Laabaau jiida iyi Zãa í kɔ 17:3 - Bibeli do fee

³ Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 17:3 Iomraidhean Croise

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.

Laabaau jiida iyi Zãa í kɔ 17:25

Baaba awɔ iyi ì jɛ dee dee, baa do iyi inɛi andunya ŋa a kù màɛ, amu ǹ màɛ, nɔ inɛ ihɛ̃ ŋa mɔ à mà iyi awɔi ì bɛm wa.

Laabaau jiida iyi Zãa í kɔ 3:17

Ilaaɔ̃ kù bɛ Amaɛ wa si andunya ku ba ku yɛò taalei inɛi andunya ŋa, amma í bɔɔ wai ku ba inɛi andunya ŋa a ba faaba na saabuɛ.

Ozee 6:3

Na nŋu, ka mà nɔ ka dɛdɛ Aɔ̃ Lafɛ̃ɛ ku mà. Kunaaɛ kù nɛ sika kãma bɛi kunaai amɛɛjuumá. Á naa si wai bɛi ijĩ, bɛi ijĩi jɛadɔ̃ iyi í ya jɔ̀ ilɛ ku mandi.

Zãa 1, 4:6

Amma awa ti Ilaaɔ̃i à jɛ. Inɛ iyi í mà Ilaaɔ̃ fei í ya gbɔ ide nwai, amma inɛ iyi kù jɛ ti Ilaaɔ̃ ci ya gbɔ ide nwa. Si bɛɛbɛi aa ka yɔkɔ ka wũa ntɔ do ibo.

Bomma 1, 28:9

Nɔ awɔ mɔ amam Salomɔɔ, jɔ̀ i mà Aɔ̃ Lafɛ̃ɛi baaɛ. Jɔ̀ i tɔɔɛ do inɔ akã, do lasabu jiida, domi Aɔ̃ Lafɛ̃ɛ wa yɛ idɔi amanɛ ŋa nɔ í ya wusɛ idɔɛ ku mà lasabuɛ ŋa fei. Bii ì waa dɛdɛɛ, á jɔ̀ i yɔɔ. Amma bii ì kɔ̀siɛ á fũsiɛ awɔi hee do ajɔ fei.

Laabaau jiida iyi Zãa í kɔ 17:23

Jɔ̀ n wa si ŋa nɔ awɔ mɔ i wa sim ku ba a jɛ akã mam mam, nɔ inɛi andunya ŋa a mà iyi awɔi ì bɛm wa nɔ ì bi ŋai bɛi ì bim.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Laabaau jiida iyi Zãa í kɔ 17:21

Ǹ wa n tɔɔɛi aŋa fei a jɛ akã. Si bɛi awɔ Baaba ì wa sim, nɔ amu mɔ ǹ wa siɛ, jɔ̀ a jɛ akã si wa ku ba inɛi andunya ŋa a dasi naanɛ iyi awɔi ì bɛm wa.

Laabaau jiida iyi Zãa í kɔ 3:34

Inɛ iyi Ilaaɔ̃ í bɛ wa idei Ilaaɔ̃i wa fɔ, domi Ilaaɔ̃ í muaa Hundeɛ do inɔ akã.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Tɛsalonika 2, 1:8

Á naai do ina sasa ku ba ku kpã inɛ ŋa iyi a kù mà Ilaaɔ̃ iju, aŋa iyi a kù waa jirima laabaau jiidai Lafɛ̃ɛ nwa Jesu.

Laabaau jiida iyi Zãa í kɔ 17:8

domi ide ŋa iyi ì sɔ̃m nŋui amu mɔ ǹ sɔ̃ ŋa, nɔ à gba ideu. À mà iyi ntɔ ntɔ hai bi tɛɛi ǹ naa nɔ à dasi naanɛ iyi awɔi ì bɛm wa.

Laabaau jiida iyi Zãa í kɔ 14:26

Amma Hundei Ilaaɔ̃, Woo mua gbugbãu, á maa kɔ ŋɛ si mii fei, nɔ ku maa ye ŋɛ gigii ide ŋa iyi ǹ tako ǹ sɔ̃ ŋɛ fei. Nŋui Baaba á bɛ nŋɛ wa do irim nɔu.

Laabaau jiida iyi Zãa í kɔ 8:19

Ŋɔi à beeɛ à ni, iwoi Baaɛu í wa. Ŋɔi Jesu í jɛ nŋa í ni, i kù mà amu takam ŋa mɔm hee má jɛ Baam. Bii í jɛ ì màm ŋa wo aa mà Baam nɔu ŋa.

Kɔrɛnti 1, 15:34

I jɔ̀ laakai jiida nŋɛ ku nyi wa si bɛi á sĩa, nɔ i jɔ̀ kookoosui dulum. Inɛ gɔ nŋɛ ŋa a kù mà Ilaaɔ̃ do ntɔ. Ǹ wa n fɔ iyi bɛi ku ba anyɔ ku mu ŋɛ.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Tɛsalonika 1, 1:9

Inɛ ŋa à waa fɔ bɛi ì mu wa ŋa si waati iyi à naa bi tu ŋɛu, do bɛi ì jɔ̀ iwɛ̃ ku tɔɔ ŋa, ì kpaasi idɔ ì sinda si Ilaaɔ̃ ŋa ku ba i ceaa icɛ ŋa, nŋu akã iyi í jɛ Ilaaɔ̃ do ntɔ nɔ nŋui í jɛ icui kuwɛɛ.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Ezai 48:16

I sɛkɛɛ wa bi titom ihɛ̃ nɔ i gbɔ ŋa. Hai sintei mii ŋau fei, n kù fɔ ide n kù singaɛ. Nɔ hai sintei mii fei, ǹ wa bɛ. Nɔ nsɛi má, Aɔ̃ Lafɛ̃ɛ í bɛm wa nɔ hundeɛ í wa sim.

