Filipi 3:9 - Bibeli do fee

⁹ nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Filipi 3:9 Iomraidhean Croise

Kusintii Andunya 7:23

Mii ilu hunde fei í ce nfe, hai amanɛ hee ku koo si do mɛɛmu ŋa fei do iŋa hai nɛ nto ŋa do yɛi ŋa fei. Fei ndɛɛ í ce nfei si andunyau. Nowee nŋu akãi í gbe do inɛɛ ŋa do mɛɛmu ŋa iyi aŋaò ŋa à wa si akɔi inyiu ajɔu.

Ilaalu 1, 8:46

Ntɔ ntɔ inɛ kãma kù wɛɛ iyi ci ya ce dulum. Waati iyi aa na a ce dulum bi tɛɛ, bii idɔɔkɔ̃ɛ í dede si ŋa nɔ ì dasi ŋa si awɔi mbɛɛ ŋa à mu ŋa aru à nɛò ŋa ilɛ mmu jĩijĩ walakɔ amɛɛ,

Bomma 2, 32:25

Amma Ezekiasi kù mà jiida iyi Aɔ̃ Lafɛ̃ɛ í ceaa, nɔ í lɔsi fufu ku tɔɔ. Ŋɔi idɔɔkɔ̃i Ilaaɔ̃ í dede siɛ do si inɛi Zudaa do Zeruzalɛmu ŋa.

Bomma 2, 32:31

Na ŋɔi í jɔ̀ waati iyi inɛ ngboi Babilɔni ŋau à bɛ inɛ ŋa siɛ a koo a beeɛ idei maamaake iyi í ce si ilɛu, Ilaaɔ̃ í jɔ̀ɔi titã ku ba ku cɔ laakaiɛ nɔ ku mà mii iyi í wa si idɔɛ fei.

Iri ku kɔ̃ 14:3

Amma kù yɛ, aŋa fei à nyɔi, aŋa fei à bɛjɛi. Inɛ gɔ kù wɛɛ si inɔ nŋa iyi wa ce jiida baa akã.

Iri ku kɔ̃ 143:2

Amu woo ce icɛɛi, maà kiitim, domi inɛ kãma kù wɛɛ iyi kù nɛ taale si wajuɛ.

Iri ku kɔ̃ 19:12

Amu woo ce icɛɛ, ideɛ ŋau à waa fà laakaim. Nɔ bii ǹ wa n jirima woodaɛ, aranfãani nla nlai an ba.

Woo lasabu 7:20

Ntɔi, si andunyau ihɛ̃, inɛ dee dee kãma gɔ kù wɛɛ iyi wa ce jiida nɔ ci ya ce dulum ajɔ kãma.

Ezai 46:13

Ǹ jɔ̀ dee dee ku jɛm wa sɛkɛɛ wa, nɔ kù jĩ má. Nɔ kaa kpɛ má, faabam nɔu mɔ ku to wa. An jɔ̀ faabam nɔu ku naa Siɔ̃ɔ. Ntɔ ntɔ, an jɔ̀ Izirɛli ku nɛ bɛɛrɛ.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Ezai 53:6

Awa fei à nyɔi wo à waa dabii bɛi mɛɛmu gaa ŋa. Waati bɛɛbɛ, inɛ fei í mu kpãaɛi, nɔ Aɔ̃ Lafɛ̃ɛ í jɔ̀ kurarai awa fei í baa siɛ.

Ezai 6:5

Ŋɔi ǹ dɔ̃ anu ǹ ni, inɔ kufɔi í jɛ tom. Ǹ ce nfe mbɛ, domi gɛlɛm kù maaju, nɔ ǹ wa si aninii inɛ ŋa iyi gɛlɛ nŋa ŋa kù maaju. Nɔ wee ǹ yɛ ilaalu Aɔ̃ Lafɛ̃ɛi lele do ilɛ do ijum.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Zeremi 33:16

Waati bɛɛbɛ, ilɛi Zudaa á ba faaba, nɔ Zeruzalɛmu mɔ á nɛ laakai ku sũ si iluɛ, nɔ aa ya kpooi, Aɔ̃ Lafɛ̃ɛi í jɛ dee dee ku jɛ nwa.

Daniɛli 9:24

Adɔ̃ kitaò fɛɛwa ikɔ mɛɛjei à daa zamaaɛ do ilu kumáɛu ku ba a kpa irii wooda ku kua do dulum ŋau. Aa kpa kurara mɔi nɔ a naaò dee dee ku jɛ wa hee do ajɔ fei ku ba kuyɛ do idei walii ŋau a kɔ̃, nɔ a nya ile iyi í re do kumáu ikã.

