Filipi 4:5 - Bibeli do fee

⁵ I jɔ̀ inɛ fei ku yɛ daa didɔ̃ nŋɛ ŋa, domi kunyii Lafɛ̃ɛ í maai wa.

Filipi 4:5 Iomraidhean Croise

Matie 6:25

Na nŋu ǹ wa n sɔ̃ ŋɛi, i maà ya jɔ̀ zigi nŋɛ ku maa da do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.

Matie 6:34

Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Kɔrɛnti 1, 16:22

Inɛ iyi kù nɛ kubii Lafɛ̃ɛ fei, ikpe ku muu. Lafɛ̃ɛ Jesu ku nyi wa.

Kɔrɛnti 1, 6:7

Bii ì waa bɔò njɛ bi ku ce kiiti ŋa, wa nyisi mɔngɔ nŋɛi mam mam. Na mii í ce i ci ya yɔkɔ i tɛ idɔ ŋa bii à rara nŋɛ. Na mii í ce i ci ya jɛ a takii ŋɛ.

Kɔrɛnti 1, 8:13

Na nŋu, bii iŋai á jɔ̀ kpaasim gɔ ku dasi kurara, n kaa n ŋɔ iŋa má ajɔ kãma ku ba n maà n dasiɛ kurara.

Kɔrɛnti 1, 9:25

Woo ce gaasai kusɛi ŋa à ya maa mu ara nŋai si fei ndɛɛ. À waa ce bɛɛbɛi ku ba a ba fulai wua ŋa iyi aa gbɛ. Amma awa à waa cei ku ba ka ba iyi ci ya tã.

Kɔrɛnti 2, 10:1

Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Tɛsalonika 2, 2:2

i maà jɔ̀ idɔ nŋɛ ku dede ńya ńya bii inɛ gɔ ŋa à ni ajɔi Lafɛ̃ɛ í to wa tã. Nɔ i maà jɔ̀ ku mu ŋɛ biti bii à ce waliiɛ walakɔ waazoɛ, walakɔ baa bii à ni awai à kɔɔ bɛɛbɛ.

Titee 3:2

Sɔ̃ ŋa a maà ya fɔ laalɔi inɛ gɔ, nɔ a maà ya dɛ anui inɛ gɔ, amma a ya cea inɛ fei jiida nɔ a nyisi inɛ ŋa daa didɔ̃.

Ebɛɛ 10:25

Ka maà ti ka jɔ̀ idei kutɔtɔɔ nwa ŋa si bɛi inɛ gɔ ŋa à ya maa ce. Amma ka ya maa mua njɛ gbugbã. Bɛi ì yɛ ajɔi Lafɛ̃ɛ wa maai wa fei, bɛɛbɛ mɔi aa ya maa muaò njɛ gbugbã ŋa.

Ebɛɛ 10:37

Ntɔi, si bɛi kukɔi idei Ilaaɔ̃ wa fɔ í ni, waati í gbe keeke, kekeeke mɔm. Nɔ inɛ iyi í nɛ ku naa á naa, kaa kpɛ.

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Kuyɛi Zãa 22:20

Jesu, nŋu iyi í fɔ ideu ihɛ̃ fei í jilɔɔ do naanɛ, í ni, ntɔi an nyi wa kaa kpɛ. Nɔ amu Zãa ǹ jɛ ǹ ni, ami, naa wa Lafɛ̃ɛ Jesu.

Kuyɛi Zãa 22:7

Jesu í ni, wee an nyi wa kaa kpɛ. Ilu inɔ didɔ̃i inɛ iyi wa jirima ide iyi à ce waliiɛ si tiau ihɛ̃.