Laabaau jiida iyi Zãa í kɔ 1:1 - Bibeli do fee

¹ Hee a maa taka andunya inɛ gɔ í wɛɛ à ya kpoo Ide. Ideu í wɛɛi do Ilaaɔ̃. Ideu takaɛ Ilaaɔ̃i.

Laabaau jiida iyi Zãa í kɔ 1:1 Iomraidhean Croise

Kusintii Andunya 1:1

Hai sinte Ilaaɔ̃i í taka lele do ilɛ.

Iri ku kɔ̃ 45:6

Afaɛ ŋa à gbe anu, à waa lu idɔi mbɛɛɛ ŋa nɔ inɛ ŋa à wasi ku cuku.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Luku 24:53

Nɔ kpasɛ̃i Ilaaɔ̃ bɛi à ya maa wa waati kãma fei a maa saabu Ilaaɔ̃.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Laabaau jiida iyi Zãa í kɔ 1:18

Inɛ kãma kù yɛ Ilaaɔ̃ Baaba ajɔ kãma. Ama akãɛ iyi í wa bi tɛɛu nŋu takaɛ Ilaaɔ̃i. Nŋui í jɔ̀ à màa.

Laabaau jiida iyi Zãa í kɔ 1:2

Ideu njɛ í wɛɛi hai sinte do Ilaaɔ̃.

Laabaau jiida iyi Zãa í kɔ 16:28

Ntɔi, hai bi Baabai ǹ fita wa ǹ naa andunya. Nsɛi ǹ wa n jɔ̀ andunya ǹ wa n bɔ bi Baam.

Laabaau jiida iyi Zãa í kɔ 17:5

Baaba, nsɛi ǹ wa n tɔɔɛi, jɔ̀ n nɛ amboe bi tɛɛ bɛi ǹ tako ǹ nɛ wo hee a maa taka andunya.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Laabaau jiida iyi Zãa í kɔ 8:58

Ŋɔi Jesu í ni, ntɔ ntɔ ǹ wa n sɔ̃ ŋɛ, ǹ wɛɛ mɔm wo hai waati iyi a kù bí Aburahamu.

Romu 9:5

Bala nŋa ŋai à jɛ inɛi Ilaaɔ̃ ŋa. Si dimi nŋai Kirisi í fita bɛi amanɛ nŋu iyi í re mii fei. Nŋui í jɛ Ilaaɔ̃, nŋu iyi í jɔ ka maa saabu hee do ajɔ fei. Ami.

Efɛɛzu 3:9

Nɔ n sisia inɛ fei bɛi yaasei asiii Ilaaɔ̃ á ce ku ceò. Ilaaɔ̃, nŋu iyi í taka mii fei í singa asiiu ihɛ̃ hai ku kpɛ,

Filipi 2:6

Baa do iyi í to Ilaaɔ̃, kù dɛdɛ nŋu ku jɛ saai Ilaaɔ̃ do tilasi.

Kolosee 1:15

Inɛ gɔ kaa yɔkɔ ku yɛ Ilaaɔ̃. Amma Kirisi Amaɛu Ilaaɔ̃i, nɔ à yɔɔ, í nɔ í jɔɔi dee dee. Kirisiu í wɛɛi hai waati iyi a kù taka andunya.

Kolosee 1:17

Kirisi njɛ í wɛɛ tã à bɛi à taka mii fei. Do gbugbãɛi í jɔ̀ mii fei í wa si agbɛɛ.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Ebɛɛ 13:8

Jesu Kirisi ci ya kpaasi hai ana do nnyi hee do ajɔ fei.

Ebɛɛ 7:3

Inɛ gɔ kù mà baaɛ walakɔ iyeɛ walakɔ balaɛ gɔ. A kù ce faajii kubíɛ hee má jɛ faajii ikuɛ. Si bɛɛbɛ í jɔ Amai Ilaaɔ̃, nɔ í jɛ woo wee do ajɔ fei.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.

Zãa 1, 5:7

Woo jɛ sɛɛda ŋau aŋa mɛɛtai à wɛɛ.

Kuyɛi Zãa 1:11

í ni, kɔ iyi ì waa yɛ si tia, nɔ i samba tiau bi inɛi igbɛ mɛɛjei Jesu ŋa iyi à wa Efɛɛzu, do Simiinu, do Pɛɛgamu, do Tiatii, do Saadi, do Filadɛɛfi, do Laodisee.

Kuyɛi Zãa 1:17

Iyi ǹ yɔɔ, ǹ cuku si isɛɛ bɛi iku. Nɔ í lesim awɔ njɛɛ í ni, maà ce njo, amui ǹ jɛ sinte do iri ku kpa.

Kuyɛi Zãa 1:2

Hai ide iyi Ilaaɔ̃ í fɔ hee ku bɔ si sɛɛda iyi Jesu Kirisi í jɛ fei, mii iyi ǹ yɛ fei ǹ wa n jɛ sɛɛdaɛ.

Kuyɛi Zãa 1:8

Aɔ̃ Lafɛ̃ɛ, ilu gbugbã fei, nŋu iyi í wɛɛ, iyi í tako í wɛɛ wo, nɔ nŋui wa naa í ni, amui ǹ jɛ sinte do iri ku kpa.

Kuyɛi Zãa 19:13

Wa dasi ibɔ gɔ iyi à mù do njɛ. Iriɛi Idei Ilaaɔ̃.

Kuyɛi Zãa 2:8

Kirisi í ni má, kɔa amalekai igbɛi inɛm ŋa iyi í wa Simiinu. Kɔaa i ni, inɛ iyi í jɛ sinte do iri ku kpa, iyi í tako í ku wo nɔ í dede má si kuwɛɛ í ni,

Kuyɛi Zãa 21:6

Nɔ í sɔ̃m má í ni, fei ndɛɛ í tã. Inɛ kãma kù takom nɔ inɛ kãma kaa naa do anyim. Amui ǹ jɛ sintei mii fei do iri ku kpaɛ. Inɛ iyi agbɛ wa kpa fei an jɔ̀ ku mɔ inyii isɔ̃ hai nɛ fia ku sã. Nɔ inɛ iyi í mɔ inyiu fei á maa wɛɛi.

Kuyɛi Zãa 22:13

Amui ǹ jɛ iriò isɛ. Inɛ kãma kù takom nɔ inɛ kãma kaa naa do anyim. Amui ǹ jɛ sintei mii fei do iri ku kpaɛ.

Kuyɛi Zãa 3:14

Kirisi í ni má, kɔa amalekai igbɛi inɛm ŋa iyi í wa Laodisee. Kɔaa i ni, inɛ iyi à ya kpe Ami, woo jɛ sɛɛda ilu naanɛ iyi í jɛ ntɔu, nŋu iyi í jɛ icui mii iyi Ilaaɔ̃ í taka fei í ni,