Filipi 4:8 - Bibeli do fee

⁸ Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Filipi 4:8 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Samuɛli 2, 1:23

Kuwɛɛi Saulu do Zonatãa í dɔ̃a inɛi Izirɛli ŋa si, nɔ à bi ide nŋa si kuwɛɛ nŋa fei. Nɔ si ajɔi iku nŋa a kù fɛɛfɛ njɛ. Aŋa minji fei à gbãai à re baa katɔ ŋa, nɔ gbugbã nŋa í re baa ti muusu nla ŋa.

Samuɛli 2, 23:3

Ilaaɔ̃ Lafɛ̃ɛi inɛi Izirɛli ŋa, nŋu iyi wa degbe ŋa, í sɔ̃m í ni, ilaalu iyi wa gbã inɛɛ ŋa do dee dee ku jɛ, nɔ wa mà bɛɛrɛi Ilaaɔ̃,

Iri ku kɔ̃ 82:2

hee waati yoomai aa maa mɔsi do kiiti hai jɛ dee dee ku ce ŋa nɔ i maa na ilu taale ŋa ntɔ ŋa. Kusĩmi.

Mɔnda ŋa 11:1

Aɔ̃ Lafɛ̃ɛ kù bi kiloo iyi kù jɛ dee dee, amma í ya saabu si kiloo iyi í munga.

Mɔnda ŋa 12:4

Abo jiida bɛɛrɛi mɔkɔɛi, amma abo iyi wa dasi mɔkɔɛ anyɔ í ya yɛaai bɛi bɔ̃ɔ iyi wa ŋɔ kũkũɛ ŋa.

Mɔnda ŋa 16:11

Aɔ̃ Lafɛ̃ɛ í bi gũa do kiloo ŋa iyi à jɛ dee dee. Nŋui í jilɛ kuwoi mii baa yooma fei.

Mɔnda ŋa 20:7

Inɛ jiida í ya jɛ kuwɛɛi dee dee. Inɔ didɔ̃i í ya na ku jɛ ti amaɛ ŋa.

Mɔnda ŋa 31:10

Ilu inɔ didɔ̃i inɛ iyi í ba abo jiida, domi abo jiida kù kpɔ. Abo jiida í nɛ bɛɛrɛ í re lɛgɛ caada.

Mɔnda ŋa 31:29

Mɔkɔu í ya maa ni, inaabo jiida nkpɔ nkpɔi í wɛɛ, amma awɔi ì re aŋa fei.

Mɔnda ŋa 31:31

Ì jɔ̀ ku yɛ ribai icɛi awɔɛ, nɔ inɛ ŋa a maa saabuɛ bii fei na mii ŋa iyi wa ce fei.

Iri ku kɔ̃ iyi í dɔ̃ í re 5:16

Gɛlɛɛ í nɛ ididɔ̃, nɔ kɔdɛɛm í wa si araɛ fei. Iŋɛ mudɛ̃ɛi Zeruzalɛmu ŋa, inɛ iyi ǹ biu, bɛi í yɛ mbɛ. Kpaasim nɔu, bɛi í yɛ mbɛ.

Ezai 26:7

Kpãai inɛ dee dee í ya tɛi. Aɔ̃ Lafɛ̃ɛ, awɔ iyi ì tɛ, awɔi ì ya jɔ̀ kpãai inɛ dee dee ku munga anu.

Matie 22:16

Ŋɔi à bɛ mɔcɔ nŋa gɔ ŋa do inɛi Herodu gɔ ŋa wa bi tɛɛ. Iyi à to wa ŋɔi à ni, Mɛɛtu, à mà iyi ì ya fɔ ntɔ, nɔ ì waa kɔ inɛ ŋa si idei Ilaaɔ̃ do ntɔ. Bɛɛbɛ mɔi i kù waa ce njoi inɛ gɔ, domi i ci ya cɔ ijui amanɛ ŋa.

