Kolosee 1:12 - Bibeli do fee

¹² I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Kolosee 1:12 Iomraidhean Croise

Ilaalu 1, 6:7

Si waatii ileu ku ma, kuta ŋa iyi à ce sɔɔluɛ hai bii à ko ŋa waui à ceò icɛu. Na ŋɔi í jɔ̀ a kù gbɔ ibai mataaka kãma walakɔ dagba hee má jɛ jĩnɛi isɔ gɔ.

Bomma 1, 29:20

Ŋɔi Davidi í sɔ̃ zamaau fei í ni, i saabu Aɔ̃ Lafɛ̃ɛ nŋɛ ŋa. Nɔ inɛ ŋau fei à saabu Aɔ̃ Lafɛ̃ɛi bala nŋa ŋau. À gulɛ à sɛɛbata si wajui Aɔ̃ Lafɛ̃ɛ do si wajui ilaaluu.

Iri ku kɔ̃ 116:7

An nyi si bi kusĩmim nii, domi Aɔ̃ Lafɛ̃ɛ í ceem jiida.

Iri ku kɔ̃ 36:9

Si kpasɛ̃ɛ, ì ya mu nŋa ijɛ jiida nkpɔ nkpɔ. Ì ya jɔ̀ a ba jiida ku jɛɛ iyi í yɛ bɛi inyii ido a maa mɔ.

Iri ku kɔ̃ 79:13

Amma, awa inɛɛ ŋa iyi à jɛ bɛi mɛɛmu gaa iyi ì waa degbe, aa ka maa cĩɛi ajɔ fei. Awa inɛɛ ŋa, aa ka maa cĩɛi hee ku koo si tɔku do tɔku nwa ŋa fei.

Iri ku kɔ̃ 97:11

Kuweei Ilaaɔ̃ í ya wɛɛi na inɛ dee dee ŋa. Nɔ inɛ ŋa iyi idɔ nŋa í má, si inɔ didɔ̃i à ya wa.

Mɔnda ŋa 16:1

Amanɛ ŋa à ya dasi idɔ aŋa a ce mii nkpɔ nkpɔ, amma iri ku kpaɛi fei ndɛɛ wa naai hai bi Aɔ̃ Lafɛ̃ɛ.

Mɔnda ŋa 4:18

Kpãai inɛ dee dee ŋa í yɛi bɛi inya kumái daadaakɔ iyi wa daana nɔ inya kumáɛu í la wa koo hee koo to dasã.

Daniɛli 2:23

Aɔ̃ Lafɛ̃ɛi balam ŋa, ǹ saabuɛi nɔ ǹ wa n cĩɛ na laakai jiida do gbugbã iyi ì muum, domi awɔi ì jɔ̀ ǹ mà yaasei mii iyi à tɔɔɛu. Ntɔ ntɔ, awɔi ì jɔ̀ à gbɔ yaasei mii iyi wa da zigii ilaaluu.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Laabaau jiida iyi Zãa í kɔ 4:23

Amma awaati gɔ á na ku naa, nɔ í to wa tã mɔm de, iyi Hundei Ilaaɔ̃ á jɔ̀ inɛ ŋa a gulɛ a maa tɔɔ Ilaaɔ̃ Baaba do ntɔ. Woo gulɛaa do yaase bɛɛbɛ ŋai í bi. Inɛ bɛ ŋai à jɛ woo gulɛa Ilaaɔ̃ ntɔ ntɔ.

Woo bɛ ŋa 20:32

Nsɛi ǹ so ŋɛ ǹ wa n daa Ilaaɔ̃ si awɔ nɔ ǹ wa n da nŋɛ idei didɔ̃ɛ si awɔ. Nŋui á yɔkɔ ku mu nŋɛ gbugbã nɔ ku mu nŋɛ tubu iyi í jilɛa inɛ ŋa iyi í cica a jɛ tɛɛ fei.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Romu 11:17

Amma nsɛi à cafe amaawɔ gɔ ŋa hai si jĩi ndii olivi, nɔ iŋɛ iyi ì jɛ amaawɔi jĩi ndii sako, iŋɛi à sãsi agbɛ nŋa. Nsɛi wee iŋɛ mɔ ì waa ba inyi iyi wa naa si amaawɔ ŋau hai si icãu.

Romu 15:27

Do kubii à tɔtɔɔò fiau, amma ntɔ ntɔ gbesei à waa mu si na iyi í jɔ̀ amanii Ilaaɔ̃ iyi Zuifu ŋau à nɛ à kpɔ̃ɔ do dimi mmu ŋa. Bɛɛbɛ mɔi á sĩa dimi mmu ŋau mɔ a sobi ŋa do amanii andunya nŋa.

