Laabaau jiida iyi Zãa í kɔ 1:12 - Bibeli do fee

¹² Amma inɛ ŋa iyi à gbaa nɔ à dasiɛ naanɛ í mu nŋa kpãa a jɛò amai Ilaaɔ̃ ŋa.

Laabaau jiida iyi Zãa í kɔ 1:12 Iomraidhean Croise

Samuɛli 2, 7:24

Awɔi ì jilɛ inɛi Izirɛli ŋa ku ba a jɛ zamaaɛ hee do ajɔ fei. Nɔ awɔi ì baa ì jɛ Lafɛ̃ɛ nŋa.

Ezai 56:5

an jɔ̀ nŋa inya si kpasɛ̃m do si idĩi kpasɛ̃m nɔu tengi bii aa kɔ iri nŋa. Inɛ nŋu bɛ á jɛ nŋa jiida ku re ama inɛmɔkɔ ŋa do ama inaabo ŋa. An jɔ̀ iri nŋau ku maa wɛɛi hee do ajɔ fei, inɛ kãma kaa kpaa.

Zeremi 3:19

Amu Aɔ̃ Lafɛ̃ɛ ǹ ya n maa n ni, ǹ bi n kàɛi wo si inɔi amam ŋa, nɔ n muɛ ilɛ bii ididɔ̃ í wa, iyi kusĩai boodaɛ í re si ilɛ fei. Ǹ ya n maa n nii wo, awɔi aa ya kpem i ni, baam. Nɔ i kaa kɔ̀sim pai.

Matie 10:40

Jesu í ni má, inɛ iyi í gba ŋɛ í gbam nii, nɔ inɛ iyi í gbam í gba inɛ iyi í bɛm wai.

Matie 12:21

nɔ kpãa ku cɔi dimi fei kú wa siɛ.

Matie 18:5

Inɛ iyi í nɔ í gba ama keeke bɛi inɛ ihɛ̃ na irim, amui í gba.

Laabaau jiida iyi Zãa í kɔ 1:11

Bi inɛɛ ŋai í naa nɔ inɛɛ ŋau à kɔ̀siɛ.

Laabaau jiida iyi Zãa í kɔ 11:52

Kù nɔ kù jɛ si agbɛi aŋa akãi á ku, amma á kui ku ba kú jɔ̀ amai Ilaaɔ̃ ŋa iyi à wa bii fei a jɛ akã.

Laabaau jiida iyi Zãa í kɔ 2:23

Si bɛi Jesu í wa Zeruzalɛmu si waatii jingaui Iku ku kuau, inɛ ŋa à yɛ maamaake ŋa iyi í ya maa ce nɔ inɛ nkpɔ í dasiɛ naanɛ.

Laabaau jiida iyi Zãa í kɔ 20:31

Amma ide iyi ihɛ̃ ŋai à kɔ ku ba i dasi naanɛ ŋa iyi Jesui í jɛ Kirisi Amai Ilaaɔ̃ ku ba naanɛ iyi ì dasiɛ ŋau ku jɔ̀ i ba kuwɛɛ hai tã ŋa.

Laabaau jiida iyi Zãa í kɔ 3:18

Inɛ iyi í dasiɛ naanɛ, Ilaaɔ̃ kaa yɛ taaleɛ, amma inɛ iyi kù dasiɛ naanɛ í yɛ taalei lafɛ̃ɛ tã, si na iyi í jɔ̀ kù dasi Ama akãɛ naanɛ.

Woo bɛ ŋa 3:16

Gbugbãi irii Jesui í jɔ̀ mɔkɔu ihɛ̃ í ba iri, na saabui naanɛ iyi í dasiɛ. Mɔkɔ iyi ì waa yɛ nɔ ì mà ŋau ihɛ̃, naanɛ iyi í dasi Jesuui í jɔ̀ í ba iri mam mam si wajui iŋɛ fei.

Romu 8:14

domi inɛ ŋa iyi Hundei Ilaaɔ̃ wa gbã fei, aŋai à jɛ amai Ilaaɔ̃ ŋa.

Romu 8:16

Hundei Ilaaɔ̃ takaɛ wa sɔ̃ hunde nwa iyi à jɛ amai Ilaaɔ̃ ŋa.

Romu 8:19

Baa mii ŋa iyi Ilaaɔ̃ í taka fei à waa degbe ajɔ nŋu do saasa, ajɔ si bii Ilaaɔ̃ á jɔ̀ a yɛ amboeɛ si amaɛ ŋa,

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Galati 4:6

Nɔ Ilaaɔ̃ í bɛ Hundei Amaɛ wa si idɔ nwa ku nyisiò iyi awai à jɛ amaɛ ŋa. Na saabui Hundeui í jɔ̀ si kutɔɔ nwa à ya ka ni, Baaba.

Kolosee 2:6

Na nŋu, si bɛi ì gba Jesu Kirisi í jɛ Lafɛ̃ɛ nŋɛ, i ce isɛɛnɛ nŋɛ si anu akã do nŋu.

Piɛɛ 2, 1:4

Bɛɛbɛi í ce nwa kuwã nla nla ilu bɛɛrɛ ŋa. Kuwã ŋau aa jɔ̀ i yɛ bɛi nŋu takaɛ í yɛ nɔ i saa kuce laalɔ sãmi ŋa iyi í wa si andunya na binɛ.

Zãa 1, 3:1

I cɔ kubi nla nla iyi Ilaaɔ̃ Baaba í bi wa, hee à waa kpe wa amaɛ ŋa. Nɔ ntɔi bɛɛbɛi à jɛ. Ŋɔi í jɔ̀ inɛi andunya ŋa a kù mà wa domi a kù mà Ilaaɔ̃ mɔm wo.

Zãa 1, 3:10

Nsɛi, aa ka yɔkɔ ka mà inɛ ŋa iyi à jɛ amai Ilaaɔ̃ ŋa do inɛ ŋa iyi à jɛ ti Seetam. Inɛ iyi kù waa ce mii iyi í jɛ dee dee fei, do inɛ iyi kù bi kpaasiɛ, kù jɛ ti Ilaaɔ̃.

Zãa 1, 3:2

Iŋɛ baakɔɔm ŋa, si nsɛi à jɛ amai Ilaaɔ̃ ŋa, amma a kù mà bɛirei aa ka na ka yɛ ala. Do nŋu fei, à mà waati iyi Kirisi á na ku faata wa aa ka jɔɔ, domi aa ka yɔɔ bɛi í yɛ.

Zãa 1, 3:23

Woodaɛu wee. Ka dasi Amaɛ Jesu Kirisi naanɛ, nɔ ka bi njɛ si bɛi í jilɛ nwa.