Maaku 6:20

si na iyi í jɔ̀ Herodu wa ce njoi Zãa. Bii wa gbɔ ideɛ idɔɛ í ya dedei, amma do nŋu fei í ya bi nŋu ku gbɔɔ. Í mà iyi amanɛ dee deei nɔ kuwɛɛɛ kù nɛ taale kãma. Na ŋɔi í jɔ̀ í bii anyiɛ.

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Luku 2:25

Wee mɔkɔ gɔ í wa Zeruzalɛmu bɛ à ya kpoo Simeɔ̃. Mɔkɔu í jɛ inɛ dee dee nɔ í mà bɛɛrɛi Ilaaɔ̃. Wa degbe Ilaaɔ̃ ku tũ idɔi inɛi Izirɛli ŋa nɔ Hundei Ilaaɔ̃ í wɛɛ do nŋu.

Luku 23:50

Mɔkɔ gɔ iyi à ya kpe Zozɛfu, inɛi Arimatee ilu akãi Zuifu ŋau í naa bɛ. Mɔkɔu inɛ dee deei, wa ce jiida, nɔ í wɛɛò kpãa ku cɔ iyi Ilaaɔ̃ á na ku jɛ bommaɛ. Í wa si igbɛi woo kiiti ŋa, amma kù jɛsi ide nŋa iyi à jilɛ a cea Jesu wo.

Laabaau jiida iyi Zãa í kɔ 7:18

Inɛ iyi wa fɔ ide do yiikoi irii araɛ bɛɛrɛi nŋu takaɛi wa dɛ. Amma inɛ iyi wa dɛ bɛɛrɛi inɛ iyi í bɔɔ wa, lafɛ̃ɛ ntɔi í ya fɔ, ibo kãma ci ya wa siɛ.

Woo bɛ ŋa 10:22

Nɔ à ni, Kɔɔnɛi, inɛ ngboi sooge ŋai wa dɛdɛɛ. Inɛ dee deei, í ya maa jirima Ilaaɔ̃ nɔ Zuifu ŋa fei à ya maa fɔ jiida ku jɛɛ. Amalekai Ilaaɔ̃ gɔ í sɔ̃ɔ í ni ku kpeɛ bi tɛɛ ku ba ku gbɔ ide iyi aa sɔ̃ɔ.

Woo bɛ ŋa 22:12

Wee mɔkɔ gɔ í wa bɛ à ya kpoo Ananiasi, í mà bɛɛrɛi Ilaaɔ̃ nɔ wa too woodai Moizi. Zuifu ŋa iyi à wa ilu bɛ fei à waa jɛ sɛɛda jiidaɛ.

Woo bɛ ŋa 6:3

Na nŋu, iŋɛ kpaasi nwa ŋa, i cica amanɛ mɛɛje si inɔ nŋɛ, inɛ ŋa iyi à waa jɛ nŋa sɛɛda jiida, iyi à kɔ̃ò Hundei Ilaaɔ̃ do bisi, nɔ ka kãa nŋa icɛu.

Romu 13:13

I jɔ̀ ka nɛ dee dee awa iyi à jɛ inɛi inya kumá ŋa. Ka maà jɔ̀ ijɛ ku bi nwa do atɛ̃ ku mɔ nwa ku la ku caa, ka maà nɛ adɛi abo do daa bɛɛtɛkɛ ku ce, nɔ ka jɔ̀ ija do igu.

Romu 13:3

Ntɔ ntɔ, woo ce jiida ŋa a kù nɛ zigiida do inɛ ŋa iyi à waa mu ilɛu, í gbe woo ce laalɔ ŋa. Bii i kù bi njo ku muɛ si gãmɛi inɛ ngbo ŋau, ce jiidaɛ, aa nɛ siɛ inɔ didɔ̃.

Romu 14:18

Inɛ iyi wa cea Kirisi icɛ si yaase bɛɛbɛ, lafɛ̃ɛi Ilaaɔ̃ á bi, nɔ baa amanɛ ŋa aa saabuɛ.