Romu 8:17

To, si bɛi à jɛ amaɛ ŋa, nŋui í jɔ̀ à nɛ baa si mii iyi í jilɛ nwa. Aa ka nɛ ikpɛ̃ do Kirisi ajɔ, domi bii à baa ijuukpãɛ ku kpɛ̃, bɛɛbɛ mɔi aa ka baa amboeɛ ku kpɛ̃ má.

Romu 9:23

Inɛ gɔ ŋa mɔ í bi ku nyisi ŋa bɛi amboeɛ í la í to. Aŋai í ce araare nŋa nɔ í ce sɔɔlu nŋa hai ku kpɛ a nɛ ikpɛ̃ si amboeɛ.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Kɔrɛnti 1, 9:23

Ǹ wa n ce fei ndɛɛi ku ba kuwee iyi laabaau jiidau í nɛ n ba si ikpɛ̃.

Kɔrɛnti 2, 11:14

Nkãma kù wa bɛ iyi á biti inɛ, domi Seetam takaɛ á yɔkɔ ku kpaasi araɛ bɛi amalekai Ilaaɔ̃.

Kɔrɛnti 2, 5:5

Inɛ iyi í jilɛ nwa mii ŋau ihɛ̃ nŋui í jɛ Ilaaɔ̃. Nŋui í mu nwa Hundeɛ bɛi kaazigi.

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:18

Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Efɛɛzu 2:18

Nɔ ntɔi, do saabui Kirisi awa fei, Zuifu ŋa do dimi mmu ŋa, aa ka yɔkɔ ka bɔ wajui Ilaaɔ̃ Baaba do sobii Hunde akãu.

Efɛɛzu 3:6

Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Efɛɛzu 4:6

Ilaaɔ̃ akãi í wɛɛ iyi í jɛ Baai inɛ fei. Nŋui í jɛ ilaalui mii fei, nŋui í wa bi inɛ fei, nɔ í wa si inɛ fei.

Efɛɛzu 5:11

I maà dasi ara nŋɛ si kookoosu laalɔ iyi amanɛ ŋa à waa ce si ilu kuku. Amma kookoosu dimi bɛɛbɛ i ya fɔɔ inɛ ŋa a gbɔ ŋa.

Efɛɛzu 5:20

I ya maa saabu Ilaaɔ̃ Baaba waati kãma fei ŋa si mii fei do irii Lafɛ̃ɛ nwa Jesu Kirisi.

Efɛɛzu 5:4

Nɔ i maà ya jɔ̀ idei anyɔ walakɔ ide hai nɛ yaase walakɔ ide nfe nfe ku fita hai si gɛlɛ nŋɛ, domi ide dimi bɛɛbɛ kù jɔò ŋɛ, amma i jɔ̀ ide nŋɛ ku ya jɛ Ilaaɔ̃ ku saabu.

Efɛɛzu 5:8

Iŋɛ taka nŋɛ, si ilu kukui ì wa ŋa wo, amma nsɛi, ì wa si inya kumá ŋa na anu akã nŋɛ do Lafɛ̃ɛ. Na nŋu, i jɔ̀ isɛɛnɛ nŋɛ ku jɔ ti inɛ ŋa iyi à waa nɛ si inya kumá,

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 12:23

Ì sɛkɛɛ si inɛ ŋa iyi à kɔ iri nŋa lele ŋa, aŋa iyi à jɛ ama yemmai Ilaaɔ̃ ŋa. Ì sɛkɛɛ si Ilaaɔ̃ ŋa, nŋu iyi í jɛ woo kiitii inɛ fei, nɔ ì sɛkɛɛ si inɛ dee deei tako ŋa iyi Ilaaɔ̃ í jɔ̀ à kɔ̃ tã ŋa.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Zaaki 3:9

Do amɛi à ya ka saabuò Baaba Lafɛ̃ɛ nwa, nɔ do nŋui à ya ka ceekpeò inɛ ŋa iyi Ilaaɔ̃ í taka bɛi nŋu takaɛ.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Kuyɛi Zãa 21:23

Iluu kù nɛ bukaatai inunu walakɔ cukpa iyi á máa inya, domi amboei Ilaaɔ̃ wa má inya siɛ, nɔ ama angudãu í jɛ fitilaɛ.

Kuyɛi Zãa 22:14

Ilu inɔ didɔ̃ ŋai inɛ ŋa iyi kuwɛɛ nŋa í má bɛi jĩnɛ iyi à fɔ sãa sãa, ku ba a ba kpãa a jɛ isoi jĩi ndii kuwɛɛu nɔ a lɔ inɔ iluu hai do andɛɛ.

Kuyɛi Zãa 22:5

Idũ kaa ya dũ bɛ. A kaa nɛ bukaatai inya kumái fitila walakɔ ti inunu, domi Aɔ̃ Lafɛ̃ɛi á jɛ inya kumá nŋa. Aa nɔ a jɛ bomma hee do ajɔ fei.