Laabaau jiida iyi Zãa í kɔ 1:3 - Bibeli do fee

³ Do nŋui Ilaaɔ̃ í taka mii baa yooma fei, nɔ nkãma kù wɛɛ iyi kù jɛ nŋui í takaɛ.

Laabaau jiida iyi Zãa í kɔ 1:3 Iomraidhean Croise

Kusintii Andunya 1:1

Hai sinte Ilaaɔ̃i í taka lele do ilɛ.

Kusintii Andunya 1:26

Si anyiɛ nɔ Ilaaɔ̃ í ni, ka taka amanɛ si yaasei awa taka nwa, nɔ ku jɔ wa, ku jɛ inɛ ngbo si cɛ̃ɛi tenku ŋa do si yɛi ŋa do si mɛɛmui inɔ ilu ŋa, do si iŋa hai nɛ nto ŋa fei, hee do si ilɛ fei.

Iri ku kɔ̃ 102:25

Ǹ ni, Aɔ̃ Lafɛ̃ɛm, maà kpam si waati iyi kuwɛɛm í to anini, awɔ iyi ì wɛɛ do ajɔ fei.

Iri ku kɔ̃ 33:6

Aɔ̃ Lafɛ̃ɛ í taka lelei Aɔ̃i do idei gɛlɛɛ. Nɔ do woodaɛi í takaò leleaɔ̃ ŋa mɔ fei.

Mɔnda ŋa 8:30

ǹ wa bi tɛɛ ǹ wa n jɛ bɛi inɛ ngboi icɛu. Inɔ didɔ̃ɛ fei í wa sim. Ǹ ya n maa n cɛi waati kãma fei si wajuɛ do inɔ didɔ̃,

Ezai 45:12

Amui ǹ ce ilɛ, nɔ ǹ taka amanɛ ŋa ǹ jɔ̀ à wa si ilɛu. Amui ǹ ce lele, nɔ amui ǹ wa n na leleaɔ̃ ŋa wooda.

Ezai 45:18

Aɔ̃ Lafɛ̃ɛi í ce lele, nŋu iyi í jɛ Ilaaɔ̃ iyi í ce ilɛ nɔ í jɔ̀ í nɛ gbugbã. Kù coo ku maa wɛɛ ngbɛ, amma í cooi ku ba amanɛ ku wa si. Bɛi í fɔ wee. Í ni, amui ǹ jɛ Aɔ̃ Lafɛ̃ɛ. Ilaaɔ̃ mmuɛ kãma kù wɛɛ má.

Laabaau jiida iyi Zãa í kɔ 1:10

Inɛ iyi í jɛ Ideu í wa si andunya wo. Do saabuɛi Ilaaɔ̃ í takaò andunya. Do nŋu fei, inɛi andunya ŋa a kù màa.

Laabaau jiida iyi Zãa í kɔ 1:2

Ideu njɛ í wɛɛi hai sinte do Ilaaɔ̃.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Efɛɛzu 3:9

Nɔ n sisia inɛ fei bɛi yaasei asiii Ilaaɔ̃ á ce ku ceò. Ilaaɔ̃, nŋu iyi í taka mii fei í singa asiiu ihɛ̃ hai ku kpɛ,

Ebɛɛ 11:3

Na naanɛ ku dasii à mà iyi Ilaaɔ̃i í taka andunya do ideɛ. Bɛɛbɛi í taka mii iyi à waa yɛ hai si mii iyi a kù waa yɛ.

Zãa 1, 5:1

Inɛ iyi í dasi naanɛ iyi Jesui í jɛ Kirisi, lafɛ̃ɛ amai Ilaaɔ̃i, nɔ inɛ iyi í bi Baa í bi amai Baa ŋau mɔi.

Kuyɛi Zãa 3:14

Kirisi í ni má, kɔa amalekai igbɛi inɛm ŋa iyi í wa Laodisee. Kɔaa i ni, inɛ iyi à ya kpe Ami, woo jɛ sɛɛda ilu naanɛ iyi í jɛ ntɔu, nŋu iyi í jɛ icui mii iyi Ilaaɔ̃ í taka fei í ni,

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.