Filipi 4:9 - Bibeli do fee

⁹ Ide iyi ǹ kɔ nŋɛ si nɔ ì jɛsi ŋau, do iyi ǹ sɔ̃ ŋɛ do iyi ì yɛ ǹ ce ŋa, i ya coo ŋa. Nɔ Ilaaɔ̃, nŋu iyi wa mu nwa laakai ku sũ á wɛɛ do iŋɛ.

Filipi 4:9 Iomraidhean Croise

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 8:10

Sɔɔlui mii iyi ì ce ŋa fei á cuku ngbɛi. Baa bii í jɛ ì busi njɛ si sɔɔlui ngɔgɔ iyi ì ce ì jilɛ ŋa, á cuku ngbɛi, domi Ilaaɔ̃ í wɛɛ do awa.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Matie 7:21

Jesu í ni má, kù jɛ inɛ iyi wa kpem Lafɛ̃ɛ Lafɛ̃ɛ feii á na ku lɔ si bommai Ilaaɔ̃, bii kù jɛ inɛ ŋa iyi à waa ce idɔɔbii Baam iyi í wa lele.

Luku 6:46

Nɔ Jesu í sɔ̃ ŋa má í ni, na mii í ce ì ya maa kpem Lafɛ̃ɛ Lafɛ̃ɛ, nɔ i ci ya ceò ide iyi ǹ sɔ̃ ŋɛ icɛ ŋa.

Luku 8:21

Amma í jɛ nŋa í ni, inɛ ŋa iyi à waa gbɔ idei Ilaaɔ̃ nɔ à waa jirimaɛ, aŋai à jɛ iyem walakɔ ifɔm ŋa.

Laabaau jiida iyi Zãa í kɔ 13:17

Nsɛi wee ì mà yaasei iyi ihɛ̃ ŋa. Bii ì waa coo ŋa, aa nɛ inɔ didɔ̃ ŋa.

Laabaau jiida iyi Zãa í kɔ 15:14

Bii ì waa ce iyi ǹ dasi ŋɛ ì jɛ kpaasim ŋai.

Laabaau jiida iyi Zãa í kɔ 2:5

Ŋɔi iyeu í sɔ̃ woo ce icɛ ŋau í ni, i ce bɛi í sɔ̃ ŋɛ fei.

Woo bɛ ŋa 9:6

Dede i bɔ inɔ iluu, bɛi aa sɔ̃ɛ mii iyi aa ce.

Romu 15:33

Ilaaɔ̃, nŋu iyi wa mu nwa laakai ku sũ, ku wɛɛ do iŋɛ fei. Ami.

Romu 16:20

Kaa kpɛ má, Ilaaɔ̃ nŋu iyi wa mu nwa laakai ku sũ, á jɔ̀ i tɛɛsɛ Seetam ŋa. Didɔ̃i Lafɛ̃ɛ nwa Jesu ku wɛɛ do iŋɛ.

Kɔrɛnti 1, 10:31

Na nŋu, bii ì jɛ ì waa mɔ ŋa walakɔ bii ì waa ce ngɔgɔ ŋa, i ce fei ndɛɛ ku ba inɛ ŋa a mà bɛɛrɛi Ilaaɔ̃.

Kɔrɛnti 1, 14:33

Ntɔ ntɔ, Ilaaɔ̃ kù bi kuce hai nɛ yaase ku ya wa si kutɔtɔɔ nwa, í bi ka cooi si laakai ku sũ. Si bɛi inɛ ŋa à ya ce si igbɛi woo dasi Jesu naanɛ ŋa fei,

Kɔrɛnti 1, 4:16

Na nŋu, ǹ wa n tɔɔ ŋɛ i ya too si kucem ŋa.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Wooda ku kɔsi 5:1

Moizi í tɔtɔɔ inɛi Izirɛli ŋau fei nɔ í sɔ̃ ŋa í ni, i de itĩ i gbɔ wooda ikã ikã ŋa iyi an na ŋɛ nnyi. I kɔkɔ wooda ŋau ŋa nɔ i ceò icɛ ŋa dee dee.

Filipi 3:17

Iŋɛ inɛm ŋa, iŋɛ fei i sìsìim ŋa. À nyisi ŋɛ kuce jiida. Na nŋu, i ya maa cɔ inɛ ŋa mɔ iyi à yɔkɔ à waa ce bɛɛbɛ.

Filipi 4:7

Nɔ laakai ku sũi Ilaaɔ̃ iyi í re kumài amanɛ fei á degbe idɔ nŋɛ do lasabu nŋɛ si anu akã iyi ì nɛ do Jesu Kirisi ŋa.

Tɛsalonika 1, 1:6

Iŋɛ mɔ ì too si kuce nwa do ti Lafɛ̃ɛ, domi ì gba idei Ilaaɔ̃ ŋa do inɔ didɔ̃ iyi Hundeɛ í mu nŋɛ, baa do iyi í naa nŋɛ ijuukpã nla nla wa.

Tɛsalonika 1, 2:14

Iŋɛ inɛ nwa ŋa, mii iyi í ba igbɛi inɛi Jesu Kirisi ŋa iyi à jɛ ti Ilaaɔ̃ si ilɛi Zudee, nŋui í ba iŋɛ mɔ nsɛi. Ntɔ ntɔ ì yɛ ijuukpã ŋa hai bi inɛi ide nŋɛ ŋa, bɛi inɛ ŋau mɔ à yɛ bi Zuifu ŋa.

Tɛsalonika 1, 5:23

Nɔ Ilaaɔ̃ takaɛ, nŋu iyi í jɛ icui laakai ku sũ, ku nya ŋɛ i jɛ titɛɛ mam mam ŋa, nɔ ku degbe hunde nŋɛ do laakai nŋɛ do ara nŋɛ, taale gɔ ku maà wa si, hee ku toò ajɔ iyi Lafɛ̃ɛ nwa Jesu Kirisi á nyi wa.

Tɛsalonika 2, 3:4

Lafɛ̃ɛ í jɔ̀ à dasi ŋɛ naanɛ. À mà iyi mii iyi à jilɛ nŋɛu ì waa coo ŋa, nɔ bɛɛbɛi aa ce i maa koo ŋa.

Timɔtee 2, 4:22

Lafɛ̃ɛ ku wɛɛ do awɔ. Nɔ didɔ̃i Ilaaɔ̃ ku wa si iŋɛ fei.

Zaaki 1:22

I maà jɔ̀ i leekĩò ide ku gbɔ nŋu akã, amma i ya ceò icɛ ŋa. Bii kù jɛ bɛɛbɛ, ì waa dĩ ijui ara nŋɛ ŋai.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.

Zãa 1, 3:22

Nɔ mii iyi à tɔɔɛ fei á mu nwai, domi à waa jirima woodaɛ ŋa nɔ à waa ce mii iyi á dɔ̃aa si.