Filipi 4:3 - Bibeli do fee

³ Awɔ mɔ woo ce icɛ kpaasim, awɔ iyi ì jɛ ilu naanɛ, ǹ wa n tɔɔɛi i sobi inaabo minji ŋau bɛ. Aŋai à bam kujabu wo si laabaau jiidau ku sisiɛ, aŋa do Kelema do woo ce icɛ kpaasim ŋa iyi à gbe fei, aŋa iyi iri nŋa í wa si tiai kuwɛɛ.

Filipi 4:3 Iomraidhean Croise

Iri ku kɔ̃ 69:28

Kɔ kurarau i kɔ̃ɔsi kurara nŋa ŋau nɔ i maà ce nŋa suuru.

Kufita 32:32

Ǹ wa n tɔɔɛ i kpa idei dulum du ŋa. Bii kù nɔ kù jɛ bɛɛbɛ, kpa irim si tiaɛ iyi ì kɔ.

Ezai 4:3

Inɛ ŋa iyi aa gbe Zeruzalɛmu, aŋa iyi aa ba a fita siu, aŋai aa kpe inɛ kumá ŋa iyi à nya ŋa ikã a jɛ ti Aɔ̃ Lafɛ̃ɛ. Inɛ ŋa iyi Aɔ̃ Lafɛ̃ɛ takaɛ í kɔ iri nŋa a jɛ ilu hunde ŋa mbɛ.

Ezekiɛli 13:9

Amu Aɔ̃ Lafɛ̃ɛ, an nyisi gbugbãm si gãmɛi walii ŋa iyi à waa fɔ ide ŋa iyi a kù jɛ ntɔ nɔ à waa ce kuyɛ ibo ŋau. A kaa ba inya tengi bii inɛm ŋa à ya tɔtɔɔu. A kaa kɔ iri nŋa si tuubai inɛi Izirɛli ŋa. A kaa baa ilɛi Izirɛli má. Nɔ aa mà ŋa iyi amui ǹ jɛ Aɔ̃ Lafɛ̃ɛ.

Daniɛli 12:1

Ŋɔi amalekau í bam ide ku fɔ má í ni, si waatiu bɛi Misɛli inɛ ngboi amaleka ŋau á faata wa, nŋu iyi í jɛ inɛ iyi á kɔ̀ò zamaaɛu. Waatiu, waatii wahalai á jɛ iyi a kù yɛ dimiɛ bii kãma hee ku naa si waatiu bɛ. Si waatiu bɛ, inɛɛ ŋa iyi à kɔ iri nŋa si tiai kuwɛɛu fei, aa ba a fita si.

Luku 10:20

Do nŋu fei, i maà jɔ̀ inɔ nŋɛ ku dɔ̃ si na iyi í jɔ̀ inɛi inɔɔko ŋau à waa jirima ŋɛ, amma i jɔ̀ inɔ nŋɛ ku dɔ̃ si na iyi í jɔ̀ à kɔ iri nŋɛ ŋa lelei Aɔ̃.

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Romu 16:12

I ce Tiifɛni do Tiifozi fɔɔ, inaabo ŋa iyi à waa cea Lafɛ̃ɛ icɛu. Nɔ i ceem Pɛɛsidi inaabo baakɔɔm nɔu mɔ fɔɔ, nŋu mɔ í cea Lafɛ̃ɛ icɛ ntɔ ntɔ.

Romu 16:9

I ce Uubɛ̃ɛ fɔɔ, kpaasi woo ce icɛ nwa si icɛi Kirisi, do Sitaki kpaasi jiidam.

Filipi 1:12

Kpaasim ŋa, ǹ bi i mà ŋa iyi mii iyi í bam nɔu ihɛ̃i í jɛ waju ku bɔi laabaau jiidau.

Filipi 1:16

Inɛ nŋu ŋau à waa cooi do kubi domi à mà iyi ǹ wa ile piisɔ̃ɔ ihɛ̃i ku ba n jabu na irii laabaau jiidau.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 1:5

si na iyi í jɔ̀ ì sobim ŋa n sisiò laabaau jiidau hai ajɔ sinteu hee ku baa nsɛi.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 4:2

Ǹ wa n tɔɔ inaabo minji ŋau ihɛ̃ Efodi do Sɛntiki a ya jɔ̀ anu nŋa ku jɛ akã si idei Lafɛ̃ɛ.

Kolosee 1:7

Epafaasi, woo ce icɛ baakɔɔ nwaui í kɔ nŋɛ si. Wa ce icɛ na aranfãani nŋɛ, nŋu iyi í jɛ ilu naanɛ woo ce icɛi Kirisi.

Kuyɛi Zãa 13:8

Inɛi andunya fei á tɔɔɛ, waatɔ inɛ ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, tia iyi í jɛ ti ama angudã iyi à kpau.

Kuyɛi Zãa 17:8

Mɛɛmu iyi ì yɛu bɛ í wɛɛ wo amma kù wɛɛ má nsɛi. Bii í kɔ̃ɔsi à fita wa hai si isa nla hai nɛ kɔɔu ku bɔ nfe ku ce. Inɛi andunya ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, aa biti bii à yɛ mɛɛmuu má, domi í tako í wɛɛ wo amma kù wɛɛ má nsɛi nɔ á na ku faata wa má.

Kuyɛi Zãa 20:12

Ŋɔi ǹ yɛ iku ŋa, keekeò nla, à waa leekĩ si wajui kitãi bommau. Nɔ à cĩ tia ŋa do tia gɔ iyi à ya ni tiai kuwɛɛ. À kiiti iku ŋa si bɛi kookoosu nŋa ŋa iyi à kɔ si tia ŋau à to.

Kuyɛi Zãa 20:15

À so inɛ baa yooma iyi a kù kɔ iriɛ si tiai kuwɛɛu à dasi ina nlau.

Kuyɛi Zãa 21:27

Amma mii riisi kãma kaa lɔ bɛ. Bɛɛbɛ mɔi inɛ iyi wa ce laalɔ do woo sɔ ibo a kaa lɔ bɛ pai. Inɛ ŋa iyi aa lɔ bɛ, aŋai à jɛ inɛ ŋa iyi à kɔ iri nŋa si tiai ama angudãu iyi í jɛ tiai kuwɛɛ.

Kuyɛi Zãa 3:5

Inɛ iyi í jɛ igũi á dasi jĩnɛ fũfũ dimi bɛɛbɛ. N kaa n kpa iriɛ si tiai kuwɛɛ pai. Si bantuma an jɛsi si wajui Baam do amalekaɛ ŋa iyi inɛm nii.