Filipi 4:7 - Bibeli do fee

⁷ Nɔ laakai ku sũi Ilaaɔ̃ iyi í re kumài amanɛ fei á degbe idɔ nŋɛ do lasabu nŋɛ si anu akã iyi ì nɛ do Jesu Kirisi ŋa.

Filipi 4:7 Iomraidhean Croise

Neemi 8:10

Ŋɔi Ɛsidarasi í sɔ̃ ŋa má í ni, i koo i ŋɔ iŋa ŋa iyi à nɛ ikpo, nɔ i mɔ atɛ̃ nyikɔ̃ ŋa. Nɔ i ya buãa inɛ ŋa iyi a kù se ngɔgɔ ŋa, domi ajɔi nnyi ti Lafɛ̃ɛ nwai. I maà jɔ̀ inɔ nŋɛ ku fɔ ŋa domi inɔ didɔ̃ iyi Aɔ̃ Lafɛ̃ɛ á mu nŋɛi á jɛ gbugbã nŋɛ.

Zɔɔbu 22:21

Debɛi jɔ̀ i teese dulum dɛɛ do Ilaaɔ̃. Aa ba laakai ku sũ nɔ aa yɛ ididɔ̃ á wa siɛ.

Zɔɔbu 34:29

Bii Ilaaɔ̃ wa cokoɛ, yooi á yɛ taaleɛ. Bii í nɔ í bi ku manji mɔi yooi á yɔɔ. Amma á yɔkɔ ku tilasi ilɛ gɔ walakɔ amanɛ ŋa

Iri ku kɔ̃ 29:11

Aɔ̃ Lafɛ̃ɛ ku mua inɛɛ ŋa gbugbã, ku wee nŋa nɔ ku mu nŋa laakai ku sũ.

Iri ku kɔ̃ 85:8

Aɔ̃ Lafɛ̃ɛ, jɔ̀ ka yɛ jiida ku jɛɛ, nɔ i faaba wa.

Mɔnda ŋa 2:11

Bisi á maa degbeɛ, nɔ laakai á bii anyiɛ

Mɔnda ŋa 4:6

Maà kɔ̀si bisiu, á degbeɛ. Jɔ̀ i buu, á maa muɛ.

Mɔnda ŋa 6:22

Aŋai aa maa gbãɛ bii ì waa nɛ, nɔ aa degbeɛ bii ì waa sĩ njoo, nɔ aa muuɛ bisi bii ì jĩ hai si iri njoo,

Ezai 26:12

Aɔ̃ Lafɛ̃ɛ, awɔi ì jɔ̀ laakai ku sũ wa naa si wa, domi mii iyi à waa ce fei, awɔi ì jɔ̀ wa kɔ̃ na iri nwa.

Ezai 26:3

Inɛ iyi wa leekĩ dim dim si lasabuɛ ŋa, awɔ Aɔ̃ Lafɛ̃ɛi ì ya jɔ̀ ku nɛ laakai ku sũ si na iyi í jɔ̀ awɔi í dasi naanɛ.

Ezai 45:7

Amui ǹ ya n ce inya kumá, nɔ amui ǹ ya n ce ilu kuku. Amui ǹ ya n naaò laakai ku sũ wa, nɔ amui ǹ ya n naaò wahala mɔ wa. Amu Aɔ̃ Lafɛ̃ɛi ǹ ya n ce fei ndɛɛ.

Ezai 48:18

Ntɔ ntɔ, bii ì de itĩ do laakai ì gbɔ woodam ŋa wo, kuwee nkpɔ nkpɔi á naa siɛ bɛi inyii ido nla iyi wa cã, nɔ dee dee ku jɛɛ á yɛi bɛi kutãngãm dii inyii tenku.

Ezai 48:22

Amma Aɔ̃ Lafɛ̃ɛ í ni, kuwee ŋau bɛ kaa jɛ ti inɛ laalɔ ŋa.

Zeremi 32:16

Si anyii iyi ǹ so tiai akabuu iyi ǹ raò inyau ǹ na Baruku amai Neria, ǹ tɔɔ Aɔ̃ Lafɛ̃ɛ ǹ ni,

Zeremi 33:6

Amma an gbɔai bɛi à ya gbɔa inɛ iyi í ba kumɛɛ. An jɔ̀ ku ba irii nɔ n jɔ̀ inɛi ilu ŋau a nɛ laakai ku sũ do idɔ ku buba.

Kuka 6:26

Aɔ̃ Lafɛ̃ɛ ku ce nŋɛ jiida nɔ ku mu nŋɛ laakai ku sũ.

