Filipi 4:14 - Bibeli do fee

¹⁴ Do nŋu fei, ì ce í sĩa ŋa do iyi ì kpɛ̃ wahalam nɔu ŋa.

Filipi 4:14 Iomraidhean Croise

Ilaalu 1, 8:18

Amma Aɔ̃ Lafɛ̃ɛ í sɔ̃ɔ í ni, si bɛi ì lasabu i maam ile, lasabuɛu í sĩa.

Bomma 2, 6:8

Amma Aɔ̃ Lafɛ̃ɛ í sɔ̃ɔ í ni si bɛi í lasabu ku maa nŋu kpasɛ̃u, lasabuɛu í sĩa.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Romu 15:27

Do kubii à tɔtɔɔò fiau, amma ntɔ ntɔ gbesei à waa mu si na iyi í jɔ̀ amanii Ilaaɔ̃ iyi Zuifu ŋau à nɛ à kpɔ̃ɔ do dimi mmu ŋa. Bɛɛbɛ mɔi á sĩa dimi mmu ŋau mɔ a sobi ŋa do amanii andunya nŋa.

Galati 6:6

Awɔ iyi à waa kɔ idei Ilaaɔ̃, mii iyi ì nɛ fei jɔ̀ i kpɔ̃ɔ do inɛ iyi wa kɔɛ si.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 4:18

Andi mii iyi ì sambaam wa fei ŋa ǹ yɔɔ. Í nɔ í to hee í gbe. Bɛi Epafoditi í naam amua nŋɛ wa í ceem zaka. Amua nŋɛu í yɛɛm nii bɛi kuwee iyi í nɛ inunu jiida iyi Ilaaɔ̃ í gba í dɔ̃aa si.

Timɔtee 1, 6:18

Sɔ̃ ŋa a ce mii iyi í sĩa, a jɛ ilu amani si jiida ku ce, nɔ a ya kpɛ̃a inɛ ŋa amani nŋa do inɔ didɔ̃.

Ebɛɛ 10:33

Waati gɔ ŋa à ya maa bu ŋɛ nɔ à kpã ŋɛ iju si bantuma, nɔ si waati gɔ ŋa mɔ ì ya maa mua inɛ gɔ ŋa iyi à waa yɛ dimii wahalau bɛ gbugbã ŋa.

Ebɛɛ 10:34

Ntɔi, ì ce araarei inɛi piisɔ̃ɔ ŋa. Iyi inɛ ŋa à nɔ à gba mii ndu ŋɛ ŋa ì jɛ ŋai do inɔ didɔ̃, domi ì mà ŋa iyi ì nɛ amani iyi í re do bɛɛrɛ iyi í ya maa wɛɛ do ajɔ fei.

Ebɛɛ 13:16

I maà gbɛjɛ jiida ku ce, nɔ i ya maa sobi njɛ ŋa, domi dimii kuwee bɛɛbɛ í ya dɔ̃a Ilaaɔ̃ si.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.