Kolosee 1:23 - Bibeli do fee

²³ Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:23 Iomraidhean Croise

Iri ku kɔ̃ 125:5

Amma inɛ ŋa iyi à waa nɛ si kpãa laalɔ do inɛ ŋa iyi à waa ce laalɔ fei, Aɔ̃ Lafɛ̃ɛ, jɔ̀ a ba ijuukpã. Jɔ̀ laakai ku sũ ku wɛɛ do inɛi Izirɛli ŋa.

Kukpata 3:66

Hai lelei Aɔ̃ wa, lele ŋa si idɔɔkɔ̃ɛ, nɔ i kpa iri nŋa mam mam.

Ezekiɛli 18:26

Bii inɛ dee dee gɔ í jɔ̀ jiida ku ceɛ nɔ í lɔsi laalɔ ku ce, nɔ í ku si bɛ, laalɔɛu bɛi í kpaa bɛ.

Sofoni 1:6

Amu Aɔ̃ Lafɛ̃ɛ, an ce nfei inɛ ŋa iyi à sinda à toom anyi ŋaui, aŋa iyi a kù waa dɛdɛɛm nɔ a kù waa beem ide kãma ŋau.

Maaku 16:15

Ŋɔi í sɔ̃ ŋa í ni, i bɔ si andunya fei, nɔ i waazoa inɛ baa yooma fei laabaau jiidau ŋa.

Luku 22:32

Amma amu ǹ ce kutɔɔ na iriɛ ku ba naanɛ ku dasiɛ ku maà gaizia. Nɔ awɔ, waati iyi aa kpaasi idɔ má, mua kpaasiɛ ŋa mɔ gbugbã.

Luku 6:48

Í jɔ mɔkɔ gɔ iyi wa ma ile. Mɔkɔu í tu isa titã í jĩ hee í koo í kãsi kuta í bɛi í nyɔ icui ileu. Si anyiɛ nɔ ido í kɔ̃ wa nikã, wa cã ileu, amma kù yɔkɔ ku kɛkɛɛ domi kumaɛ í sĩa.

Laabaau jiida iyi Zãa í kɔ 15:6

Inɛ iyi kù waa má sim aa nyaai a nyɔɔ bɛi à ya nyɔ amaawɔi jĩi ŋa. Si anyiɛ, bii à gbɛ nɔ a tɔtɔɔ ŋa a dasi ŋa ina a jo.

Woo bɛ ŋa 1:17

Zudasiui í tako í jɛ inɛ akã nwa wo, nŋu mɔ í ya dasi icɛ nwa awɔ.

Woo bɛ ŋa 1:25

nyisi wa inɛ iyi ì bi ku jɛ nsũi Zudasi si icɛi woo bɛ ŋau, icɛ iyi Zudasi í jɔ̀ nɔ í koo í lɔ tengi bii í jɔ a dasiɛ.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Woo bɛ ŋa 2:5

Wee waati bɛɛbɛ Zuifu gɔ ŋa iyi à mà bɛɛrɛi Ilaaɔ̃ à naa hai ilɛ fei à wa Zeruzalɛmu.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 26:16

Nsɛi, dede i leekĩ. Ǹ naa siɛi n cicaɛ i jɛ woo ce icɛm, nɔ i jɛ sɛɛdai mii ŋa iyi ì yɛ tã do iyi an nyi n jɔ̀ i yɛ má.

Woo bɛ ŋa 4:12

Woo faaba gɔ kù wɛɛ má bii kù jɛ nŋu akã, domi Ilaaɔ̃ kù na irii inɛ gɔ má si andunya iyi aa ka kpe ka baò faaba.

Romu 10:18

Amma ǹ wa n beei, Zuifu ŋa a kù gbɔ ideui? À gbɔɔ, domi à kɔɔ à ni, ideu í fangaa si andunya fei nɔ inɛ fei í gbɔɔ.

Romu 15:16

ǹ wa n jɛò woo ce icɛi Jesu Kirisi bi hai jɛ Zuifu ŋa. Ǹ wa n waazo laabaau jiidai Ilaaɔ̃ bɛi woo wee ku ba hai jɛ Zuifu ŋa a yɛ bɛi kuwee iyi á dɔ̃a Ilaaɔ̃ si, si na iyi í jɔ̀ Hundeɛ í cica ŋa í jɔ̀ à má.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Romu 5:5

Nɔ kpãa iyi à waa cɔu kaa jɛ ngbɛ domi kubii Ilaaɔ̃ í wa si idɔ nwa do saabui Hundeɛ iyi í mu nwa.

