Filipi 4:4 - Bibeli do fee

⁴ I ya jɔ̀ inɔ nŋɛ ku maa dɔ̃ si Lafɛ̃ɛu do ajɔ fei ŋa, ǹ nyi ǹ fɔ ǹ wa n sisi má, i ya jɔ̀ inɔ nŋɛ ku maa dɔ̃.

Filipi 4:4 Iomraidhean Croise

Iri ku kɔ̃ 146:2

An maa n saabuɛi waati iyi ǹ wɛɛ fei. An kɔ̃ iri n maa n cĩ Aɔ̃ Lafɛ̃ɛi si kuwɛɛm fei.

Iri ku kɔ̃ 33:1

Iŋɛ inɛ dee dee ŋa, i dɔ̃ anu do inɔ didɔ̃ ŋa na irii Aɔ̃ Lafɛ̃ɛ. Iŋɛ inɛ kumá ŋa, i cũu ŋa domi bɛɛbɛi í sĩa i ce ŋa.

Abakuku 3:18

Amma amu, inɔ didɔ̃m wa naai hai bi awɔ Aɔ̃ Lafɛ̃ɛ. Ǹ ya n nɛ inɔ didɔ̃i si na iyi í jɔ̀ ì faabam.

Matie 5:12

I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ lelei Aɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.

Woo bɛ ŋa 16:25

Zakai idũ laja ŋɔi Pɔlu do Silasi à waa ce kutɔɔ nɔ à kɔ̃ iri à waa saabuò Ilaaɔ̃. Nɔ inɛi piisɔ̃ɔ ŋa iyi à wa bɛu à waa de si ŋa itĩ.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.

Galati 1:8

Amma baa bii awa taka nwai walakɔ amaleka iyi í naa hai lele, bii í ce nŋɛ waazoi laabaau mmu gɔ má, bii kù jɛ iyi à ce nŋɛu ihɛ̃, Ilaaɔ̃ ku ceekpe lafɛ̃ɛ.

Filipi 2:18

Bɛɛbɛ mɔi í sĩa iŋɛ mɔ i wɛɛò inɔ didɔ̃ nɔ inɔ didɔ̃ nŋɛu i kpɔ̃ɔ ŋa do amu.

Filipi 3:1

Nsɛi iŋɛ inɛm ŋa, i ya jɔ̀ i wɛɛ do inɔ didɔ̃ ŋa do iyi ì jɛ ti Lafɛ̃ɛ ŋa. Bi tom, n kaa n gbɛɛjiò ide akãu ku kɔ nŋɛ wa, domi ǹ mà iyi á mu nŋɛ gbugbã.

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.