Laabaau jiida iyi Zãa í kɔ 5:3 - Bibeli do fee

³ Si andɛi ile ŋaui bɔ̃ɔ nkpɔ í ya na ku maa sũ, fɛɛju ŋa do woo sukutɛ ŋa do wɛɛgɛ ŋa. [Bɛi à ya sũ a maa degbe kuyayai inyiu,

Laabaau jiida iyi Zãa í kɔ 5:3 Iomraidhean Croise

Ilaalu 1, 13:4

Iyi ilaaluu í gbɔ ide iyi waliiu í fɔa bi kuweeu, ŋɔi í to siɛ awɔ wa hai lelei bi kuweeu nɔ í ni, i muu wa ŋa. Ŋɔi awɔ iyi í to siɛu í gbɛ nɔ í mɔngɔ ku kaa wa má.

Mɔnda ŋa 8:34

Ilu inɔ didɔ̃i inɛ iyi wa de sim itĩ, nɔ í ya maa leekĩ anu koofai kpasɛ̃m waati kãma fei ku maa degbem,

Kukpata 3:26

Í sĩa amanɛ ku cokoi ku maa degbeò faabai Aɔ̃ Lafɛ̃ɛ.

Zakari 11:17

Inɔ kufɔi á jɛ ti woo degbe iyi í ce nnyɛi, iyi í ya fũsi angudã ŋa awɔ. Taakuba á mɛɛ ikpaɛ do iju njɛɛ. Nɔ ikpaɛu ku gbɛ mam mam, nɔ ijuɛu mɔ ku ku.

Matie 15:30

Nɔ zamaa nla gɔ í naa bi tɛɛ. À naaò ilu kutɛ akã ŋa wa, do fɛɛju ŋa, do wɛɛgɛ ŋa, do dekĩ ŋa, do bɔ̃ɔ nkpɔ má nɔ à jilɛ ŋa si wajui Jesu, nɔ í jɔ̀ à ba iri.

Matie 4:24

Nɔ baauɛ í fangaa bii fei si ilɛi Siri fei, hee inɛ ŋa à wasi ku naaò bɔ̃ɔ nŋa ŋa wa bi tɛɛ. Inɛ ŋa iyi à nɛ dimii bɔ̃ɔ ikã ikã fei do inɛ ŋa iyi à nɛ wahalai ara kuro nkpɔ do inɛ ŋa iyi inɛi inɔɔko ŋa à mu, do inɛ ŋa iyi à waa ce bɔ̃ɔi cukuuna do wɛɛgɛ ŋa, à naaò aŋa fei wa bi tɛɛ, nɔ í jɔ̀ aŋa fei à ba iri.

Luku 7:22

Nɔ í jɛa amaabɛ ŋau í ni, i koo i sisia Zãa mii iyi ì yɛ do iyi ì gbɔ ŋa. Fɛɛju ŋa à waa yɛ ilu, woo sukutɛ ŋa à waa nɛ dee dee, dintɛ ŋa à ba iri à jɛ inɛ kumaaju, dekĩ ŋa à waa gbɔ ide, iku ŋa à jĩ, nɔ à waa waazoa ilu are ŋa laabaau jiidau.

Laabaau jiida iyi Zãa í kɔ 5:2

Wee Zeruzalɛmu bɛ, bi ku lɔò inɔ iluu í kpɔ. Andɛ akãi à ya kpe Andɛi angudã ŋa. Kɔkɔi andɛu bɛi fatama nla gɔ í wa. Nɔ à ma si ile iyi í nɛ andɛ miiu. À ya kpoo Bɛtizada do feei Ebɛɛ.

Laabaau jiida iyi Zãa í kɔ 5:4

domi ajɔ gɔ ŋa amalekai Ilaaɔ̃ í ya kita wa ku lɔ si fatamau nɔ ku fɔ inyiu. Bii inyiu í fɔ bɔ̃ɔ iyi í tako í dasi bɛ dimii bɔ̃ɔ iyi í nɛ fei í ya ba irii.]

Romu 8:25

Amma bii à waa cɔ kpãai mii gɔ iyi a kù waa yɛ, aa ka maa degbeɛi do temua.

Zaaki 5:7

Kpaasim ŋa, iŋɛ fei i yɔkɔ temua ŋa hee Lafɛ̃ɛ koo nyiò wa má. I cɔ bɛi woo logoo i ya temua ku maa cɔ ilɛɛ hee amaajɛɛ koo jĩaò. Temuai í ya ce ku yɛò ijĩ sinte hee do ti ankãanyiɛ fei.