Laabaau jiida iyi Zãa í kɔ 2:5 - Bibeli do fee

⁵ Ŋɔi iyeu í sɔ̃ woo ce icɛ ŋau í ni, i ce bɛi í sɔ̃ ŋɛ fei.

Laabaau jiida iyi Zãa í kɔ 2:5 Iomraidhean Croise

Kusintii Andunya 41:55

Waati iyi ariu í to si inɛi Ezibiti ŋau fei gbakã à ya koo a bee Faraɔ̃ mii ku jɛi. Nɔ nŋu mɔ í ya jɛa aŋa fei ku ni a bɔ bi Zozɛfu nɔ a ce bɛi á sɔ̃ ŋa.

Kusintii Andunya 6:22

Ŋɔi Nowee í ce mii ŋa iyi Ilaaɔ̃ í sɔ̃ɔu fei dee dee.

Ezekiɛli 12:7

Ŋɔi ǹ ce bɛi Aɔ̃ Lafɛ̃ɛ í sɔ̃m nɔu. Ǹ fitaò jĩnɛm ŋa wa dasã nkpa bɛi inɛ iyi à mu aru à waa nɛò. Iyi alɛ í lɛ, ǹ lu bindiu do awɔ nɔ idũu ǹ fitaò jĩnɛm ŋa nɔ ǹ soo si kɔngɔ si ijui aŋa fei.

Matie 12:46

Waati iyi Jesu wa ba zamaau ide ku fɔ, ŋɔi iyeɛ do ifɔɛ ŋa à naa à leekĩ waduude, à waa bi a baa ide ku fɔ.

Laabaau jiida iyi Zãa í kɔ 15:14

Bii ì waa ce iyi ǹ dasi ŋɛ ì jɛ kpaasim ŋai.

Woo bɛ ŋa 9:6

Dede i bɔ inɔ iluu, bɛi aa sɔ̃ɛ mii iyi aa ce.

Ebɛɛ 11:8

Na naanɛ ku dasii, Aburahamu í jɛ́ò kukpei Ilaaɔ̃ nɔ í dasi kpãa wa nɛ ikpa ilɛ gɔ iyi Ilaaɔ̃ á náa bɛi tubu. Í dasi kpãa wa koo baa do iyi kù mà bii wa bɔ.

Ebɛɛ 5:9

Iyi í kɔ̃ í tã nɔ í baa í jɛa inɛ ŋa iyi à waa jirimaɛ fei icui faaba iyi ci ya tã,

Woo kiiti ŋa 13:14

Ku maà tiɛ isoi rezɛ̃ɛ kãma, nɔ ku maà mɔ vɛ̃ɛ walakɔ atɛ̃ ku lele kãma, nɔ ku maà jɛ sɔnda iyi kù maaju kãma. Í nɛ ku ceò ide ŋa iyi ǹ sɔ̃ɔu bɛ fei icɛi.

Ruutu 3:6

Nɔ Ruutu í dede í bɔ bi ku kpokpo ɔɔzuu nɔ í ce isɛɛnɛɛ dee dee si bɛi anau í sɔ̃ɔu.