Laabaau jiida iyi Zãa í kɔ 1:10 - Bibeli do fee

¹⁰ Inɛ iyi í jɛ Ideu í wa si andunya wo. Do saabuɛi Ilaaɔ̃ í takaò andunya. Do nŋu fei, inɛi andunya ŋa a kù màa.

Laabaau jiida iyi Zãa í kɔ 1:10 Iomraidhean Croise

Kusintii Andunya 16:13

Nɔ Agaa wa bee araɛ í ni, ntɔ ntɔ ǹ yɛ inɛ iyi wa yɛm nɔu mbɛ? Nɔ í sɔ Aɔ̃ Lafɛ̃ɛ iyi wa baa ide ku fɔu iri í ni, awɔi ì jɛ Eli-Roi, waatɔ Ilaaɔ̃ nŋu iyi wa yɛm.

Kusintii Andunya 17:1

Iyi Aburamu í nɛ adɔ̃ cinɛò fɛɛwa do mɛɛsã ŋɔi Aɔ̃ Lafɛ̃ɛ í naa bi tɛɛ í ni, amui ǹ jɛ Ilaaɔ̃ ilu gbugbã fei. Jɛ kuwɛɛɛ si wajum ku ba i maà nɛ taale kãma.

Kusintii Andunya 18:33

Iyi Aɔ̃ Lafɛ̃ɛ í ba Aburahamu ide ku fɔ í tã, ŋɔi í nɛɛ. Aburahamu mɔ í sinda í bɔ kpasɛ̃ɛ.

Ezai 53:3

Inɛ ŋa à dondaɛ nɔ à kɔ̀siɛ nɔ í nɛ dɔ̃ɔnɛi wahala do ara kuro. Awa à dondaɛ nɔ a kù dooaɛ si nkãma, nɔ í baa í yɛ bɛi inɛ gɔ iyi inɛ ŋa a kù bi ku cɔ.

Matie 11:27

Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Laabaau jiida iyi Zãa í kɔ 1:11

Bi inɛɛ ŋai í naa nɔ inɛɛ ŋau à kɔ̀siɛ.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 1:3

Do nŋui Ilaaɔ̃ í taka mii baa yooma fei, nɔ nkãma kù wɛɛ iyi kù jɛ nŋui í takaɛ.

Laabaau jiida iyi Zãa í kɔ 1:5

Inya kumáu í mái do si ilu kuku fei, nɔ ilu kukuu kù yɔkɔ kù kãmiaɛ.

Laabaau jiida iyi Zãa í kɔ 17:25

Baaba awɔ iyi ì jɛ dee dee, baa do iyi inɛi andunya ŋa a kù màɛ, amu ǹ màɛ, nɔ inɛ ihɛ̃ ŋa mɔ à mà iyi awɔi ì bɛm wa.

Laabaau jiida iyi Zãa í kɔ 5:17

Amma Jesu í sɔ̃ ŋa í ni, Baam í ya maa ce icɛi waati kãma fei, bɛɛbɛ mɔi amu takam ǹ wa n ce.

Woo bɛ ŋa 14:17

Amma do nŋu fei í nyisi wa iyi nŋu í wɛɛ domi wa ce nwa jiida ŋa. Í jɔ̀ ijĩ wa wɔ ku ba ka ba ijɛ si iko si waatii atɛ ku ba ka nɛ inɔ didɔ̃.

Kɔrɛnti 1, 1:21

Ntɔ ntɔ, inɛi andunya ŋa a kù yɔkɔ a kù mà Ilaaɔ̃ do bisii aŋa taka nŋa. Ilaaɔ̃ takaɛi í coo bɛɛbɛ. Amma si bisiɛ mii iyi í sĩaa wee. Inɛ ŋa iyi à dasiɛ naanɛ à ba faaba na idei waazo iyi inɛ gɔ ŋa à waa cɔ bɛi idei sũmu.

Kɔrɛnti 1, 2:8

Baa inɛ akãi ilu irii andunya ŋau ihɛ̃ kù mà yaaseɛ, domi bii í jɛ à màai wo a kaa kpakpa Lafɛ̃ɛ si jĩi ku gaau, nŋu iyi í nɛ amboe fei.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Kolosee 1:16

Nŋui í taka mii fei, nɔ mii fei í wɛɛi na iriɛ. Na saabuɛi Ilaaɔ̃ í takaò mii fei iyi í wa lele do ilɛ. Mii ŋa iyi à waa yɛ do iyi a kù waa yɛ fei, nŋui í taka ŋa. Hai gbugbãi lele ŋa do ilu iri ŋa do ilu yiiko ŋa do ilu gbugbã ŋa fei icɛi awɔɛi.

Ebɛɛ 11:3

Na naanɛ ku dasii à mà iyi Ilaaɔ̃i í taka andunya do ideɛ. Bɛɛbɛi í taka mii iyi à waa yɛ hai si mii iyi a kù waa yɛ.

Zãa 1, 3:1

I cɔ kubi nla nla iyi Ilaaɔ̃ Baaba í bi wa, hee à waa kpe wa amaɛ ŋa. Nɔ ntɔi bɛɛbɛi à jɛ. Ŋɔi í jɔ̀ inɛi andunya ŋa a kù mà wa domi a kù mà Ilaaɔ̃ mɔm wo.