Laabaau jiida iyi Zãa í kɔ 7:4 - Bibeli do fee

⁴ domi bii amanɛ í bi a mà nŋu bantuma kaa máa ce ngɔgɔ si asii. Bii ì waa ce dimii icɛ bɛɛbɛ, í gbe í nyisi inɛ ŋa araɛ.

Laabaau jiida iyi Zãa í kɔ 7:4 Iomraidhean Croise

Ilaalu 1, 22:13

Ŋɔi inɛ iyi í bɔ Misee ku kpe wau í sɔ̃ɔ í ni, walii ŋau fei à ce anu akã à waa yɛa ilaaluu jiida. Jɔ̀ ide ku fɔi awɔ mɔ ku jɛ bɛi tu ŋa. Fɔ jiidaɛ.

Matie 23:5

Kookoosu nŋa iyi à waa ce fei à waa cooi ku ba a yɛ ŋaò. Bɛɛbɛi à ya dĩ ama tia iyi í la í re ti kpaasi ŋa nɔ a dasi ibɔ jaba nŋa ikũ sisɔ iyi í re ti kpaasi ŋa si itĩ do ilɛ.

Matie 4:6

Ŋɔi í ni má, bii awɔ Amai Ilaaɔ̃i, fo i dingaa ilɛ, domi kukɔi idei Ilaaɔ̃ í ni, Ilaaɔ̃ á na amalekaɛ ŋa wooda na iriɛ, a maa muɛ si awɔ ku ba i maà ti i koosɛ si kuta.

Matie 6:16

Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛi ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.

Matie 6:5

Jesu í ni, bii ì waa ce kutɔɔ ŋa i maà ya ce bɛi ilu muafiti ŋa à ya ce. À ya bi aŋa a leekĩ a ce kutɔɔ ile bii à ya ce kutɔtɔɔ ŋa do bi tafa ŋa ku ba inɛ fei ku yɛ ŋa. Ntɔ ntɔ, inɛ nŋu ŋa à ba riba nŋa fei tã.

Luku 6:45

Amanɛ jiida í ya nya jiida wai hai si mii jiida iyi wa singa si idɔɛ. Amanɛ laalɔ mɔ í ya nya laalɔ wai hai si mii laalɔ iyi wa singa si idɔɛ, domi mii iyi wa kɔ̃ si idɔi amanɛ, nŋui gɛlɛɛ í ya fɔ.

Laabaau jiida iyi Zãa í kɔ 18:20

Ŋɔi Jesu í jɛaa í ni, ideu si bantumai ǹ sɔ̃ inɛ fei. Ǹ ya n kɔ inɛ ŋa si ciom nii ile bii à ya ce kutɔtɔɔ ŋa do si kpasɛ̃i Ilaaɔ̃, bii Zuifu ŋa fei à ya tɔtɔɔ. N kù fɔ ide kãma si asii.

Laabaau jiida iyi Zãa í kɔ 7:3

Ŋɔi ifɔi Jesu ŋa à sɔ̃ɔ à ni, nɛ hai ihɛ̃ i bɔ Zudee ku ba mɔcɔɛ ŋa iyi à wa ikpa bɛ a yɛ icɛ iyi ì waa ce,

Laabaau jiida iyi Zãa í kɔ 7:5

À waa fɔ bɛɛbɛi si na iyi í jɔ̀ baa aŋa taka nŋa a kù dasiɛ naanɛ.