Kɔrɛnti 1, 15:58

Na nŋu, iŋɛ baakɔɔm ŋa, i leekĩ dim dim i maà tɛkɛɛ ŋa. I ce kookaai si icɛi Lafɛ̃ɛ do ajɔ fei si na iyi í jɔ̀ ì mà ŋa icɛ iyi ì waa cea Lafɛ̃ɛ kaa ce nfe ŋa.

Kɔrɛnti 1, 3:5

Yooi í jɛ Apolo. Mà yooi í jɛ Pɔlu. Awa taka nwa mɔ amaacɛi Ilaaɔ̃ ŋai. Awa fei, icɛ iyi Lafɛ̃ɛ í dasi wai à waa ce, ku ba i dasi naanɛ ŋa do saabui icɛ nwa.

Kɔrɛnti 2, 10:1

Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Kɔrɛnti 2, 11:23

À jɛ woo ce icɛi Kirisi ŋai? Ǹ re ŋa si bɛ. Idem nɔu, idei sũmui. Ǹ ce icɛ ǹ re ŋa, à dasim piisɔ̃ɔ í re ŋa, à tɛɛm kpɔtɔɔ n kù mà baa jiaɛ. Isɛ nkpɔ nkpɔi ǹ maai iku.

Kɔrɛnti 2, 3:6

domi nŋui í mu nwa gbugbã ka jɛò amaacɛɛ ŋa ka sisia inɛ ŋa akabuu titɔ̃. Akabuuu kù waa ce icɛ do wooda iyi à kɔu, bii kù jɛ do Hundei Ilaaɔ̃. Wooda iyi à kɔu í ya jɔ̀ inɛ ku kui, amma Hundei Ilaaɔ̃ í ya na kuwɛɛi.

Kɔrɛnti 2, 4:1

Ilaaɔ̃i í da nwa icɛu si awɔ na jiida ku jɛɛ. Nŋui í jɔ̀ a kù mɔngɔ munya.

Kɔrɛnti 2, 6:1

Awa iyi à waa ce icɛ do Ilaaɔ̃ ajɔ, à waa tɔɔ ŋɛi i maà jɔ̀ didɔ̃ iyi Ilaaɔ̃ í ce nŋɛu ku ce nfe.

Galati 4:11

Nsɛi ǹ wa n ce njo icɛ iyi ǹ ce si gãmɛ nŋɛ ku maà ce nfe.

Galati 5:5

Amma awa, Hundei Ilaaɔ̃ wa sɔ̃ wa mam mam iyi Ilaaɔ̃ á jɔ̀ ka jɛ dee dee na naanɛ ku dasi nwa.

Galati 5:7

Ì waa ce kuwɛɛ nŋɛ wo dee dee ŋa. Yooi í ganji ŋɛ í jɔ̀ i kù waa jirima ntɔu má ŋa.

Galati 6:9

Na nŋu, ka maà gbɛɛji do jiida ku ce, domi bii a kù mɔngɔ aa ka da si awaati iyi í jɔ.

Efɛɛzu 1:18

Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Efɛɛzu 2:21

Nŋui á jɔ̀ ileu ku la nɔ ku nɛ gbugbã nɔ ku jɛ bi ku tɔɔi Lafɛ̃ɛ iyi í má jiida.

Efɛɛzu 3:17

nɔ Kirisi ku ce bi kuwaɛ si idɔ nŋɛ na naanɛ ku dasi nŋɛ. Nɔ ǹ wa n tɔɔ má ku jɔ̀ i nɛ gbugbã i maa leekĩ dim dim si kubi ŋa,

Efɛɛzu 4:16

Siɛi awa fei à waa kã bɛi ikɔ̃i ara, nɔ arau fei í másiɛ do ikɔ̃ ikɔ̃ɛ. Nsɛi, bii ikɔ̃ fei wa ce icɛ si bɛi í jɔ, arau fei á lai ku maa kɔ̃ɔsi na saabui kubi.

Wooda ku kɔsi 2:25

Hai nnyi an ce bɛi inɛ ŋa aa ce a maa wɛɛò zigiida do njo na iri nŋɛ si andunyau ihɛ̃ fei. Hai à gbɔ baau nŋɛ gbakã aa ya maa yayai do njo.

