Laabaau jiida iyi Zãa í kɔ 10:1 - Bibeli do fee

¹ Jesu í ni, ntɔ ntɔ ǹ wa n sɔ̃ ŋɛi, inɛ iyi í lɔ aroi angudã ŋa nɔ kù lɔ hai andɛɛ, bii í koo í gũ idĩ í bɛi í lɔò, lafɛ̃ɛ ile bata ngbai.

Laabaau jiida iyi Zãa í kɔ 10:1 Iomraidhean Croise

Zeremi 14:15

Na nŋu, amu Aɔ̃ Lafɛ̃ɛ, ide iyi ǹ wa n fɔ si gãmɛi inɛ ŋau bɛ wee. Inɛ ŋa iyi à waa ce walii do irim ŋau bɛ nɔ kù bɛi kù jɛ amui ǹ bɛ ŋa wa, nɔ à waa fɔɔ do irim à waa ni, si ilɛu ihɛ̃ igũ kaa ce hee má jɛ ari. Igũ do arii á kpa walii ŋau bɛ.

Zeremi 23:21

Ŋɔi Aɔ̃ Lafɛ̃ɛ í ni má, walii ŋau bɛ kù jɛ amui ǹ bɛ ŋa wa, nɔ do nŋu fei à sɛi à naa. Kù jɛ amui ǹ ba ŋa ide ku fɔ, amma à naa à waa ce walii.

Zeremi 23:32

Ǹ kɔ̀ idei si gãmɛi woo ce walii ibo ŋau bɛ. Aŋa iyi à ya maa sisi idei àla ibo nŋa ŋa nɔ à dasi inɛm ŋa ku nyɔ do idei faau nŋa. Inɛ ŋau bɛ, kù jɛ amui ǹ bɛ ŋa wa, nɔ kù jɛ amui ǹ na ŋa wooda kãma, nɔ a kù jɛaa inɛm ŋau sobi kãma.

Zoɛli 2:9

À ya sɛi si ilu nlau wai nɔ a gũ bindiɛu a maa kua. À ya lɔ inɔ kpasɛ̃ ŋai hai do bi fɛrɛnti ŋau bɛi woo ce ile.

Matie 7:15

Jesu í ni má, i ya ce laakai ŋa do walii ilu ibo ŋa. À ya naa bi tu ŋɛi bɛi angudã ŋa, amma idɔ nŋa í yɛi bɛi idɔi mbo ŋa.

Laabaau jiida iyi Zãa í kɔ 10:7

Ŋɔi Jesu í sɔ̃ inɛ ŋa má í ni, ǹ wa n sɔ̃ ŋɛi, amui ǹ jɛ andɛi aroi angudã ŋau.

Laabaau jiida iyi Zãa í kɔ 3:3

Ŋɔi Jesu í jɛaa í ni, ntɔ ntɔ ǹ wa n sɔ̃ɛi, nɔ a kù bí inɛ isɛ gbeejisia kaa yɔkɔ ku yɛ bommai Ilaaɔ̃.

Romu 10:15

Nɔ bɛirei aa ce a ce waazoi ideu bii kù jɛ inɛ gɔi í bɛ ŋa. Kukɔi idei Ilaaɔ̃ wa fɔ í ni, inɔ didɔ̃ nlai kunaai inɛ ŋa iyi à dabii à waa sisi laabaau jiidau.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Ebɛɛ 5:4

Inɛ gɔ kaa yɔkɔ ku so araɛ ku ni nŋu í jɛ woo wee nlau, bii kù jɛ Ilaaɔ̃i í kpoo bɛi í kpe Arɔ̃ɔ wo.

Piɛɛ 1, 1:10

Si idei faabau ihɛ̃ walii ŋa iyi à ce walii si gãmɛi didɔ̃ iyi Ilaaɔ̃ í jilɛ nŋɛ à ce kudɛdɛ jiida jiida ku ba a mà yaaseɛ.

Piɛɛ 2, 2:1

Walii ilu ibo ŋa à wɛɛ wo si inɔi inɛ ŋau. Bɛɛbɛ mɔi woo kɔsi cio ilu ibo ŋa aa faata wa si anini nŋɛ. Aa naaò kukɔsi ibo wa do bisi, iyi á ce inɛ ŋa nfe, nɔ aa kɔ̀si Lafɛ̃ɛ iyi í ya ŋa. Bɛɛbɛi aa faa ara nŋa nfe ku ce anu akã.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.