Laabaau jiida iyi Zãa í kɔ 7:1 - Bibeli do fee

¹ Si anyii nŋu, Jesu wa dabii si ilɛi Galilee. Kù bi ku bɔ ikpa ilɛi Zudee domi Zuifu ŋau à waa dɛ ku kpaai.

Laabaau jiida iyi Zãa í kɔ 7:1 Iomraidhean Croise

Matie 10:23

Bii à waa kpã ŋɛ iju si ilu gɔ i sa i bɔ ilu mmu. Ntɔ ntɔ, an sɔ̃ ŋɛ, i kaa dabii si ilɛi Izirɛliu i kpa iriɛ ŋa amu Amai Amanɛ n to wa.

Matie 21:38

Amma iyi gaanɔɔma ŋau à yɛ amau à fɔ aŋa duusɔ̃ɔ à waa ni, i cɔ inɛ iyi á na ku jɛ tubuu. I naa wa ka kpaa nɔ ilɛu ku baa ku jɛ tu wa.

Maaku 11:18

Iyi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à gbɔ ideu, ŋɔi à waa dɛ kpãa iyi aa kpaò Jesu, domi à waa ce njoɛ si na iyi í jɔ̀ zamaau fei í biti do cioɛ.

Laabaau jiida iyi Zãa í kɔ 1:19

Ajɔ nŋu gɔ inɛ ngboi Zuifu ŋa iyi à wa Zeruzalɛmu à bɛ si Zãa woo weei Ilaaɔ̃ ŋa do inɛi Levii ŋa a koo a beeɛ a ni, awɔ yooi.

Laabaau jiida iyi Zãa í kɔ 4:54

Isɛ gbeejisiai ihɛ̃ bɛbɛi iyi Jesu í dede hai ilɛi Zudee í naa ilɛi Galilee nɔ si kunaaɛu fei í ce maamaakei. Iyi bɛi í jɛ maamaake minjisia.

Laabaau jiida iyi Zãa í kɔ 6:1

Si anyii nŋu, jingaui Zuifu ŋa iyi à ya kpe Iku ku kuau í maai wa. Waati bɛɛbɛi Jesu í kua icei tenkui Galilee. Tenkuui à ya nyi a kpe Tiberia má. Ŋɔi zamaa nkpɔ wa tooɛ, domi à yɛ maamaake ŋa iyi í ya maa ce ku maa faabaò bɔ̃ɔ ŋa. Ŋɔi Jesu í gũ iri kuta gɔ í buba do mɔcɔɛ ŋa ajɔ.

Laabaau jiida iyi Zãa í kɔ 7:11

Ŋɔi Zuifu ŋau à wasi ku dɛdɛɛ si waatii jingauu à waa ni, iwoi í wa.

Laabaau jiida iyi Zãa í kɔ 7:13

Amma kãma nŋa ci ya fɔ ideɛ do wɔɔkɔ domi à waa ce njoi inɛ ngbo ŋau.

Laabaau jiida iyi Zãa í kɔ 7:19

Moizii í na ŋɛ wooda, mà irei. Amma do nŋu fei, kãma nŋɛ kù waa jirima woodau. To, na mii í ce ì waa dɛ ku kpam ŋa.

Laabaau jiida iyi Zãa í kɔ 7:25

Ŋɔi inɛi Zeruzalɛmu gɔ ŋa, iyi à gbɔ Jesu í fɔ bɛɛbɛ à waa ni, kù jɛ inɛɛu ihɛ̃i à waa dɛ ku kpau ya.

Laabaau jiida iyi Zãa í kɔ 7:35

Ŋɔi Zuifu ŋau à bee njɛ ide à waa ni, iwoi á bɔ iyi a kaa ka yɔɔ. Mà bi inɛ nwa ŋa iyi à fangaa si ilɛi dimi mmu ŋaui á bɔ ya. Á koo kɔ dimi mmu ŋau si cioi?

Laabaau jiida iyi Zãa í kɔ 8:37

Ǹ mà iyi iŋɛ tɔkui Aburahamu ŋai. Amma ì waa dɛ ku kpam ŋa si na iyi í jɔ̀ i ci ya jɔ̀ idem ku buba si idɔ nŋɛ.

Laabaau jiida iyi Zãa í kɔ 8:40

Amma wee nsɛi í ya maa dɛ ku kpam ŋai, amu iyi ǹ wa n sɔ̃ ŋɛ ide ntɔ iyi ǹ gbɔ hai bi Ilaaɔ̃. Aburahamu kù nɔ kù ce dimiɛ ajɔ kãma.

Woo bɛ ŋa 10:38

Ì mà bɛi Ilaaɔ̃ í mua Jesu inɛi Nazarɛtiu Hundeɛ ŋa do bɛi í muaa gbugbã. Nɔ í dabii si ilɛu fei wa ce jiida nɔ í jɔ̀ inɛ ŋa iyi à wa si awɔi Seetam fei à ba iri. Í ya maa ce bɛɛbɛi si na iyi í jɔ̀ Ilaaɔ̃ í wɛɛ do nŋu.