Wooda ku kɔsi 4:19

I ce laakai ŋa waati iyi ì wu iju lelei Aɔ̃, bii ì yɛ inunu do cukpa do leleaɔ̃ ŋa hee do mii ŋa iyi à wa lele bɛ fei, i maà ti i gulɛ i tɔɔ ŋa. Mii ŋau bɛ, mii ŋa iyi Aɔ̃ Lafɛ̃ɛ í cea zamaa fei ikpɛ̃ɛ mbɛ si ilɛ ihɛ̃.

Kolosee 1:25

Nɔ Ilaaɔ̃ í cem woo ce icɛi igbɛu, si bɛi í jilɛɛm na iri nŋɛ, ku ba n sisi ideɛ mam mam.

Kolosee 2:7

I jɔ̀ icã nŋɛ ku mi siɛ, nɔ i ba gbugbã nŋɛ fei hai bi tɛɛ ŋa. I leekĩ si naanɛ ku dasiu ŋa si bɛi à kɔ nŋɛ si, nɔ i ya saabu si ŋa.

Tɛsalonika 1, 3:3

ku ba baa inɛ akã nŋɛ ku maà jɔ̀ ijuukpãu ku da zigiɛ. Iŋɛ taka nŋɛ ì waa mà si ŋa, inɛ nŋu kù nɛ bɛi á ce iyi kù ba wa.

Tɛsalonika 1, 3:5

Ŋɔi í jɔ̀ waati iyi idɔm í kɔ̀ ku sũ, ǹ bɛ Timɔtee bi tu ŋɛ bɛ ku ba n mà bɛi naanɛ ku dasi nŋɛ wa yɛ. Ǹ wa n ce njo Seetam woo lɛlɛ inɛu ku maa na ku lɛlɛ ŋɛ i ce dulum ŋa, nɔ icɛ nwa ku na ku jɛ ngbɛ.

Tɛsalonika 1, 5:8

Amma awa iyi à jɛ inɛi dasã ŋa, í sĩa ka ya ce laakaii ara nwa. Ka jɔ̀ naanɛ ku dasi do kubi ku degbe wa bɛi ibɔi igũ, nɔ kpãai faaba ku cɔ ku jɛ nwa bɛi fulai isɔ.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 1, 2:7

Na nŋui Ilaaɔ̃ í cicam n jɛ woo waazo do woo bɛ, nɔ n kɔ dimi mmu ŋa si cio si ide ntɔ nɔ n sɔ̃ ŋa a dasi Jesu naanɛ. Ntɔi ǹ wa n fɔ n kù wa n sɔ ibo.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Titee 3:7

ku ba ka na ka jɛ inɛ dee dee si wajui Ilaaɔ̃ na didɔ̃ɛ nɔ ka jɛò tubui kuwɛɛ hai tã iyi à waa cɔ kpãaɛ.

Ebɛɛ 10:38

Nɔ inɛm iyi í jɛ dee dee, á maa wɛɛ do saabui naanɛ ku dasi. Amma bii í nyi do anyi, inɔm kaa dɔ̃ do nŋu má.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Ebɛɛ 6:19

Kpãa ku cɔ iyi à nɛu wa mu idɔ nwai dim dim bɛi isɔi akɔi inyi í ya gɛɛ akɔu. Kpãa ku cɔu wa leekĩi dim dim do anyii ridoo bi kuwai Ilaaɔ̃ lele.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 1, 1:5

iŋɛ iyi gbugbãi Ilaaɔ̃ wa degbe do saabui naanɛ ku dasi ku ba i faaba mam mam ŋa. Faabau Ilaaɔ̃ í ce sɔɔluɛ ku nyisi ŋɛ si ajɔi ankãanyiu.

Zãa 1, 2:27

Amma iŋɛ, Hundei Ilaaɔ̃ iyi Kirisi í na ŋɛu, í wa si ŋɛ. Na nŋu, i kù nɛ bukaatai inɛ gɔ ku kɔ nŋɛ si cioi ngɔgɔ, domi Hundeu wa kɔ ŋɛ si cioi mii fei iyi í jɛ ntɔ, ibo kù wa si. Na nŋu, i jɔ̀ i nɛ anu akã do Kirisi ŋa, si bɛi Hundei Ilaaɔ̃ í nyisi ŋɛ.

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.