Laabaau jiida iyi Zãa í kɔ 1:9 - Bibeli do fee

⁹ Inya kumáu nŋu akãi í jɛ inya kumá ntɔ iyi í naa si andunya ku ba ku jɔ̀ inɛ fei ku yɛ ilu.

Laabaau jiida iyi Zãa í kɔ 1:9 Iomraidhean Croise

Ezai 49:6

Í sɔ̃m í ni n jɛ woo ce icɛi nŋu, n jɔ̀ dimii Zakɔbu ŋau a dede, nɔ n baaò inɛi Izirɛli ŋa iyi à gbe si hunde ŋau wa, iyi bɛ kù to. Í ni amui nŋu á jɔ̀ n jɛ inya kumái inɛi ilɛ ŋau ku ba faabaɛu ku bɔ hee kɔɔi andunya.

Ezai 8:20

à nɛ ka baai si woodai Ilaaɔ̃ do si akabuu iyi awaò ŋa à nɛ. Nɔ inɛ iyi kù ceò ide ŋau bɛ icɛ, kaa yɛ inya kumái amɛɛjuumá.

Matie 6:23

Amma bii ijuɛ kù waa nɛ baani, araɛ mɔ fei í wa si ilu kukui. Na nŋu, mii iyi í nɛ ku ceɛ inya kumá, bii ilu kukui í ce, ilu kukuu á la ku caa.

Luku 11:36

Bii araɛ fei wa nɛ inya kumá, nɔ baa ikɔ̃ akãɛ gɔ kù wa si ilu kuku, fei ndɛɛ á maa mái bɛi waati iyi fitila í má siɛ inya.

Laabaau jiida iyi Zãa í kɔ 1:4

Nŋu takaɛi í jɛ irii kuwɛɛu, nɔ kuwɛɛu í máa inɛ ŋa inya.

Laabaau jiida iyi Zãa í kɔ 12:46

Amui ǹ jɛ inya kumá, nɔ ǹ naai si andunya ku ba inɛ iyi í dasim naanɛ fei ku maà wa si ilu kuku má.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 15:1

Si anyii nŋu nɔ Jesu í sɔ̃ ŋa má í ni, amui ǹ jɛ icui jĩi ndii rezɛ̃ɛ nɔ Baam mɔi í jɛ woo logooɛ.

Laabaau jiida iyi Zãa í kɔ 6:32

Ŋɔi Jesu í jɛ nŋa í ni, ntɔ ntɔ ǹ wa n sɔ̃ ŋɛi, kù jɛ Moizii í mu nŋɛ ijɛu wa hai lelei Aɔ̃, amma Baam nii í mu nŋɛ ijɛ iyi í jɛ ntɔu wa hai lelei Aɔ̃.

Laabaau jiida iyi Zãa í kɔ 7:12

Ŋɔi si zamaau inɛ ŋa à wasi ku fɔ ideɛ do gundu. Inɛ gɔ ŋa à waa ni, inɛ jiidai. Nɔ inɛ gɔ ŋa mɔ à waa ni, iboi, wa dĩ ijui inɛ ŋai.

Zãa 1, 1:8

Bii à ni a kù nɛ dulum, à waa sɔa ara nwa iboi, nɔ ntɔ kù wa si wa.

Zãa 1, 2:8

Do nŋu fei, wooda iyi ǹ wa n kɔ nŋɛu ihɛ̃, inɛ nŋu wooda titɔ̃i, nɔ à waa yɛ ntɔɛi si Kirisi do si iŋɛ taka nŋɛ, domi ilu kuku wa sɛkɛɛ, nɔ inya kumá ntɔ wa daana.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.