Laabaau jiida iyi Zãa í kɔ 3:3 - Bibeli do fee

³ Ŋɔi Jesu í jɛaa í ni, ntɔ ntɔ ǹ wa n sɔ̃ɛi, nɔ a kù bí inɛ isɛ gbeejisia kaa yɔkɔ ku yɛ bommai Ilaaɔ̃.

Laabaau jiida iyi Zãa í kɔ 3:3 Iomraidhean Croise

Zeremi 5:21

i sotĩ i gbɔ, iŋɛ zamaa nnyɛi iyi í kua laakai ŋa. Ì nɛ iju ŋa, amma i kù waa yɛ ilu ŋa. Ì nɛ itĩ ŋa, nɔ i kù waa gbɔ ide ŋa.

Ezekiɛli 36:26

An mu nŋɛ idɔ titɔ̃ do hunde titɔ̃. An nya idɔ nŋɛ iyi í le bɛi kutaui, nɔ n sã nŋɛ si idɔ iyi í rɔ bɛi ara bãasĩi amanɛ.

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Matie 19:24

Nɔ an sɔ̃ ŋɛ má iyi á faalaa kpookpo ku lɔ si iwoi abɛɛ do iyi ilu amani á lɔò tengi bii Ilaaɔ̃ í jɛ bommaɛ.

Matie 21:31

Si ama minji ŋau yoo nŋai í ce idɔɔbii baaɛ. Ŋɔi à ni, inɛ sinteui. Ŋɔi Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, woo gba fiai lɛmpoo do inaabo woo ta icu ŋa aa tako ŋɛ a lɔ si tengi bii Ilaaɔ̃ í jɛ bomma.

Matie 5:18

Ntɔ ntɔ, hee lele do ilɛ koo tãò, baa wasalii wooda keeke akã kaa gaizia, í gbe fei ndɛɛ ku kɔ̃i.

Maaku 10:14

Iyi Jesu í yɛ mii iyi à waa ceu, ŋɔi idɔɛ í kɔ̃, í sɔ̃ ŋa í ni, i jɔ̀ amu ŋau a naa bi tom, i maà ganji ŋa, domi bommai Ilaaɔ̃ í jɛ ti inɛ ŋa iyi à jɔ ŋa.

Maaku 9:47

Nɔ bii í jɛ iju akãɛi wa dasiɛ kurara, nyaa. Á tia i lɔ si bommai Ilaaɔ̃ do iju akã do iyi aa nɛ iju minji fei nɔ i lɔ si inyai wahala.

Laabaau jiida iyi Zãa í kɔ 1:13

A kù jɛ amai Ilaaɔ̃ ŋa do yaase bɛi à ya ce a bíò amu ŋa si andunya. Kù jɛ do idɔɔbii amanɛ ŋa, ti Ilaaɔ̃i.

Laabaau jiida iyi Zãa í kɔ 1:5

Inya kumáu í mái do si ilu kuku fei, nɔ ilu kukuu kù yɔkɔ kù kãmiaɛ.

Laabaau jiida iyi Zãa í kɔ 1:51

Nɔ í ni má, ntɔ ntɔ ǹ wa n sɔ̃ ŋɛi, aa na i yɛ lelei Aɔ̃ í cĩ ŋa nɔ amalekai Ilaaɔ̃ ŋa aa gũ a maa kita si amu Amai Amanɛ.

Laabaau jiida iyi Zãa í kɔ 3:4

Amma Nikodɛmu í beeɛ í ni, inɛ iyi í la tã, bɛirei aa ce a búu má. Á nyi inɔi iyeɛ a bɛi a buu isɛ gbeejisia mái?

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Galati 6:15

À ce bango, a kù ce bango, kù jɛ ide kãma. Mii iyi í nɛ amboe í re, nŋui í jɛ a taka inɛ titɔ̃.

Efɛɛzu 2:1

Tako wo ì yɛ ŋai bɛi iku ŋa na irii kurara nŋɛ do dulum du ŋɛ.

Wooda ku kɔsi 29:4

Í gbã ŋɛi si gbaau adɔ̃ ciiji, nɔ jĩnɛ ku dasi nŋɛ ŋa do baata nŋɛ ŋa a kù gbo.

Titee 3:5

í faaba wa. Waati bɛɛbɛi Hundeɛ iyi í da nwa si í bí wa isɛ gbeejisia nɔ í mu nwa kuwɛɛ titɔ̃. Kù faaba wa si na iyi í jɔ̀ à ce icɛ jiida, amma si na iyi í jɔ̀ í ce araare nwai.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Zãa 1, 2:29

Si bɛi ì mà ŋa iyi Kirisi í jɛ dee dee, i jɔ̀ i mà ŋa iyi inɛ iyi wa ce dee dee fei amai Ilaaɔ̃i.

Zãa 1, 3:9

Inɛ iyi í jɛ amai Ilaaɔ̃ fei, ci ya maa mɔsi dulum ku ce, domi kuwɛɛi Ilaaɔ̃ í wa siɛ. Kaa yɔkɔ ku maa ce dulum, domi í jɛ amai Ilaaɔ̃.

Zãa 1, 5:1

Inɛ iyi í dasi naanɛ iyi Jesui í jɛ Kirisi, lafɛ̃ɛ amai Ilaaɔ̃i, nɔ inɛ iyi í bi Baa í bi amai Baa ŋau mɔi.

Zãa 1, 5:18

À mà inɛ iyi í jɛ amai Ilaaɔ̃ fei ci ya ce dulum ku maa mɔsi, domi Amai Ilaaɔ̃ wa degbeɛ, nɔ Seetam, inɛ laalɔu, kaa yɔkɔ ku ceaa ngɔgɔ.

Zãa 1, 5:4

Ntɔ ntɔ, amai Ilaaɔ̃ baa yooma fei í ya kãmia andunyai. Naanɛ ku dasi nwai á jɔ̀ ka kãmiaò andunya.

Kuyɛi Zãa 3:14

Kirisi í ni má, kɔa amalekai igbɛi inɛm ŋa iyi í wa Laodisee. Kɔaa i ni, inɛ iyi à ya kpe Ami, woo jɛ sɛɛda ilu naanɛ iyi í jɛ ntɔu, nŋu iyi í jɛ icui mii iyi Ilaaɔ̃ í taka fei í ni,