ile bii Zuifu ŋa à ya ce kutɔtɔɔ ŋa wa waazo wa fɔ iyi Jesu Amai Ilaaɔ̃i.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Kɔrɛnti 1, 1:23

Amma awa, waazoi Kirisi iyi à kpakpa si antaii jĩi ku gaauui à waa ce. Ideu bɛi í jɛ bɛi kuta bi ku koosɛ bi Zuifu ŋa nɔ í jɛ má bɛi idei sũmu bi dimi mmu ŋa.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 12:8

Hundei Ilaaɔ̃i í ya mua inɛ gɔ ŋa amua a muaò inɛ ŋa bisi, nɔ Hunde akãui í ya mua inɛ gɔ ŋa mɔ amua a fɔ ide do kumà.

Kɔrɛnti 1, 15:12

Nsɛi à waa waazo iyi Kirisi í ku nɔ í jĩ hai si balɛ má. Nɔ bɛirei í ce inɛ gɔ nŋɛ ŋa à ya ni iku ŋa a kaa jĩ má.

Kɔrɛnti 1, 2:15

Inɛ iyi í nɛ Hundei Ilaaɔ̃ á yɔkɔ ku kiiti si mii fei, amma inɛ gɔ kù wɛɛ iyi á yɔkɔ ku kiiti lafɛ̃ɛ.

Kɔrɛnti 1, 2:6

Do nŋu fei, idei bisi gɔi à waa sisia inɛ ŋa iyi à jĩa si naanɛ ku dasi nŋa. Amma kù jɛ bisii andunyau ihɛ̃ walakɔ bisii inɛ nla ŋau aŋa iyi à waa bɔ nfe ku ce.

Kɔrɛnti 1, 4:14

Kù jɛ ǹ wa n kɔ iyi ihɛ̃ ku ba n dasi ŋɛ anyɔ. Amma ǹ wa n fɔ si ŋɛ idei bɛi amam ŋa iyi ǹ bi ku ba i ce laakai ŋa.

Kɔrɛnti 2, 10:14

Ntɔ ntɔ, awai à naa nŋɛ laabaau jiidau wa. Bii kù jɛ bɛɛbɛ wo, a kaa ka nɛ kpãai fufu ku tɔɔ.

Kɔrɛnti 2, 11:2

Ǹ wa n ce igu iyi wa naa hai bi Ilaaɔ̃ na iri nŋɛ, domi ì yɛ ŋai bɛi mudɛ̃ɛ iyi ǹ mua mɔkɔ akã. Mɔkɔui í jɛ Kirisi nɔ ǹ bi n kooò ŋɛ bi tɛɛi bɛi mudɛ̃ɛ iyi kù mà mɔkɔ.

Kɔrɛnti 2, 4:5

Do ntɔ, a kù waa waazo idei iri nwa. Si waazo nwa à waa fɔ iyi Jesu Kirisii í jɛ Lafɛ̃ɛ nɔ awa mɔ à jɛ woo ce icɛ nŋɛ ŋa na iriɛ.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 5:27

Í bi igbɛu ku naa si wajuɛ do kusĩaɛ fei, ku maà ti ku nɛ riisi gɔ, nɔ batai araɛ ku maà yuguu, nɔ ku maà nɛ mii mmu dimi bɛɛbɛ gɔ ŋa má, amma í bi ku jɛ dee deei, ku maà nɛ taale kãma.

Wooda ku kɔsi 4:5

Ì mà ŋa iyi ǹ kɔ ŋɛ si wooda ikã ikã ŋa iyi Aɔ̃ Lafɛ̃ɛm í sɔ̃m fei ku ba i ceò icɛ ŋa si ilɛ bii aa na i koo i buba ŋa ku jɛ tu ŋɛu.

Kolosee 1:22

do nŋu fei, nsɛi Ilaaɔ̃ í jɔ̀ ì dɔ̃ do nŋu ŋa. Í ce nŋu bɛi si waati iyi í jɔ̀ Amaɛu í so arai amanɛ ku ba ku ku, ku ba i naa i leekĩ si wajuɛ ŋa hai nɛ dulum, riisi do taale gɔ ku maà wa si.

Kolosee 2:10

Nɔ iŋɛ mɔ ì kɔ̃ ŋa do saabui anu akã nŋɛ do nŋu, nŋu iyi í jɛ inɛ ngboi gbugbãi lele ŋa do ilu yiiko ŋa fei.

Kolosee 2:3

Bisi nla do kumài Ilaaɔ̃ fei wa singa siɛ.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Tɛsalonika 1, 4:6

Si ideu ihɛ̃, inɛ gɔ ku maà raraa kpaasiɛ walakɔ ku jɔɔ takii, domi Aɔ̃ Lafɛ̃ɛ á kpã woo ce mii bɛɛbɛ ŋa fei iju. À nɔ à sɔ̃ ŋɛ à kɔnkɔn du ŋɛ tã à ni i ce laakai ŋa.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 1, 3:2

Í sĩa lafɛ̃ɛ ku maà nɛ taale gɔ nɔ ku nɛ abo akã lege lege, si anyiɛ nɔ ku jɛ inɛ gɔ iyi í ya saku nɔ ku mà araɛ, ku maà jɛ amanɛ yaka yaka, amma ku jɛ inɛ gɔ iyi í ya yaaɛ inɛ njoo ŋa nɔ ku jɛ inɛ gɔ iyi á yɔkɔ ku kɔ inɛ ŋa si cio.

Ebɛɛ 10:14

Á yɔkɔ ku maa bubaɛ si na iyi í jɔ̀ kuwee akãui í jɔ̀ inɛ ŋa iyi Ilaaɔ̃ í ce inɛɛ ŋa à má mam mam hee do ajɔ fei.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Piɛɛ 2, 3:15

I doo temuai Lafɛ̃ɛ nwa bɛi kpãai faaba nŋɛ, si bɛi Pɔlu baakɔɔ nwa í kɔ nŋɛ do bisi iyi Ilaaɔ̃ í muaa.