Filipi 3:8 - Bibeli do fee

⁸ Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Filipi 3:8 Iomraidhean Croise

Ilaalu 1, 14:10

Nŋu bɛi á jɔ̀ n naaò laalɔ wa si kpasɛ̃ɛ. An kpa inɛmɔkɔ ŋa iyi à jɛ tɛɛ fei, hai aru ŋa hee do inɛ ŋa iyi à nɛ ara nŋa fei. Nɔ n kpa irii kpasɛ̃ɛ bɛi à ya kpã riisi hee koo tãò.

Ilaalu 2, 9:37

Nɔ ikɔ̃i araɛ ŋa iyi à gbeu fei aa fangaaɛi bɛi taasi si iko hee a kaa yɔkɔ a ni, balɛi Zezabɛlii ihɛ̃.

Zɔɔbu 20:7

á na ku kpa irii bɛi imii nŋu takaɛ. Nɔ inɛ ŋa iyi à màa ŋa wo aa maa ni, iwoi í wa.

Iri ku kɔ̃ 126:6

Inɛ iyi í koo wa fá dimi wa kpataò, á na ku baai do anu ku dɔ̃i inɔ didɔ̃ ku maa soò amaajɛ kambo ŋa wa.

Iri ku kɔ̃ 73:25

Inɛ mmu yoomai ǹ nɛ lelei Aɔ̃. Baai awɔ baasi, n kù nɛ kɔdɛɛi nkãma si ilɛu ihɛ̃.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Malasi 2:3

An jɔ̀ ijuukpã ku naa si dimi nŋɛ ŋai. An so imii mɛɛmu ŋa iyi ì ya ceò kuwee si waatii jingau nŋɛ ŋau n jɔ nŋɛ si waju. Nɔ aa ko ŋɛi do imiu ajɔ.

Kuka 14:30

I kaa to si ilɛ iyi ǹ ce nŋɛ kuwã do kugbasi ǹ ni aa koo i buba siu má ŋa, í gbe Kalɛbu amai Yɛfune do Zozue amai Nunu.

Luku 1:43

Yooi ǹ jɛ hee iyei Lafɛ̃ɛm í naa bi tom.

Luku 11:20

Amma bii do gbugbãi Ilaaɔ̃i ǹ wa n leleò inɛi inɔɔko ŋau, nŋu bɛ wa nyisi iyi Ilaaɔ̃ í sinti ku jɛ bommaɛ si anini nŋɛ.

Laabaau jiida iyi Zãa í kɔ 14:20

Waati iyi ajɔu í to wa aa mà ŋa iyi ǹ wa si Baam nɔ iŋɛ mɔ ì wa sim ŋa nɔ amu mɔ ǹ wa si ŋɛ.

Laabaau jiida iyi Zãa í kɔ 14:7

Bii ì màm ŋa, aa mà Baam ŋa. Nɔ hai nsɛi ì màa ŋa ì nɔ ì yɔɔ ŋa.

Laabaau jiida iyi Zãa í kɔ 16:3

Aa ya maa ce bɛɛbɛi si na iyi í jɔ̀ a kù màm hee má jɛ Baaba.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 17:8

domi ide ŋa iyi ì sɔ̃m nŋui amu mɔ ǹ sɔ̃ ŋa, nɔ à gba ideu. À mà iyi ntɔ ntɔ hai bi tɛɛi ǹ naa nɔ à dasi naanɛ iyi awɔi ì bɛm wa.

Laabaau jiida iyi Zãa í kɔ 20:13

Nɔ à beeɛ à ni, abooyi, na mii í ce ì waa kpata. Ŋɔi í jɛ nŋa í ni, à so ikui Lafɛ̃ɛm hai ihɛ̃i nɔ n kù mà bii à dasiɛ.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Romu 8:18

Ǹ mà wahalai nsɛi nwau ihɛ̃ kù jɛ nkãma do amboe iyi Ilaaɔ̃ á na ku nyisi wa.

Romu 8:39

Mii ŋa iyi à wa lele do iyi à wa ilɛ hee do mii iyi à taka fei, nkãma kaa yɔkɔ ku fɛɛfɛ wa do kubi iyi Ilaaɔ̃ í nyisi wa si Jesu Kirisi Lafɛ̃ɛ nwa.

Kɔrɛnti 1, 2:2

N kù nɔ n kù dasi idɔ n sisi ide mmu gɔ si anini nŋɛ bii kù jɛ idei Jesu Kirisi iyi à kpakpa si jĩi ku gaau.

Kɔrɛnti 1, 9:10

Mà na iri nwai wa fɔ ideu. Oo, na iri nwai à kɔɔ, domi í sĩa woo logoo do inɛ iyi wa kpokpo aŋa fei a maa cɔ kpãai ikpɛ̃ nŋa.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Galati 1:16

Si waati iyi í jilɛu, í nyisim Amaɛ ku ba n cea dimi mmu ŋa waazoi laabaau jiidaɛ. Nɔ n kù bɔ bi inɛ kãma ku muum bisi.

Efɛɛzu 4:13

Nɔ bɛɛbɛ mɔi awa fei aa ka ce anu akã si naanɛ ku dasiu nɔ ka mà Amai Ilaaɔ̃, nɔ ka jɛ inɛ ngbo ka tóo alái Kirisi.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Filipi 3:10

Iyi ǹ bi, nŋui í jɛ n mà Kirisi, do gbugbã iyi í jĩò hai si balɛ nɔ n nɛ ikpɛ̃ si ijuukpãɛu hee ku yɛ bɛi amu mɔ ǹ ku do nŋu ajɔ,

Filipi 3:12

Kù jɛ ǹ mà Kirisi bɛɛbɛ titã n kù toò awɔ kù nɔ kù jɛ ǹ kɔ̃. Amma ǹ wa n ce kookaai fei ku ba n màa, domi Jesu Kirisi í cem titɛɛ.

Filipi 3:7

Amma mii ŋa iyi ǹ wa n tamaa à nɛ riba tako fei wo, nsɛi ǹ wa n cɔɔi bɛi mii hai nɛ bɛɛrɛ na saabui Kirisi.

Timɔtee 2, 4:6

Amma amu takam, kuwɛɛm í jɛ bɛi atɛ̃i kuwee iyi à waa nikã, nɔ waati iyi an jɔ̀ andunya í maai wa.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Piɛɛ 1, 2:7

Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Piɛɛ 2, 1:2

Didɔ̃ do laakai ku sũ ku kɔ̃ɔ nŋɛ si, si na iyi í jɔ̀ ì mà Ilaaɔ̃ do Jesu Lafɛ̃ɛ nwa ŋa.

Piɛɛ 2, 1:3

Gbugbãi Ilaaɔ̃ í mu nwa bukaatai mii iyi à bi fei ku ba kuwɛɛ nwa do kutɔɔ nwa ku maa bɔ waju. Nɔ í ce bɛɛbɛi si bɛi í jɔ̀ à màa, nŋu iyi í kpe wa ka ba ikpɛ̃ si amboeɛ do si jiida ku jɛɛ.

Piɛɛ 2, 1:8

Bii mii ŋau bɛ à wa si ŋɛ nɔ wa kɔ̃ɔsi, aa jɔ̀ i ya maa ce kookaai si icɛ nŋɛ, nɔ icɛ nŋɛu ku nɛ aranfãani ku ba i mà Lafɛ̃ɛ nwa Jesu Kirisi ŋa.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.