Filipi 4:15 - Bibeli do fee

¹⁵ Iŋɛ inɛi Filipi ŋa, iŋɛ taka nŋɛ ì mà sãa sãa ŋa iyi hai ǹ sinti laabaau jiidau ku sìsì si waati iyi ǹ nɛ hai Masedɔni, igbɛi inɛi Jesu gɔ kù sobim bii kù jɛ iŋɛ akã, awaɛ ŋai à sobi njɛ.

Filipi 4:15 Iomraidhean Croise

Ilaalu 2, 5:16

Ŋɔi Elizee í jɛaa í ni, do irii Aɔ̃ Lafɛ̃ɛ, nŋu iyi ǹ jɛ woo ce icɛɛ, n kaa n gba. Naama í manteɛ ku gba amuau, amma í kɔ̀si.

Ilaalu 2, 5:20

ŋɔi Gehazi woo ce icɛi Elizee waliii Ilaaɔ̃u í fɔ si inɔɛ wa ni, wee Elizee mɛɛtum í cea Naama inɛi Siriu inɔ akã, domi í kɔ̀si amua iyi wa ceaa. Do irii Aɔ̃ Lafɛ̃ɛ fei, an sɛi n da hãmɛi, ku ba n ba siɛ ngɔgɔ wa.

Woo bɛ ŋa 16:40

Iyi Pɔlu do Silasi à fita hai ile piisɔ̃ɔu ŋɔi à bɔ kpasɛ̃i Lidi. Iyi à koo à yɛ kpaasi woo dasi naanɛ ŋau à mu nŋa gbugbã, à bɛi à nɛ.

Romu 15:26

domi woo dasi Jesu naanɛ ŋa iyi à wa ilɛi Masedɔni do ilɛi Gɛrɛsi à tɔtɔɔ fia do inɔ akã na ilu are ŋa iyi à wa si inɔi woo dasi Jesu naanɛ ŋau Zeruzalɛmu bɛ.

Filipi 1:12

Kpaasim ŋa, ǹ bi i mà ŋa iyi mii iyi í bam nɔu ihɛ̃i í jɛ waju ku bɔi laabaau jiidau.

Filipi 1:16

Inɛ nŋu ŋau à waa cooi do kubi domi à mà iyi ǹ wa ile piisɔ̃ɔ ihɛ̃i ku ba n jabu na irii laabaau jiidau.

Filipi 1:5

si na iyi í jɔ̀ ì sobim ŋa n sisiò laabaau jiidau hai ajɔ sinteu hee ku baa nsɛi.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,