Laabaau jiida iyi Zãa í kɔ 10:3 - Bibeli do fee

³ Woo degbe arou í ya cĩaai, nɔ angudã ŋau à ya gbɔ imuɛ. Nɔ ku kpe angudãɛ ŋa do iri nŋa akã akã ku fitaò ŋa waduude.

Laabaau jiida iyi Zãa í kɔ 10:3 Iomraidhean Croise

Iri ku kɔ̃ 80:1

Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ. Iriu ti gigi ku yei.

Kufita 33:17

Ŋɔi Aɔ̃ Lafɛ̃ɛ í nyi í jɛa Moizi má í ni, an ce bɛi awɔ takaɛ ì tɔɔm, domi ì ba didɔ̃ bi tom, nɔ ntɔ ntɔ ǹ màɛ sãa sãa.

Mɔnda ŋa 27:23

Amani ci ya maa wa awɔi amanɛ hee do ajɔ fei. Nɔ baa bomma kaa maa wa si dimi akã hee do ajɔ fei. Na nŋu, jɔ̀ i ce kookaai i mà baanii angudãɛ ŋa, nɔ i gbɔa gaaɛ.

Iri ku kɔ̃ iyi í dɔ̃ í re 8:13

Awɔi ǹ bi, awɔ iyi ì ya maa wa si inɔ ikoi jĩi ndɛɛ. Kpaasi ŋa à waa bi a gbɔ ideɛ. Jɔ̀ amu mɔ n gbɔ ideɛ.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Laabaau jiida iyi Zãa í kɔ 10:14

Amui ǹ jɛ woo degbe jiida. Si bɛi Baam í màm nɔ amu mɔ ǹ màa, bɛɛbɛ mɔi ǹ mà angudãm ŋa nɔ aŋa mɔ à màm, nɔ ǹ jɛsi n ku na iri nŋa.

Laabaau jiida iyi Zãa í kɔ 10:16

Nɔ ǹ nɛ angudã gɔ ŋa má iyi a kù wa si arou ihɛ̃. Kù nɛ bɛi an ce iyi n kù naaò ŋa wa. Aa nɔ a gbɔ imum nɔ aŋaò ti tako ŋau fei a jɛ gaa akã, woo degbe mɔ akã.

Laabaau jiida iyi Zãa í kɔ 10:4

Waati iyi í fitaò aŋa fei waduude nɔ ku cua nŋa a maa tooɛ domi à mà imuɛ.

Laabaau jiida iyi Zãa í kɔ 10:9

Amui ǹ jɛ andɛ. Inɛ iyi í lɔ wa do bi tom fei á ba faaba. Á lɔ, á nɔ ku fita, nɔ á ba bi ku jɛ.

Laabaau jiida iyi Zãa í kɔ 6:37

Inɛ ŋa iyi Baaba í nam fei aa naa bi tom, nɔ inɛ iyi í naa bi tom baa bii bɛirei n kaa n nyɔɔ angule.

Laabaau jiida iyi Zãa í kɔ 6:45

Inɛ akãi walii ŋau í kɔ í ni, Ilaaɔ̃ takaɛi á na ku kɔ inɛ fei si cio. Nɔ bɛɛbɛi inɛ iyi í gbɔ idei Baaba fei nɔ í jirima cioɛ lafɛ̃ɛ á naa bi tom.

Romu 8:30

Inɛ ŋa iyi í cica í jilɛu, nŋui í kpe ŋa. Inɛ ŋa iyi í kpeu í ce ŋa dee dee. Inɛ ŋa iyi í ce dee deeu í ce nŋa ikpɛ̃i amboeɛ.

Kɔrɛnti 1, 16:9

domi Ilaaɔ̃ í cĩim kpãa nla nla n ceò icɛ ihɛ̃ iyi á nɛ aranfãani, baa bii mbɛɛ ŋa à kpɔ.

Filipi 4:3

Awɔ mɔ woo ce icɛ kpaasim, awɔ iyi ì jɛ ilu naanɛ, ǹ wa n tɔɔɛi i sobi inaabo minji ŋau bɛ. Aŋai à bam kujabu wo si laabaau jiidau ku sisiɛ, aŋa do Kelema do woo ce icɛ kpaasim ŋa iyi à gbe fei, aŋa iyi iri nŋa í wa si tiai kuwɛɛ.

Kolosee 4:3

Nɔ i ce nwa kutɔɔ ŋa ku ba Ilaaɔ̃ ku fũ nwa kpãa ka waazo ideɛ, ku ba ka yɔkɔ ka sisi asiii Kirisi. Na asiiui ǹ waò piisɔ̃ɔ nsɛi.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Zãa 1, 4:6

Amma awa ti Ilaaɔ̃i à jɛ. Inɛ iyi í mà Ilaaɔ̃ fei í ya gbɔ ide nwai, amma inɛ iyi kù jɛ ti Ilaaɔ̃ ci ya gbɔ ide nwa. Si bɛɛbɛi aa ka yɔkɔ ka wũa ntɔ do ibo.

Zãa 3, 1:14

Ǹ wa n bi ka yɛ njɛ bii í ce ajɔ minji ka fɔ ide gɛlɛò gɛlɛ.

Kuyɛi Zãa 20:15

À so inɛ baa yooma iyi a kù kɔ iriɛ si tiai kuwɛɛu à dasi ina nlau.

Kuyɛi Zãa 3:20

Wee ǹ wa n leekĩ andɛi ile, nɔ ǹ wa n cã gambo. Inɛ iyi í gbɔ imum nɔ í cĩim, an lɔ bi tɛɛ, nɔ n baa ku jɛ, nɔ awaò ka jɛ ajɔ.

Kuyɛi Zãa 7:17

Angudã iyi wa leekĩ bi kitãi bommau á gbã ŋa ku bɔò ŋa isɔ̃i kuwɛɛ. Ilaaɔ̃ mɔ á gbã cikãaju nŋa fei.