Kolosee 1:15 - Bibeli do fee

¹⁵ Inɛ gɔ kaa yɔkɔ ku yɛ Ilaaɔ̃. Amma Kirisi Amaɛu Ilaaɔ̃i, nɔ à yɔɔ, í nɔ í jɔɔi dee dee. Kirisiu í wɛɛi hai waati iyi a kù taka andunya.

Kolosee 1:15 Iomraidhean Croise

Iri ku kɔ̃ 89:27

Nŋui á tɔɔm ku ni, awɔi ì jɛ baam, awɔi ì jɛ Ilaaɔ̃ Lafɛ̃ɛm. Awɔi ì jɛ kuta ku nɛ gbugbã bii faabam í wa.

Kufita 24:10

Nɔ à yɛ Ilaaɔ̃ Lafɛ̃ɛ nŋa wa leekĩ si antaii kuta boogu gɔ iyi à ya kpe safira. Kutau í mái bɛi lelei Aɔ̃.

Kuka 12:8

Ǹ ya n baa ide ku fɔi gɛlɛò gɛlɛ, n ci ya n sɔ̃ɔ ide do mɔnda. Í ya yɛ bii ǹ wa n leekĩ si wajuɛ. To. Na mii í jɔ̀ i kù ce njoi irii Moizi woo ce icɛm nɔu ku sɔ ŋa.

Laabaau jiida iyi Zãa í kɔ 1:1

Hee a maa taka andunya inɛ gɔ í wɛɛ à ya kpoo Ide. Ideu í wɛɛi do Ilaaɔ̃. Ideu takaɛ Ilaaɔ̃i.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 14:9

Ŋɔi Jesu í jɛaa í ni, Filipu, hai ku kpɛi ǹ wa inɔ nŋɛ ihɛ̃ nɔ i kù màm? Inɛ iyi í yɛm í yɛ Ilaaɔ̃ Baabai. To, na mii í ce ì waa ni, nyisi wa Ilaaɔ̃ Baaba má.

Laabaau jiida iyi Zãa í kɔ 15:24

Inɛ kãma kù ce mii iyi ǹ ce si anini nŋa. Bii n kù ce mii ŋau bɛ wo, dulum du ŋa kaa wa si iri nŋa. Amma wee nsɛi à yɛ fei ndɛɛ nɔ do nŋu fei à cé amu do Baam.

Laabaau jiida iyi Zãa í kɔ 3:16

Ilaaɔ̃ í bi inɛi andunya ŋa jiida jiida hee í na ŋa Ama akãɛ ku ba inɛ iyi í dasiɛ naanɛ fei ku maà ce nfe, amma kú nɛ kuwɛɛ iyi ci ya tã.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Filipi 2:6

Baa do iyi í to Ilaaɔ̃, kù dɛdɛ nŋu ku jɛ saai Ilaaɔ̃ do tilasi.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Timɔtee 1, 1:17

Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.

Timɔtee 1, 6:16

Nŋu akãi í jɛ inɛ iyi ci ya ku. Nɔ í wa si inya kumá iyi inɛ gɔ kaa yɔkɔ ku maai si. Inɛ gɔ kù yɔɔ, nɔ inɛ gɔ kaa yɔkɔ ku yɔɔ mɔm. Nŋui í nɛ bɛɛrɛ do gbugbã iyi ci ya tã. Ami.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 1:6

Amma waati iyi Ilaaɔ̃ í bɛ ama yemmaɛ wa si andunya í ni, amalekam ŋa fei a gulɛaa.

Ebɛɛ 11:27

Na naanɛ ku dasii, Moizi í fita hai ilɛi Ezibiti, kù ce njoi idɔɔkɔ̃i ilaaluu. Í leekĩi dim dim bɛi mii iyi í yɛ inɛ iyi a ci ya yɛ.

Kuyɛi Zãa 3:14

Kirisi í ni má, kɔa amalekai igbɛi inɛm ŋa iyi í wa Laodisee. Kɔaa i ni, inɛ iyi à ya kpe Ami, woo jɛ sɛɛda ilu naanɛ iyi í jɛ ntɔu, nŋu iyi í jɛ icui mii iyi Ilaaɔ̃ í taka fei í ni,