Kolosee 1:27 - Bibeli do fee

²⁷ Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 1:27 Iomraidhean Croise

Matie 13:11

Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à gbe ŋau a màa.

Luku 17:21

Inɛ gɔ kaa fɔ ku ni, Ilaaɔ̃ í jɛ bommaɛ ikpa ihɛ̃, walakɔ ikpa ihɔ̃. Aawo, domi wee Ilaaɔ̃ í jɛ bommaɛ tã si idɔi inɛ ŋa.

Laabaau jiida iyi Zãa í kɔ 14:17

Woo mua gbugbãu Hundei Ilaaɔ̃i, nŋui á jɔ̀ inɛ ŋa a mà ntɔu. Inɛi andunya ŋa a kaa yɔkɔ a gbaa si na iyi í jɔ̀ a kù waa yɔɔ, bɛɛbɛ mɔi a kù màa. Amma iŋɛ ì màa ŋa, domi í wɛɛ do iŋɛ, á nɔ ku wa si idɔ nŋɛ.

Laabaau jiida iyi Zãa í kɔ 14:20

Waati iyi ajɔu í to wa aa mà ŋa iyi ǹ wa si Baam nɔ iŋɛ mɔ ì wa sim ŋa nɔ amu mɔ ǹ wa si ŋɛ.

Laabaau jiida iyi Zãa í kɔ 14:23

Ŋɔi Jesu í jɛaa í ni, inɛ iyi í bim fei á gbɔ idem, nɔ Baam á bi lafɛ̃ɛ nɔ amu do Baam nɔu fei aa ka naa ka ce bi kuwa si idɔi lafɛ̃ɛ.

Laabaau jiida iyi Zãa í kɔ 17:26

Ǹ jɔ̀ à màɛ, nɔ an kɔ̃ɔ nŋa si kumàɛ má ku ba kubi iyi ì bim ku wa si ŋa, nɔ amu mɔ n wa si ŋa.

Laabaau jiida iyi Zãa í kɔ 6:56

Inɛ iyi í ŋɔ iŋai aram nɔ í mɔ njɛm awaò aa ka nɛ anu akã ka maa wɛɛò.

Romu 11:33

Irei ì gbɔ bɛi amanii Ilaaɔ̃ do bisiɛ do kumàɛ í la í to. Inɛ gɔ kaa yɔkɔ ku mà yaasei lasabuɛ. Inɛ gɔ mɔ kù nɔ kù wɛɛ iyi á mà kpãaɛ sãa sãa.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Romu 8:10

Nɔ bii Kirisi í wa si ŋɛ, baa do iyi ara nŋɛ í ku na dulum fei, Hundei Ilaaɔ̃ í jɔ̀ ì wɛɛ ŋa domi ì jɛ dee dee si wajui Ilaaɔ̃ ŋa.

Romu 9:23

Inɛ gɔ ŋa mɔ í bi ku nyisi ŋa bɛi amboeɛ í la í to. Aŋai í ce araare nŋa nɔ í ce sɔɔlu nŋa hai ku kpɛ a nɛ ikpɛ̃ si amboeɛ.

Kɔrɛnti 1, 3:16

I kù mà ŋa iyi iŋɛi ì jɛ bi kuwai Ilaaɔ̃? I kù mà ŋa iyi Hundeɛ í wa si ŋɛi?

Kɔrɛnti 2, 2:14

Ka saabu Ilaaɔ̃, domi í mu nwa gbugbã ka jɛò igũ waati kãma fei si kpãai Kirisi. Wa ceò wa icɛ ku ba ku jɔ̀ inɛ ŋa a mà Kirisi, nɔ kumài Kirisiu ku fangaa bii fei bɛi inúnùi tuae í ya fangaa.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Kɔrɛnti 2, 6:16

Bɛirei bi kuwai Ilaaɔ̃ do iwɛ̃ ŋa á ce ku tɔtɔɔ. Awai à jɛ bi kuwai Ilaaɔ̃, nŋu iyi í jɛ icui kuwɛɛ. Nɔ nŋu takaɛ í fɔ í ni, an wɛɛ do aŋa nɔ awaò ŋa ka maa nɛ. An jɛ Lafɛ̃ɛ nŋa nɔ aa jɛ inɛm ŋa.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Galati 4:19

Iŋɛ amam ŋa, bɛi inaabo iyi wa bi ku bí í ya gbɔ ara kuro, bɛɛbɛ mɔi amu mɔ ǹ wa n gbɔ ara kuro má hee i koo i jɛò mɔcɔi Kirisi ŋa ntɔ ntɔ.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 2:22

Na anu akã nŋɛ do Kirisi, iŋɛ mɔ ì yɛi bɛi ileu, nɔ iŋɛò ŋa ì jɛò bi kuwai Hundei Ilaaɔ̃ ŋa.

Filipi 4:19

Do saabui Jesu Kirisi Ilaaɔ̃ á mua iŋɛ fei bukaatai mii iyi ì nɛ ŋa si bɛi amanii amboeɛ í to.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Kolosee 2:3

Bisi nla do kumài Ilaaɔ̃ fei wa singa siɛ.

Kolosee 3:11

Bɛɛbɛ mɔi si inɔ nŋɛ inɛ gɔ kù jɛ mmu, hai dimi mmu ŋa hee do Zuifu ŋa, hai inɛ ŋa iyi à ce bango hee do inɛ ŋa iyi a kù ce fei, hai inɛi ilɛɛko ŋa do ilu iju dũdũ ŋa, hai aru ŋa do hai jɛ aru ŋa. Nŋu ŋau bɛ fei Kirisi nŋu akãi í jɛ fei ndɛɛ nɔ í wa si inɛ fei.

Timɔtee 1, 1:1

Amu Pɔlu ǹ wa n ceɛ fɔɔ, amu iyi ǹ jɛ woo bɛi Jesu Kirisi. Ilaaɔ̃ woo faaba nwa do Jesu Kirisi, nŋu iyi à dasi naanɛ, aŋai à jilɔɔ si n jɛ woo bɛ.

Ebɛɛ 6:19

Kpãa ku cɔ iyi à nɛu wa mu idɔ nwai dim dim bɛi isɔi akɔi inyi í ya gɛɛ akɔu. Kpãa ku cɔu wa leekĩi dim dim do anyii ridoo bi kuwai Ilaaɔ̃ lele.

Zãa 1, 4:4

Iŋɛ amam ŋa, ì jɛ ti Ilaaɔ̃ ŋa, ì nɔ ì kãmia walii ilu ibo ŋau tã ŋa, domi inɛ iyi í wa si ŋɛ í nɛ gbugbã í re inɛ iyi í wa si andunyau.

Kuyɛi Zãa 3:20

Wee ǹ wa n leekĩ andɛi ile, nɔ ǹ wa n cã gambo. Inɛ iyi í gbɔ imum nɔ í cĩim, an lɔ bi tɛɛ, nɔ n baa ku jɛ, nɔ awaò ka jɛ ajɔ.