Filipi 4:11 - Bibeli do fee

¹¹ Kù jɛ a ni ǹ nɛ bukaatai ngɔgɔi í jɔ̀ ǹ wa n fɔ bɛɛbɛ, domi ǹ kɔkɔ inɔ didɔ̃ ku nɛ si mii iyi í bam fei.

Filipi 4:11 Iomraidhean Croise

Kusintii Andunya 28:20

Si anyiɛ ŋɔi Zakɔbu í ce kuwã í ni, bii Ilaaɔ̃ í wɛɛ do amu nɔ í degbem si isɛɛnɛm nɔu ihɛ̃, nɔ í muum ijɛ do jaaɛ iyi an dasi,

Kufita 2:21

Iyi Moizi í naa ŋɔi í dasi idɔ nŋu ku gbe bi inɛɛu bɛ, nɔ inɛɛu í muaa ama inaaboɛ iyi à ya kpe Sefora.

Luku 3:14

Ŋɔi sooge gɔ ŋa mɔ à beeɛ à ni, awa mɔ ni, bɛirei aa ka ce. Nɔ í sɔ̃ ŋa í ni, i maà ya gba fiai inɛ gɔ do gbugbã ŋa, nɔ i maà ya má inɛ gɔ ide, nɔ i maà ya donda iyi à waa sã nŋɛ.

Kɔrɛnti 2, 11:27

Ǹ mà icɛ kugaabu ŋa do wahala nla nla ŋa, à ganjim njoo ku sũ. Ari í ya kpam nɔ agbɛ í ya kpam, ǹ ce anu ku dĩ do tilasi, ǹ wahala do tũtũ nɔ n kù nɛ jĩnɛ ku dasi ŋa.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Kɔrɛnti 2, 9:8

Ilaaɔ̃ á yɔkɔ ku jɔ̀ didɔ̃ ikã ikã fei ku caa si ŋɛ ku ba i nɛ fei ndɛɛ do ajɔ fei ŋa. Si bɛɛbɛi aa ba bukaatai mii iyi ì bi fei ŋa, hee ku gbe nŋɛ nla nla i ceò icɛ jiida fei ŋa.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Ebɛɛ 10:34

Ntɔi, ì ce araarei inɛi piisɔ̃ɔ ŋa. Iyi inɛ ŋa à nɔ à gba mii ndu ŋɛ ŋa ì jɛ ŋai do inɔ didɔ̃, domi ì mà ŋa iyi ì nɛ amani iyi í re do bɛɛrɛ iyi í ya maa wɛɛ do ajɔ fei.