Luku 1:79

ku ba ku má inya si inɛ ŋa iyi à waa buba si ilu kuku do si jĩjĩi iku ku maa nɛò awa fei si kpãai laakai akã.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Romu 14:17

Bommai Ilaaɔ̃ kù jɛ idei kujɛ do kumɔ, bii kù jɛ dee dee ku jɛ do laakai ku sũ do inɔ didɔ̃ iyi Hundei Ilaaɔ̃ wa mu nwa.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Romu 5:1

Nsɛi, si bɛi Ilaaɔ̃ í ce wa inɛ dee dee ŋa na naanɛ ku dasi nwa, à dɔ̃ do nŋu na saabui Lafɛ̃ɛ nwa Jesu Kirisi.

Romu 8:6

Inɛ ŋa iyi lasabu nŋa fei í wa si idɔɔbii ara, ikui á jɛ iri ku kpa nŋa. Amma inɛ ŋa iyi lasabu nŋa í wa si mii iyi Hundei Ilaaɔ̃ í bi, lafɛ̃ɛ ŋa aa ba kuwɛɛ do laakai ku sũ.

Kɔrɛnti 2, 10:5

do dimii ara ku so iyi inɛ ŋa à nɛ fei à waa jãò ide ntɔi Ilaaɔ̃. Nɔ do nŋui à waa kãmiaò lasabu fei ku ba a jirima Kirisi.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Efɛɛzu 3:19

Baa do iyi kubiu í re kumài amanɛ fei, ǹ bi i mà yaaseɛ ŋa ku ba ì kɔ̃ mam mam bɛi Ilaaɔ̃ í kɔ̃.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Filipi 1:2

Ilaaɔ̃ Baa nwa do Jesu Kirisi Lafɛ̃ɛ nwa a mu nŋɛ didɔ̃ do laakai ku sũ.

Filipi 4:19

Do saabui Jesu Kirisi Ilaaɔ̃ á mua iŋɛ fei bukaatai mii iyi ì nɛ ŋa si bɛi amanii amboeɛ í to.

Filipi 4:21

I ce inɛ ŋa iyi Jesu Kirisi í cica à jɛ tɛɛu fei fɔɔ ŋa. Amu do inɛ ŋa iyi à wa bi tom à ce iŋɛ fei fɔɔ.

Filipi 4:9

Ide iyi ǹ kɔ nŋɛ si nɔ ì jɛsi ŋau, do iyi ǹ sɔ̃ ŋɛ do iyi ì yɛ ǹ ce ŋa, i ya coo ŋa. Nɔ Ilaaɔ̃, nŋu iyi wa mu nwa laakai ku sũ á wɛɛ do iŋɛ.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Tɛsalonika 2, 3:16

Lafɛ̃ɛ nŋu iyi í jɛ icui laakai ku sũ, ku mu nŋɛ laakai ku sũ waati kãma fei si mii iyi í ba ŋɛ fei. Lafɛ̃ɛ ku wɛɛ do iŋɛ fei.

Ebɛɛ 13:20

Lafɛ̃ɛ nwa Jesui í jɛ Woo degbe iyi í re. Na njɛɛ iyi í nikã, í jilɛ nwa akabuu titɔ̃ iyi ci ya tã. Na nŋu Ilaaɔ̃ ilu laakai ku sũ, nŋu iyi í dedeɛ hai si balɛ,

Zudu 1:1

Amu Zudu woo ce icɛi Jesu Kirisi, amu iyi ǹ jɛ ifɔi Zaaki, amui ǹ wa n kɔ nŋɛ tiau ihɛ̃ wa, iŋɛ iyi Ilaaɔ̃ Baaba í kpe. Í bi ŋɛ, nɔ wa degbe ŋɛ i jɛ ti Jesu Kirisi ŋa.

Kuyɛi Zãa 1:4

Amui Zãa, ǹ ce ŋɛ fɔɔ, iŋɛ igbɛ mɛɛjei inɛi Jesu ŋa iyi ì wa ilɛi Azii. Ilaaɔ̃, nŋu iyi í wɛɛ, iyi í tako í wɛɛ wo, nɔ wa naa, ku mu nŋɛ didɔ̃ do laakai ku sũ, nŋu do Jesu Kirisi do hunde mɛɛje ŋa iyi à wa si wajui kitãi bommaɛ. Jesu Kirisiu nŋui í jɛ woo jɛ sɛɛda ilu naanɛ, do inɛ sinte iyi í jĩ hai si balɛ, nɔ í jɛ ilaalui ilaalu ŋa. Í bi wa nɔ í faaba wa hai si dulum du wa do njɛɛ.

Kuyɛi Zãa 2:17

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, nŋui an mua mana iyi wa manji wo. Nɔ n muaa kuta fũfũ si bii à kɔ iri titɔ̃ɛ iyi inɛ gɔ kù mà bii kù jɛ nŋu iyi ǹ mua.