Laabaau jiida iyi Zãa í kɔ 8:2 - Bibeli do fee

² Amma iju kumáɛ daadaakɔ í sinda í bɔ bantumai kpasɛ̃i Ilaaɔ̃ nɔ inɛ fei wa bɔ bi tɛɛ, nɔ í buba í lɔsi cio ku kɔ ŋa si.

Laabaau jiida iyi Zãa í kɔ 8:2 Iomraidhean Croise

Woo lasabu 9:10

Nɔ mii iyi ì nɛ ku ce fei, coo do gbugbãɛ, domi icɛ do lasabu ku ce si ngɔgɔ do kumà do bisi kãma kaa wɛɛ bi kuwai iku ŋa tengi bii ì waa bɔ.

Zeremi 25:3

hai si adɔ̃ maatɛtasiai bomma ku jɛi Zoziasi amai Amɔɔ ilaalui Zudaa hee ku baa nnyi, adɔ̃ kɔnfia do mɛɛta wa mbɛ iyi n kù gbɛɛji ǹ wasi ku sɔ̃ ŋɛ idei Aɔ̃ Lafɛ̃ɛ, amma i kù waa jɛ ku gbɔɔ ŋa.

Zeremi 32:33

Anyii aŋa fei à sinda à toom wa, a kù toom waju nŋa. Ǹ kɔ ŋa, nɔ n kù gbɛɛjiò ikɔ ku na ŋa, amma a kù jɛ ikɔu ku gba.

Zeremi 44:4

Ǹ bɛ si ŋɛ walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, i maà ce daa laalɔ iyi ǹ céu bɛ ŋa.

Matie 26:55

Ŋɔi Jesu í bee zamaau í ni, amui ì naa ku mu bɛ ŋa do taakuba do golo ŋa bɛi woo ce ile? Ǹ ya n wa si inɔ nŋɛ ajɔ fei n maa n kɔ inɛ ŋa si cio kpasɛ̃i Ilaaɔ̃, nɔ i kù mum ŋa.

Luku 21:37

Ajɔ fei Jesu í ya kɔ inɛ ŋa si cio kpasɛ̃i Ilaaɔ̃, alɛ nɔ koo sũ geetei Olivie.

Luku 21:38

Bii iju í má inɛ fei í ya naa kpasɛ̃i Ilaaɔ̃ bɛ ku gbɔò ideɛ iyi wa fɔ.

Luku 4:20

Ŋɔi Jesu í ka tiau má í sindoa woo ce icɛu nɔ í buba. Ŋɔi inɛ ŋa iyi à tɔtɔɔ bɛ fei à kãsiɛ iju.

Luku 5:3

Nɔ Jesu í lɔ inɔ akɔi inyi akã. Akɔi inyi iyi í lɔ siu ti Simɔɔi. Nɔ í kpe Simɔɔ í tɔɔɛ í ni ku na ku sɛkɛɛò akɔu hai itĩi inyiu keeke. Ŋɔi í buba si inɔi akɔu, wa kɔ zamaau si cio.

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Laabaau jiida iyi Zãa í kɔ 8:20

Ideu bɛi Jesu í fɔ waati iyi wa kɔ inɛ ŋa si cio bantumai kpasɛ̃i Ilaaɔ̃ bii à ya jilɛ fiai kɔlɛtiu. Nɔ inɛ gɔ kù lesiɛ awɔ si na iyi í jɔ̀ waatiɛ kù to wa titã.

Laabaau jiida iyi Zãa í kɔ 8:3

Ŋɔi woo kɔ inɛ ŋa si wooda ŋa do Farisi ŋa à naaò inaabo gɔ wa bi tɛɛ iyi à muu si sakara ku ce. Ŋɔi à leekĩɛ si aninii zamaau.

Woo bɛ ŋa 5:21

Nɔ woo bɛ ŋau à gbɔ ideu. Amɛɛjuumá gbakã ŋɔi à bɔ bantumai kpasɛ̃i Ilaaɔ̃ bɛ à wasi ku kɔ inɛ ŋa si cio. Wee waati bɛɛbɛ woo wee nlai Ilaaɔ̃u do inɛɛ ŋau à tɔtɔɔ nɔ à kpe igbɛi woo kiiti ŋau do inɛ ngboi Izirɛli ŋa fei, à bɛi à bɛ woo degbe kpasɛ̃i Ilaaɔ̃ ŋau a koo a gbã woo bɛ ŋau wa hai ile piisɔ̃ɔ.