Laabaau jiida iyi Zãa í kɔ 10:2 - Bibeli do fee

² Amma inɛ iyi wa lɔ hai do andɛi aroi angudã ŋau, lafɛ̃ɛi í jɛ woo degbe angudã ŋau.

Laabaau jiida iyi Zãa í kɔ 10:2 Iomraidhean Croise

Iri ku kɔ̃ 23:1

Iriu ihɛ̃ ti Davidii. Aɔ̃ Lafɛ̃ɛ í jɛ woo degbem. N kaa n kua nkãma.

Iri ku kɔ̃ 80:1

Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ. Iriu ti gigi ku yei.

Woo lasabu 12:11

Idei ilu bisi ŋa í yɛi bɛi golo ku gbe anu iyi í ya jɔ̀ kɛtɛ ku nɛ dee dee. Ide ŋau aa gɛɛ inɛi bɛi kɛkɛ bii à ya so mɛɛmu ŋau í ya gɛɛ ŋa. Ide ŋau hai bi woo degbe akãi wa naa.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezai 63:11

Ŋɔi inɛɛ ŋau à ye gigii faajii waatii Moizi, à waa ni, hee iwoi Ilaaɔ̃ í wa, nŋu iyi í tako í jɔ̀ inɛ ŋa à kua tenkuu bɛi mɛɛmu gaa do woo degbe nŋa. Hee iwoi nŋu iyi í da nŋa si hunde kumáɛu í wa.

Ezekiɛli 34:23

Woo degbe akãi an jilɛ nŋa iyi á maa gbã ŋa nɔ ku maa gbɔ nŋa. Woo ce icɛm Davidii á jɛ woo degbe nŋa, nŋui á maa cɔ mɛɛmu gaam ŋau.

Misee 5:5

Aa gbã inɛi Asiri ŋaui do taakuba, nɔ aa tɛɛsɛ inɛi Nimirodu ŋai mam mam. Inɛ iyi á maa gbã waui á nya wa hai si awɔi inɛi Asiri ŋa bii à naa si ilɛ nwa nɔ à bii si ilɛu.

Zakari 11:3

À ya ka maa gbɔ anu ku dɔ̃i woo degbe zamaa ŋau, domi jirima nŋa fei í tã. Anu ku dɔ̃i muusu nla ŋai à ya ka maa gbɔ, domi agbo nla jiida iyi í wa itĩi idoi Zuudɛ̃ɛ fei í kpa iri.

Zakari 11:5

Inɛ ŋa iyi à ra ŋa à ya koo à saka ŋai nɔ a ci ya yɛ taalei ara nŋa. Inɛ ŋa mɔ iyi à ta ŋa à ya maa nii, ka saabu Aɔ̃ Lafɛ̃ɛ, domi à ba riba nla nla. Woo degbe nŋa ŋa taka nŋa a kù nɛ baa araare.

Zakari 11:8

Si cukpa akã ǹ lele woo degbe mɛɛta ŋau fei. Nɔ amu takam ǹ wa n degbe angudã ŋau, amma kuce nŋa í jɔ̀ ǹ mɔngɔ temua. Nɔ aŋa taka nŋa à cém.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Matie 15:11

Kù jɛ mii iyi wa lɔ hai do gɛlɛi amanɛi í ya dasiɛ riisi. Amma mii iyi í ya fita hai si gɛlɛi amanɛi á dasiɛ riisi.

Laabaau jiida iyi Zãa í kɔ 10:14

Amui ǹ jɛ woo degbe jiida. Si bɛi Baam í màm nɔ amu mɔ ǹ màa, bɛɛbɛ mɔi ǹ mà angudãm ŋa nɔ aŋa mɔ à màm, nɔ ǹ jɛsi n ku na iri nŋa.

Laabaau jiida iyi Zãa í kɔ 10:7

Ŋɔi Jesu í sɔ̃ inɛ ŋa má í ni, ǹ wa n sɔ̃ ŋɛi, amui ǹ jɛ andɛi aroi angudã ŋau.

Laabaau jiida iyi Zãa í kɔ 10:9

Amui ǹ jɛ andɛ. Inɛ iyi í lɔ wa do bi tom fei á ba faaba. Á lɔ, á nɔ ku fita, nɔ á ba bi ku jɛ.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Timɔtee 1, 4:14

Maà ti i ce atafii si amua iyi í wa siɛ, iyi Hundei Ilaaɔ̃ í muuɛ si waati iyi à ce walii na iriɛ nɔ inɛ ngboi igbɛi Jesu ŋa à leɛ awɔ si iri.

Titee 1:5

Ǹ jɔ̀ɛ Kɛrɛti bɛi ku ba i teese ide ŋa iyi í gbeu, nɔ i cica inɛ ngbo ŋa si igbɛi inɛi Jesu ŋa si ilu ŋau fei si bɛi ǹ sɔ̃ɛu.

Ebɛɛ 13:20

Lafɛ̃ɛ nwa Jesui í jɛ Woo degbe iyi í re. Na njɛɛ iyi í nikã, í jilɛ nwa akabuu titɔ̃ iyi ci ya tã. Na nŋu Ilaaɔ̃ ilu laakai ku sũ, nŋu iyi í dedeɛ hai si balɛ,

Piɛɛ 1, 2:25

Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Kuyɛi Zãa 1:20

Leleaɔ̃ mɛɛje ŋa iyi ì yɛ si awɔ njɛm nɔu do bi ku lesi fitilai wura mɛɛje ŋau yaasei aŋa fei wee. Leleaɔ̃ mɛɛje ŋaui à jɛ amaleka mɛɛje ŋa iyi à waa mu igbɛ mɛɛje ŋau, nɔ bi ku lesi fitila mɛɛje ŋau, akã fei igbɛ akãi.