Filipi 4:6 - Bibeli do fee

⁶ I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Filipi 4:6 Iomraidhean Croise

Ilaalu 1, 8:28

Do nŋu fei, Aɔ̃ Lafɛ̃ɛm, sinda wa ikpa bi tom, gbɔ kutɔɔm, gbɔ anu iyi amu woo ce icɛɛ ǹ wa n dɔ̃ siɛ nnyiu ihɛ̃.

Bomma 2, 32:20

Ŋɔi ilaalu Ezekiasi do walii Ezai amai Amɔɔsu à dɔ̃ anu hee lele à waa tɔɔ Ilaaɔ̃ faaba.

Iri ku kɔ̃ 51:15

Inɛ ŋa iyi à waa ce ide ku kɔ̀, an kɔ ŋa si kpãaɛ. Nɔ ilu dulum ŋa aa nyi wa bi tɛɛ.

Iri ku kɔ̃ 55:17

Amu, Aɔ̃ Lafɛ̃ɛi an tɔɔ faaba á nɔ ku faabam.

Iri ku kɔ̃ 55:22

Ide didɔ̃i í ya wa si gɛlɛɛ, amma idei igũi í ya wa si idɔɛ. Ideɛ ŋau à dɔ̃ à re baa ikpo, amma à yɛi bɛi taakuba ku kpa inɛ.

Iri ku kɔ̃ 62:8

Si Ilaaɔ̃i faabam do bɛɛrɛm í wa, nŋui í jɛ kuta ku nɛ gbugbãm. Ilaaɔ̃i í jɛ bi ku manjim.

Mɔnda ŋa 15:8

Aɔ̃ Lafɛ̃ɛ í cé kuweei inɛ laalɔ ŋa, amma í ya gba kutɔɔi inɛ dee dee ŋai do inɔ didɔ̃.

Mɔnda ŋa 16:3

So icɛɛ ŋa i daa Aɔ̃ Lafɛ̃ɛ si awɔ, fei ndɛɛ á ce.

Iri ku kɔ̃ iyi í dɔ̃ í re 2:14

Awɔ iyi ì yɛ bɛi ankasiidi iyi wa manji si isai kuta ŋa, walakɔ si afei kuta ŋa, jɔ̀ n yɛ wajuɛ, jɔ̀ n gbɔ imuɛ, domi imuɛ í dɔ̃ ku gbɔ, nɔ wajuɛ mɔ í sĩa ntɔ ntɔ.

Zeremi 32:16

Si anyii iyi ǹ so tiai akabuu iyi ǹ raò inyau ǹ na Baruku amai Neria, ǹ tɔɔ Aɔ̃ Lafɛ̃ɛ ǹ ni,

Zeremi 33:3

kpem nɔ n jɛɛ. An sisiɛ mii nla nla ŋa, mii ŋa iyi wa manji iyi i kù mà wo.

Daniɛli 3:16

Ŋɔi Sadaaki do Mesaaki do Abɛdi-Nego à jɛa ilaalu Nebukanɛsaa à ni, a kù nɛ bukaatai ka jɛɛ ide kãma.

Daniɛli 6:10

Ŋɔi ilaalu Dariusi í jilɛ woodau, nɔ í dasi nyindaɛu.

Matie 10:19

Amma bii à bɔò ŋɛ bi ku kiiti, i maà ti i biti do ide iyi aa fɔ ŋa walakɔ do yaase bɛi aa fɔɔò ŋa. Bii waatiu í to, Ilaaɔ̃ á mu nŋɛ ide iyi aa fɔ ŋa.

Matie 13:22

Inɛ mɔ iyi í gba ideu bɛi si ilɛ ku nɛ agũ ŋau, wa gbɔ ideu amma lasabu bututui mii ŋa iyi wa bitandiɛ do fia ku bi iyi wa dĩ ijuɛ, aŋai à ya ganji ideu ku ce icɛ si inɛɛu.

Matie 6:34

Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.

Matie 6:8

I maà ya jɔ ŋa ŋa, domi hee i maa tɔɔ ŋa, Baa nŋɛ í mà bukaatai mii iyi ì nɛ tã ŋa.

Luku 10:41

Ŋɔi Lafɛ̃ɛ í jɛaa í ni, Maata, Maata, ì jɔ̀ zigiɛ wa da nɔ ì waa mante araɛ na mii nkpɔ.

