Kolosee 1:11 - Bibeli do fee

¹¹ À waa tɔɔ Ilaaɔ̃ ku mu nŋɛ gbugbã si mii fei do saabui gbugbãi yiikoɛ ku ba i yɔkɔ temua si mii fei ŋa, nɔ i ya maa leekĩ dim dim ŋa.

Kolosee 1:11 Iomraidhean Croise

Iri ku kɔ̃ 63:2

Ilaaɔ̃, awɔi ì jɛ Lafɛ̃ɛm. Ǹ wa n dɛdɛɛ. Ǹ wa n ce bɛgɛɛ nɔ ǹ nɛ bukaataɛ bɛi ilɛ ngbɛ hai nɛ mandi í ya nɛ bukaatai inyi.

Kufita 15:6

Aɔ̃ Lafɛ̃ɛ, gbugbãi awɔ njɛɛ í la, do nŋui ì ya lɛgɛò mbɛɛɛ ŋa.

Mɔnda ŋa 24:10

Bii ì mɔngɔ temua si wahala ì nyisi gbugbã hai nɛɛi.

Ezai 45:24

Aa ya fɔi a maa ni, bi Aɔ̃ Lafɛ̃ɛ nŋu akãi dee dee ku jɛ do gbugbã ku nɛ í wa. Inɛ ŋa iyi à waa muu do idɔɔkɔ̃ ŋau fei, aa naa bi tɛɛi do anyɔ.

Woo bɛ ŋa 1:8

Amma aa ba gbugbã ŋa waati iyi Hundei Ilaaɔ̃ á naa si ŋɛ. Aa jɛa inɛ ŋa sɛɛdam ŋa si ilui Zeruzalɛmu, do si ilɛi Zudee fei, do si ilɛi Samari hee ku bɔ do kɔɔi andunya fei.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 2:7

Inɛ ŋa iyi à temua à waa ce jiida à waa dɛdɛò amboe do bɛɛrɛ, nɔ à waa dɛ aŋa a maà ce nfe, aŋai Ilaaɔ̃ á mua kuwɛɛ hai tãu.

Kɔrɛnti 1, 16:13

I ce laakaii ara nŋɛ, i leekĩ si naanɛ ku dasi dim dim ŋa. I ce wɔɔkɔ ku ba i ba gbugbã ŋa.

Kɔrɛnti 2, 4:7

Amma awa iyi à nɛ amani nlau ihɛ̃, à yɛi bɛi cakai amà ku ba inɛ ŋa a mà iyi kulai gbugbãu ti Ilaaɔ̃i, kù jɛ ti awa taka nwa.

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Efɛɛzu 6:10

Ide iyi í gbe ǹ wa n bi n sɔ̃ ŋɛ wee. Si anu akã nŋɛ do Lafɛ̃ɛ i jɔ̀ gbugbã nlaɛ ku mua iŋɛ mɔ gbugbã ŋa.

Filipi 4:13

An yɔkɔ n ce fei ndɛɛ do saabui Kirisi iyi wa muum gbugbã.

Piɛɛ 2, 1:6

nɔ si kumà i kɔ̃ɔsi ara ku mu, nɔ si ara ku mu i kɔ̃ɔsi temua, nɔ si temua i kɔ̃ɔsi bɛɛrɛi Ilaaɔ̃ ku mà,

Kuyɛi Zãa 14:12

Na nŋu, í sĩa woo dasi naanɛ ŋa a temua, aŋa iyi à waa jirima woodai Ilaaɔ̃ ŋa nɔ à dasi Jesu naanɛ.