Laabaau jiida iyi Zãa í kɔ 1:4 - Bibeli do fee

⁴ Nŋu takaɛi í jɛ irii kuwɛɛu, nɔ kuwɛɛu í máa inɛ ŋa inya.

Laabaau jiida iyi Zãa í kɔ 1:4 Iomraidhean Croise

Iri ku kɔ̃ 49:6

Na mii í ce zigim á da si ajɔi wahala, waati iyi mbɛɛm ŋa à kaakom na a ceem laalɔ.

Iri ku kɔ̃ 84:11

Ajɔ akã iyi aa ka ce si bantumaɛ, í re ajɔ dubu iyi aa ka ce inya mmu. Amu, ǹ cica n koo n wa andɛ kpasɛ̃i Aɔ̃ Lafɛ̃ɛ do iyi an koo n wa si kpasɛ̃i ilu inɔ kukã,

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Matie 4:16

aŋa iyi à wa si ilu kuku wo, aŋai à yɛ inya kumá nla nla. Aŋa iyi à wa si ilɛ bii iku do ilu kuku í wa, aŋai inya kumá í naa si.

Luku 2:32

Nŋui í jɛ inya kumá iyi á nyisi dimi mmu ŋa kpãaɛ. Nɔ nŋui í jɛ amboei inɛɛ ŋa, inɛi Izirɛli ŋa.

Laabaau jiida iyi Zãa í kɔ 11:25

Ŋɔi Jesu í sɔ̃ɔ í ni, amui ǹ jɛ kujĩi iku ŋa nɔ ǹ jɛ kuwɛɛ. Inɛ iyi í dasim naanɛ á maa wɛɛi baa bii í ku.

Laabaau jiida iyi Zãa í kɔ 12:35

Ŋɔi Jesu í sɔ̃ ŋa í ni, í gbe keeke iyi inya kumá kaa wa anini nŋɛ má. Í sĩa i ya maa nɛ si waati iyi ì nɛ inya kumáu ŋa ku ba ilu kuku ku maà na ku boe ŋɛ, domi inɛ iyi wa nɛ si ilu kuku ci ya mà bii wa bɔ.

Laabaau jiida iyi Zãa í kɔ 12:46

Amui ǹ jɛ inya kumá, nɔ ǹ naai si andunya ku ba inɛ iyi í dasim naanɛ fei ku maà wa si ilu kuku má.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 3:19

Í yɛ taalei inɛ dimi bɛɛbɛ ŋai si na iyi í jɔ̀ inya kumá í naa si andunya, amma inɛ ŋa à bi ilu kuku í re inya kumáu. À bi ilu kukuui si na iyi í jɔ̀ kuce nŋa kù sĩa.

Laabaau jiida iyi Zãa í kɔ 5:21

Ntɔ ntɔ, si bɛi Ilaaɔ̃ Baaba í ya jĩ iku ŋa nɔ ku ce ŋa ilu hunde, bɛɛbɛ mɔi amu Amaɛu an mua inɛ ŋa iyi ǹ cica kuwɛɛ.

Laabaau jiida iyi Zãa í kɔ 5:26

Si bɛi Baaba takaɛ í jɛ irii kuwɛɛ, bɛɛbɛ mɔi í jɔ̀ amu Amaɛ ǹ jɛ.

Laabaau jiida iyi Zãa í kɔ 8:12

Si anyii nŋu, Jesu í ba inɛ ŋa ide ku fɔ má í ni, amui ǹ jɛ inya kumái andunya. Inɛ iyi wa toom á nɛ inya kumá iyi á jɔ̀ inɛ ku ba kuwɛɛ, kaa maa nɛ si ilu kuku.

Laabaau jiida iyi Zãa í kɔ 9:5

Waati iyi ǹ wa si andunya fei amui ǹ jɛ inya kumái andunya.

Woo bɛ ŋa 26:23

Mii iyi à ni á na ku ceu nŋui í jɛ Kirisi á na ku yɛ ijuukpã nɔ kú jɛ inɛ sinte iyi á jĩ hai si balɛ nɔ ku sisi idei inya kumá bi Zuifu ŋa do bi dimi mmu ŋa.

Kɔrɛnti 1, 15:45

Bɛɛbɛ mɔi à kɔɔ à ni, waati iyi à taka Adamu sinte à daa si kuwɛɛ, amma Kirisi iyi à ya kpe Adamui ankãanyiu, nŋui í jɛ hunde nɔ nŋui í ya daa inɛ ŋa si kuwɛɛ.

Efɛɛzu 5:14

Nɔ mii iyi í fita gbugbãa fei í ya mái. Na ŋɔi í ce à ni, awɔ iyi ì waa sĩ njoo, jĩ. Dede hai si inɔi iku ŋa, nɔ Kirisi ku máɛ inya.

Kolosee 3:4

Kirisii í jɛ kuwɛɛ nŋɛ do ntɔ, nɔ ajɔ iyi á faata wa, do iŋɛi ajɔ, nɔ aa ba ikpɛ̃ nŋɛ si amboeɛ.

Zãa 1, 1:1

À waa kɔ nŋɛ si idei Jesu, nŋu iyi í wɛɛ hai sintei mii fei. Nŋui í jɛ Ideu, nɔ í jɛ icui kuwɛɛ má. À gbɔ ideɛ, nɔ à yɔɔ do iju nwa, à cɔɔ do laakai, nɔ awɔ nwa í luu.

Zãa 1, 1:2

Waati iyi kuwɛɛu í faata wa à yɔɔ, ŋɔi í jɔ̀ à waa jɛ sɛɛdaɛ, nɔ à waa sisi nŋɛ idei kuwɛɛ hai tã iyi í tako í wa bi Ilaaɔ̃ Baaba wo, nɔ wee nsɛi í nyisi wa.

Zãa 1, 5:11

Sɛɛdau wee. Ilaaɔ̃ í mu nwa kuwɛɛ hai tã. Kuwɛɛu, í wa si Amaɛ.

Kuyɛi Zãa 22:1

Si anyii nŋu, amalekau í nyisim inyii ido iyi í ya na inɛ ŋa kuwɛɛ. Inyiu wa daana bɛi digi nɔ wa cã wa hai bi kitãi bommai Ilaaɔ̃ do ama angudãu.

Kuyɛi Zãa 22:16

Amu Jesu, amui ǹ bɛ nŋɛ amalekam wa ku sɔ̃ igbɛi inɛm ŋa fei ideu ihɛ̃. Amui ǹ jɛ tɔkui Davidi, nɔ ǹ jɛ angua iyi wa má inya.