Luku 12:22

Iyi Jesu í fɔ bɛɛbɛ í tã ŋɔi í sɔ̃ mɔcɔɛ ŋa í ni, na ŋɔi í jɔ̀ ǹ wa n sɔ̃ ŋɛ ǹ ni, i maà ya jɔ̀ zigii nŋɛ ku maa da do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa.

Luku 12:29

I maà ya jɔ̀ zigi nŋɛ ku maa da do mii iyi aa jɛ ŋa walakɔ mii iyi aa mɔ ŋa.

Luku 18:1

Jesu í kpa nŋa mɔndau ihɛ̃ ku nyisi ŋa iyi í sĩa a maa ce kutɔɔ waati kãma fei, gbɛɛji ku maà wa si.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Kɔrɛnti 1, 7:21

Ì jɛ aru wo waati iyi Ilaaɔ̃ í kpeɛi? Maà ti i jɔ̀ inɔɛ ku fɔ. Amma bii ì na ì ba kpãa gɔ iyi aa nɛò araɛ, bɛɛgɛ si bɛ gbakã.

Kɔrɛnti 1, 7:32

N kù bi nkãma ku maa bitandi ŋɛ. Inɛ iyi kù so abo, laakaiɛ fei si icɛi Lafɛ̃ɛi í ya wa, í ya maa dɛ nŋu ku ce iyi á dɔ̃a Lafɛ̃ɛ si.

Kɔrɛnti 2, 1:11

Iŋɛ taka nŋɛ ì waa sobi wa do kutɔɔ nŋɛ. Ilaaɔ̃ á gba kutɔɔ iyi inɛ nkpɔ í ce na iri nwa, nɔ á ce nwa didɔ̃ ku ba inɛ nkpɔ ku saabuɛ na iri nwa.

Efɛɛzu 5:20

I ya maa saabu Ilaaɔ̃ Baaba waati kãma fei ŋa si mii fei do irii Lafɛ̃ɛ nwa Jesu Kirisi.

Efɛɛzu 6:18

Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Kolosee 4:2

I temua si kutɔɔ ŋa, i ya maa tɔɔ Ilaaɔ̃ waati kãma fei nɔ i maa saabuɛ ŋa.

Timɔtee 1, 2:1

Mii sinte iyi ǹ wa n tɔɔ ŋɛi í jɛ i ya ce kutɔɔ ŋa. Mii iyi ì nɛ bukaataɛ fei, i ya tɔɔ Ilaaɔ̃ ŋa nɔ i ya ce kutɔɔ na irii inɛ fei ŋa nɔ i ya saabu Ilaaɔ̃ na iri nŋa ŋa.

Timɔtee 1, 5:5

Inaabo iyi í jɛ jaaɔ̃ do ntɔ nɔ kù nɛ inɛ gɔ iyi á woo, kpãa ku cɔɛ fei si Ilaaɔ̃i í ya wa nɔ í ya maa ce kutɔɔ ku maa tɔɔ sobiɛ dasãò idũ.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Piɛɛ 1, 5:7

I sɔ wahala nŋɛ fei bi tɛɛ, domi nŋui wa gbɔ nŋɛ.

Samuɛli 1, 1:15

Ŋɔi Ana í jɛaa í ni, aawo. Atɛ̃ kù waa kpam. Ǹ wɛɛò inɔ kufɔ nlai amma n kù mɔ atɛ̃. Ǹ wa n sɔ̃ Aɔ̃ Lafɛ̃ɛ inɔ kufɔm nii.

Samuɛli 1, 30:6

Ŋɔi Davidi í wɛɛò inɔ kufɔ nla nla domi inɛɛ ŋa à waa bi a taa kuta a kpaa domi aŋa fei à wɛɛò inɔ kufɔ na amu ŋa iyi à mu. Amma Davidi í yɔkɔ temua nɔ Aɔ̃ Lafɛ̃ɛɛ í kɔ̃ɔa si gbugbã.

Samuɛli 1, 7:12

Ŋɔi Samuɛli í so kuta gɔ í jilɔɔ aninii Misipa do Seni nɔ í sɔɔ Ebenezɛɛ, waatɔ kutai sobi, nɔ í ni, hee ku naa tengi ihɛ̃, Aɔ̃ Lafɛ̃ɛ í sobi wa.