Matie 9:13

Ǹ wa n sɔ̃ ŋɛi, n kù naa ku kpe inɛ dee dee ŋa, amma ilu dulum ŋai ǹ naa ku kpe. I koo i bee yaasei kukɔu iyi í ni, Ilaaɔ̃ í ni, ǹ bi i ce araarei njɛ ŋa i re i ceem kuwee.

Romu 1:17

Laabaau jiidau wa nyisi iyi Ilaaɔ̃ í ya jɔ̀ inɛ ku jɛ dee dee na naanɛ ku dasi nŋu akã, si bɛi à kɔɔ à ni, inɛ iyi í jɛ dee dee si wajui Ilaaɔ̃ na naanɛ ku dasiu á ba kuwɛɛ.

Romu 10:10

domi do idɔi amanɛ í ya dasiò naanɛ ku ba ku jɛ dee dee si wajui Ilaaɔ̃, nɔ do gɛlɛ mɔi í ya fɔò ide ku ba ku baò faaba.

Romu 16:7

Nɔ i ce Andoniku do Zunia dimim ŋau fɔɔ, awaò ŋai à ce piisɔ̃ɔ ajɔ. À nɛ bɛɛrɛ nla nla si inɔi woo bɛ ŋau. À tako à dasi Kirisi naanɛ mɔm amu ǹ bɛi ǹ dasiɛ naanɛ.

Romu 5:21

Si bɛi dulum í lɔ si inɛ fei hee í naaò iku wa, bɛɛbɛ mɔi didɔ̃i Ilaaɔ̃ í naa si inɛ fei ku ba ku ce wa inɛ dee dee ŋa nɔ ku mu nwa kuwɛɛ iyi ci ya tã na anu akã iyi à nɛ do Lafɛ̃ɛ nwa Jesu Kirisi.

Romu 8:1

Na nŋu, nsɛi Ilaaɔ̃ kaa yɛ taalei inɛ ŋa iyi à nɛ anu akã do Jesu Kirisi má.

Romu 8:3

Mii iyi woodai Moizi kù yɔkɔ ku ce si na iyi í jɔ̀ mɔngɔi amanɛ ŋa í jɔ̀ woodau í kua gbugbã, Ilaaɔ̃ í coo. Dulum iyi í wa si arai amanɛ, í kiitiɛ si waati iyi í jɔ̀ Amai nŋu takaɛ í so ara iyi í jɔ arai dulum dii amanɛ ŋa nɔ í bɔɔ wa.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Galati 2:16

Do nŋu fei, à mà iyi amanɛ kaa jɛ dee dee si wajui Ilaaɔ̃ na wooda ku too, bii kù jɛ na naanɛ iyi á dasi Jesu Kirisi. Na nŋu, awa mɔ à dasi Jesu Kirisi naanɛ ku ba ka jɛ dee dee na naanɛ iyi à dasi Kirisi, kù jɛ na wooda ku too. Ilaaɔ̃ kaa ce inɛ gɔ dee dee si na iyi í jɔ̀ wa jirima wooda.

Wooda ku kɔsi 27:26

Ikpei á jɛ ti inɛ iyi kù jirima idei woodai Aɔ̃ Lafɛ̃ɛ ŋau ihɛ̃ nɔ kù ceò ŋa icɛ. Nɔ zamaau fei á jɛi ku ni, ami.

Filipi 3:6

Ǹ nɛ himma ntɔ ntɔ hee ǹ kpã inɛi igbɛi Jesu ŋa iju. Inɛ gɔ kaa yɛ taalem do yaase bɛi ǹ jirima idei wooda ǹ wa n dɛdɛ n jɛò inɛ dee dee.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Titee 3:5

í faaba wa. Waati bɛɛbɛi Hundeɛ iyi í da nwa si í bí wa isɛ gbeejisia nɔ í mu nwa kuwɛɛ titɔ̃. Kù faaba wa si na iyi í jɔ̀ à ce icɛ jiida, amma si na iyi í jɔ̀ í ce araare nwai.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Zaaki 3:2

Si mii nkpɔi awa fei à ya ka rara. Inɛ iyi kù waa ce kurara si ide ku fɔɛ, lafɛ̃ɛ inɛ ku jĩai nɔ í yɛ bɛi inɛ iyi í dasi araɛ fei arezem.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Zãa 1, 3:4

Inɛ mɔ iyi wa ce dulum fei, wa kua woodai Ilaaɔ̃i, domi dulum wooda ku kuai.