Romu 2:29

Amma inɛ iyi í jɛ Zuifu ntɔ ntɔ, nŋui í jɛ Zuifu si idɔɛ. Iyi í nɔ í jɛ bango do ntɔ nŋui í jɛ bangoi idɔ. Icɛi Hundei Ilaaɔ̃i, kù jɛ ti wooda. Zuifu dimi bɛɛbɛ, Ilaaɔ̃i á saabuɛ, kù jɛ amanɛ ŋa.

Kɔrɛnti 1, 4:5

Na nŋu, i maà kiiti inɛ kãma hai waati iyi Ilaaɔ̃ í jilɛu kù to. I degbe ajɔ iyi Lafɛ̃ɛ á nyi wa ŋa. Mii iyi wa manji si ilu kuku fei á jɔ̀ ku fita bantuma, nɔ ku jɔ̀ a mà lasabui idɔi amanɛ ŋa. Waati bɛɛbɛi, inɛ fei á gbɔ saabu iyi í jɛ tɛɛ hai bi Ilaaɔ̃.

Kɔrɛnti 2, 13:7

Mii iyi à waa tɔɔ Ilaaɔ̃ nŋui í jɛ i maà na i ce laalɔ kãma ŋa. Kù jɛ à waa dɛ inɛ ŋa a saabu icɛ jiida nwa, amma iyi à waa lele, nŋui í jɛ i ce mii jiida ŋa, baa bii inɛ ŋa à waa ni awa a kù ce nkãma.

Kɔrɛnti 2, 6:8

À ya ka temuai bii inɛ ŋa à mà bɛɛrɛ nwa walakɔ bii à waa nya fũnɛ nwa. Bɛɛbɛ mɔi à ya ka temua bii à waa fɔ jiida nwa walakɔ bii à waa fɔ laalɔ nwa. À waa cɔ wa bɛi woo sɔ ibo ŋa baa do iyi à waa fɔ ntɔ fei.

Kɔrɛnti 2, 8:18

Nɔ à waa bɛ inɛ nwa gɔ wa do nŋu takaɛ ajɔ, inɛ iyi igbɛi inɛi Jesu ŋa fei à waa saabu na icɛi laabaau jiidau iyi wa ce.

Kɔrɛnti 2, 8:21

Ntɔ ntɔ, à waa bi ka ce mii iyi í sĩa, ku maà jɛ si ijui Lafɛ̃ɛ nŋu akã, amma do bi amanɛ ŋa fei.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Efɛɛzu 5:9

domi bii à waa nɛ si inya kumá kuce iyi aa ka ce nŋui í jɛ daa didɔ̃ baa yooma fei do dee dee ku jɛ do ntɔ ku fɔ.

Efɛɛzu 6:14

Na nŋu, i dede i leekĩ dim dim ŋa. I jɔ̀ ntɔ ku wɛɛ nŋɛ bɛi santiiki iyi sooge í ya dĩò gbankiliɛ, nɔ i jɔ̀ dee dee ku jɛ ku wɛɛ nŋɛ má bɛi ibɔi isɔ.

Wooda ku kɔsi 16:20

Aa ya too ntɔu ŋai dee dee ku ba i wɛɛ si hunde ŋa nɔ i ba ilɛ iyi Aɔ̃ Lafɛ̃ɛ nŋɛ á mu nŋɛu.

Filipi 3:1

Nsɛi iŋɛ inɛm ŋa, i ya jɔ̀ i wɛɛ do inɔ didɔ̃ ŋa do iyi ì jɛ ti Lafɛ̃ɛ ŋa. Bi tom, n kaa n gbɛɛjiò ide akãu ku kɔ nŋɛ wa, domi ǹ mà iyi á mu nŋɛ gbugbã.

Kolosee 4:5

I jɛ kuwɛɛ nŋɛ do laakai ŋa si inɔi hai dasi naanɛ ŋau. I ya ce icɛ jiida si waati iyi ì nɛ fei ŋa.