Iri ku kɔ̃ 9:10

Aɔ̃ Lafɛ̃ɛi wa mu hai nɛ gbugbã ŋa, nɔ nŋui í ya maa degbe ŋa si waatii wahala.

Laabaau jiida iyi Zãa í kɔ 10:36

Bii bɛɛbɛi, bɛirei í ce ì ni ǹ wa n bu Ilaaɔ̃ ŋa si na iyi í jɔ̀ ǹ ni amu Amai Ilaaɔ̃i. Nɔ amu takam mɔ Baabai í cicam nɔ í bɛm wa si andunya.

Laabaau jiida iyi Zãa í kɔ 7:29

Amu ǹ màa, domi hai bi tɛɛi ǹ wa n naa, nŋu mɔi í nɔ í bɛm wa.

Laabaau jiida iyi Zãa í kɔ 6:57

Baabai í bɛm wa. Nŋui í nɛ kuwɛɛ nɔ na iriɛi amu mɔ ǹ wɛɛ. Bɛɛbɛ mɔi inɛ iyi í ŋɔm, lafɛ̃ɛ í nɛ kuwɛɛ na irim.

Bomma 2, 15:3

Hai ku kpɛ wa inɛi Izirɛli ŋa a kù nɛ Ilaaɔ̃ ntɔ hee má jɛ woo wee iyi á kɔ ŋa si woodai Ilaaɔ̃.

Laabaau jiida iyi Zãa í kɔ 5:44

Bii bɛɛbɛi bɛirei aa ce i dasim naanɛ ŋa, iŋɛ iyi ì ya maa dɛ saabui njɛ ŋa iŋɛ duusɔ̃ɔ nɔ i kù waa dɛ saabu iyi wa naa hai bi Ilaaɔ̃ ŋa, nŋu iyi kù nɛ saa.

Laabaau jiida iyi Zãa í kɔ 11:42

Amu takam ǹ mà iyi waati kãma fei ì ya maa gbɔ idem, amma ǹ fɔ bɛɛbɛi na inɛ ŋa iyi à waa leekĩ ihɛ̃ ku ba a dasi naanɛ iyi awɔi ì bɛm wa.

Luku 9:48

nɔ í sɔ̃ ŋa í ni, inɛ iyi í gba amau ihɛ̃ na irim, amu takam nii í gba. Inɛ mɔ iyi í nɔ í gbam, inɛ iyi í bɛm wai í gba. Inɛ iyi í kere í re si inɔ nŋɛ, nŋui í re iŋɛ fei.

Maaku 9:37

inɛ iyi í gba ama keeke bɛi inɛ ihɛ̃ na irim, amui í gba. Inɛ mɔ iyi í gbam, kù jɛ amu akãi í gba, inɛ iyi í bɛm wai í gba.

Kɔrɛnti 1, 8:4

Iyi í jɛ ti idei iŋai kuwee si bii ì waa bee mà í sĩa i ya ŋɔɔ ŋa. Awa à mà iyi iwɛ̃ kù jɛ ngɔgɔ si andunya. À nɔ à mà iyi Ilaaɔ̃ nŋu akãi í wɛɛ.

Mɔnda ŋa 8:35

domi inɛ iyi í bam í ba kuwɛɛi nɔ í ba didɔ̃i Aɔ̃ Lafɛ̃ɛi.

Laabaau jiida iyi Zãa í kɔ 17:18

Ǹ bɛ ŋai si andunya si bɛi awɔ mɔ ì bɛm si andunyau.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Filipi 3:10

Iyi ǹ bi, nŋui í jɛ n mà Kirisi, do gbugbã iyi í jĩò hai si balɛ nɔ n nɛ ikpɛ̃ si ijuukpãɛu hee ku yɛ bɛi amu mɔ ǹ ku do nŋu ajɔ,

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Piɛɛ 2, 1:2

Didɔ̃ do laakai ku sũ ku kɔ̃ɔ nŋɛ si, si na iyi í jɔ̀ ì mà Ilaaɔ̃ do Jesu Lafɛ̃ɛ nwa ŋa.

Piɛɛ 2, 1:3

Gbugbãi Ilaaɔ̃ í mu nwa bukaatai mii iyi à bi fei ku ba kuwɛɛ nwa do kutɔɔ nwa ku maa bɔ waju. Nɔ í ce bɛɛbɛi si bɛi í jɔ̀ à màa, nŋu iyi í kpe wa ka ba ikpɛ̃ si amboeɛ do si jiida ku jɛɛ.

Piɛɛ 2, 1:8

Bii mii ŋau bɛ à wa si ŋɛ nɔ wa kɔ̃ɔsi, aa jɔ̀ i ya maa ce kookaai si icɛ nŋɛ, nɔ icɛ nŋɛu ku nɛ aranfãani ku ba i mà Lafɛ̃ɛ nwa Jesu Kirisi ŋa.

Zãa 1, 1:2

Waati iyi kuwɛɛu í faata wa à yɔɔ, ŋɔi í jɔ̀ à waa jɛ sɛɛdaɛ, nɔ à waa sisi nŋɛ idei kuwɛɛ hai tã iyi í tako í wa bi Ilaaɔ̃ Baaba wo, nɔ wee nsɛi í nyisi wa.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Zãa 1, 2:23

Ntɔi inɛ iyi í kɔ̀si Ama, kù nɛ Baaba. Inɛ iyi í gba Amau í nɛ Baau mɔi.