Laabaau jiida iyi Zãa í kɔ 2:4 - Bibeli do fee

⁴ Nɔ Jesu í jɛaa í ni, yaayi, awɔ si aa sɔ̃m mii iyi an ce. Waatim kù to titã.

Laabaau jiida iyi Zãa í kɔ 2:4 Iomraidhean Croise

Samuɛli 2, 16:10

Amma Davidi í jɛaa í ni, ide iyi bɛ kù kã ŋɛ iŋɛ amai Seruya ŋa. Bii í jɛ Aɔ̃ Lafɛ̃ɛi í ni ku bum, yooi á sɔ̃ɔ ku ni, na mii í jɔ̀ ì waa ce bɛɛbɛ.

Samuɛli 2, 19:22

Ŋɔi Abisai amai Seruya í so ide í ni, Simei kù to iku si bɛi í ceekpe inɛ iyi Aɔ̃ Lafɛ̃ɛ í cica ba.

Ilaalu 1, 17:18

Ŋɔi abou í sɔ̃ Elii í ni, mii í wa gãmɛi awaɛ, awɔ inɛi Ilaaɔ̃. Kù jɛ ì naa bi tom ku ba i ye Ilaaɔ̃ gigii dulum dom i kpaò amam nii?

Woo lasabu 3:1

Mii fei do awaatiɛi si andunya ihɛ̃.

Matie 15:28

Nɔ Jesu í jɛaa í ni, abooyi, naanɛ ku dasiɛ í la. Bɛi ì bi fei á ce. Nɔ gbakã ama inaaboɛu í ba iri.

Matie 8:29

Nɔ à dɔ̃ anu à ni, mii í wa si gãmɛi awaɛ ŋa, awɔ Amai Ilaaɔ̃. Ì naa ku kpã wa iju hai waatiu kù toi?

Luku 2:49

Ŋɔi í bee ŋa í ni, na mii í ce ì waa dɛdɛɛm ŋa. I kù mà ŋa iyi wũai Baam nii ǹ nɛ n ce?

Laabaau jiida iyi Zãa í kɔ 12:23

Ŋɔi Jesu í sɔ̃ ŋa í ni, awaati í to mbɛ bɛi bii inɛ ŋa aa yɛ amboei amu Amai Amanɛ.

Laabaau jiida iyi Zãa í kɔ 13:1

Ajɔ iyi bii iju í má á jɛ jingaui Iku ku kuau í to. Nɔ Jesu í mà iyi waatii nŋu í to mbɛ nŋu ku nɛ hai andunya nŋu ku bɔ bi Baai nŋu. Hai sinte hee ku baa nsɛi í nɛ kubii inɛɛ ŋa si andunya, nɔ kubi nŋa iyi í nɛu í bɔòi hee kɔɔ.

Laabaau jiida iyi Zãa í kɔ 2:3

Ŋɔi atɛ̃ vɛ̃ɛ nŋa í na í tã nɔ iyei Jesu í koo í sɔ̃ɔ í ni, aŋa a kù nɛ vɛ̃ɛ má.

Laabaau jiida iyi Zãa í kɔ 20:13

Nɔ à beeɛ à ni, abooyi, na mii í ce ì waa kpata. Ŋɔi í jɛ nŋa í ni, à so ikui Lafɛ̃ɛm hai ihɛ̃i nɔ n kù mà bii à dasiɛ.

Laabaau jiida iyi Zãa í kɔ 20:15

Ŋɔi Jesu í beeɛ í ni, abooyi, na mii í ce ì waa kpata. Yooi ì waa dɛ. Ŋɔi Maari í tamaa bɛi woo degbe lamboui. Ŋɔi í sɔ̃ɔ í ni, mɔkɔɔyi, bii awɔi ì soo, sɔ̃m bii ì jilɔɔ n koo n soo.

Laabaau jiida iyi Zãa í kɔ 7:30

Ŋɔi à waa dɛ ku muu, amma inɛ gɔ kù lesiɛ awɔ domi waatiɛ kù to wa titã.

Laabaau jiida iyi Zãa í kɔ 7:6

Ŋɔi Jesu í sɔ̃ ŋa í ni, waatim kù to wa titã, amma iŋɛ waatiu fei í sĩa nŋɛi.

Laabaau jiida iyi Zãa í kɔ 7:8

Iŋɛ i bɔ jingauu, amma amu n kù wa n koo si na iyi í jɔ̀ waatim kù to wa.

Laabaau jiida iyi Zãa í kɔ 8:20

Ideu bɛi Jesu í fɔ waati iyi wa kɔ inɛ ŋa si cio bantumai kpasɛ̃i Ilaaɔ̃ bii à ya jilɛ fiai kɔlɛtiu. Nɔ inɛ gɔ kù lesiɛ awɔ si na iyi í jɔ̀ waatiɛ kù to wa titã.

Kɔrɛnti 2, 5:16

Na nŋu, bɛbɛi a kaa ka cɔ iyi à waa yɛò iju si amanɛ nŋu akã. Baa bii bɛɛbɛi à tako à cea Kirisi wo, nsɛi a kaa ka ce bɛɛbɛ má.

Wooda ku kɔsi 33:9

À nyisi kubi si gãmɛɛ í re ti iyeò baa nŋa ŋa, do ti ifɔ do igbã nŋa ŋa do ama nŋa ŋa domi à ceò woodaɛ icɛ nɔ à jirima akabuuɛ.