Tɛsalonika 1, 4:12

Bii ì waa ce bɛɛbɛ ŋa, isɛɛnɛ nŋɛ á nɛ bɛɛrɛ baa si wajui hai dasi Jesu naanɛ ŋa, nɔ i kaa jɛ asoi inɛ kãma ŋa.

Timɔtee 1, 2:2

Nɔ i ya ce kutɔɔ ŋa na irii inɛ ngboi ilɛ ŋau hee do inɛi anyi nŋa ŋau fei, ku ba ka yɔkɔ ka jɛ andunya nwa do laakai ku sũ, nɔ ka ya ce kuwɛɛ jiida ku ba inɛ ŋa a mà bɛɛrɛi Ilaaɔ̃.

Timɔtee 1, 3:11

Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Timɔtee 1, 3:4

Nɔ ku jɛ inɛ gɔ iyi í nɔ kpasɛ̃ɛ mam mam, nɔ amaɛ ŋa à ya jirimaɛ nɔ à mà bɛɛrɛi inɛ ŋa.

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Timɔtee 1, 5:2

abo ngbo ŋa mɔ bɛi iyeɛ ŋa, nɔ inaabo saatara ŋa mɔ i ce nŋa bɛi wecĩɛ ŋa, daaɛ fei ku má bi tu ŋa.

Titee 1:8

Amma í gbe ku jɛ inɛ iyi í ya yaaɛ inɛ njoo ŋa, nɔ ku ya bi mii jiida ku ce. Nɔ ku jɛ inɛ iyi í mà araɛ. Ku jɛ inɛ dee dee do inɛ kumá nɔ ku ya saku.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 2:2

Sɔ̃ mɔkɔ ngbo ŋa a jɔ̀ a mà mii iyi à waa ce, nɔ a jɛ ilu bɛɛrɛ iyi à mà ara nŋa nɔ a leekĩ si kpãai naanɛ ku dasiu dim dim do ti kubi do ti temua.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Titee 3:14

Í sĩa inɛ nwa ŋau mɔ a hanya si icɛ jiida ku ce, ku ba a ba bukaatai mii iyi à bi nɔ a maà jɛ kuwɛɛ nŋa ngbɛ ngbɛ.

Ebɛɛ 11:2

Naanɛ ku dasi dimi bɛɛbɛi inɛi tako ŋa à nɛ, ŋɔi í jɔ̀ kuwɛɛ nŋa í sĩaa Ilaaɔ̃ si.

Ebɛɛ 13:18

I ya ce nwa kutɔɔ ŋa. À mà kãm kãm iyi idɔ nwa kù waa yɛ taale nwa domi à bi ka ce isɛɛnɛ nwa dee dee si mii fei.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 4:8

Iyi í re fei ndɛɛ, nŋui í jɛ i ce kookaai i bi njɛ ŋa, domi kubi í ya bii kurara nkpɔ.

Piɛɛ 2, 3:1

Iŋɛ baakɔɔm ŋa, tia minjisiam wee iyi ǹ kɔ nŋɛ. Si tia sinteu do minjisiau fei ǹ wa n dɛ n jĩ lasabu jiida nŋɛ do kukɔsi ŋa iyi ǹ wa n ye ŋɛ gigi.

Zãa 1, 3:18

Iŋɛ amam ŋa, i maà jɔ̀ ka bi njɛ do ide ku fɔi gɛlɛ nŋu akã, amma ka bi njɛ do ntɔ do si kuce.

Zãa 1, 3:3

Inɛ iyi wa cɔ kpãai ideu ihɛ̃ fei, wa ce kookaai ku ba ku maaju bɛi Kirisi mɔ í maaju.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Ruutu 3:11

Nsɛi maà jɔ̀ zigiɛ ku da do ngɔgɔ má. Mii iyi ì ni fei an ceɛ, domi hee do inɛi inɔ ilu ŋa fei à mà iyi awɔ abo ilu bɛɛrɛi.