Filipi 3:6 - Bibeli do fee

⁶ Ǹ nɛ himma ntɔ ntɔ hee ǹ kpã inɛi igbɛi Jesu ŋa iju. Inɛ gɔ kaa yɛ taalem do yaase bɛi ǹ jirima idei wooda ǹ wa n dɛdɛ n jɛò inɛ dee dee.

Filipi 3:6 Iomraidhean Croise

Samuɛli 2, 21:2

Ŋɔi ilaaluu í kpe inɛi Gabaɔ̃ɔ ŋau ku sɔ̃ ŋa ide. Inɛi Gabaɔ̃ɔ ŋa a kù bɛi a kù jɛ inɛi Izirɛli ŋa, amma mbɔi inɛi Amɔre ŋai. Aŋaò inɛi Izirɛli ŋa à nɛ akabuu. Do nŋu fei Saulu í bi nŋu ku kpa aŋa fei na kookaai iyi wa ce na aranfãanii inɛi Izirɛli ŋa do inɛi Zudaa ŋa.

Ilaalu 2, 10:16

Nɔ í sɔ̃ɔ í ni, toom wa i koo yɛ kookaai iyi ǹ wa n cea Aɔ̃ Lafɛ̃ɛ. Bɛɛbɛi í so Zonadabu si inɔ sarɛtii igũɛu í nɛò.

Woo lasabu 7:16

Maà jɛ inɛ dee dee hee ku caa nɔ i maà nyisi iyi ì nɛ bisi ì re inɛ fei. Na mii í jɔ̀ aa ce nfei araɛ.

Kuwee 13:16

Bii jujui arau í na í tã, lafɛ̃ɛ á nyi bi woo weeu mái,

Matie 23:25

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ anyii kɔɔfu do ti jɛɛ ŋai ì ya wiɛ ŋa, amma hai si binɛ laalɔ do ilei ì baò mii ndii inɔɛ ŋa.

Matie 5:20

Ǹ wa n sɔ̃ ŋɛi, i kaa jɛ inɛi bommai Ilaaɔ̃ ŋa bii kù jɛ ì waa ce mii iyi Ilaaɔ̃ í bi i ce ŋa ku re woo kɔ inɛ ŋa si wooda ŋa do Farisi ŋau.

Luku 1:6

Aŋa minji fei à jɛ dee dee si wajui Ilaaɔ̃ Lafɛ̃ɛ nɔ à waa jirima woodaɛ ŋa do ideɛ fei mam mam.

Woo bɛ ŋa 21:20

Iyi à gbɔ ideɛ ŋɔi à saabu Ilaaɔ̃. Ŋɔi à sɔ̃ Pɔlu à ni, kpaasi nwa, ì gbɔɔ? Zuifu nkpɔ nkpɔi í dasi Jesu naanɛ nɔ aŋa fei à waa too woodai Moizi do himma.

Woo bɛ ŋa 22:5

Woo wee nlai Ilaaɔ̃u do igbɛi inɛ ngbo ŋau fei aa yɔkɔ a jɛ sɛɛdam. Hai si awɔ nŋai ǹ gba tia iyi à kɔa Zuifu kpaasi ŋa iyi à wa Damasi. Nɔ ǹ bɔ bɛ ku ba n mu woo dasi Jesu naanɛ ŋa iyi à wa bɛu n dĩ ŋa nɔ n naaò ŋa wa Zeruzalɛmu n jɔ̀ a kpã ŋa iju.

Woo bɛ ŋa 26:5

À màm hai ku kpɛ. Na nŋu, bii à bi aa yɔkɔ a jɛɛm sɛɛda iyi si kpãai Farisi ŋai ǹ la, aŋa iyi à re inɛ fei si kpãai Ilaaɔ̃ ku tɔɔ nwa.

Woo bɛ ŋa 8:3

Amma Sɔlu í wasi inɛi igbɛi Jesu ŋa ku kpã iju. Í ya lɔ kpasɛ̃ do kpasɛ̃ ŋai ku maa mu inɛmɔkɔ do inaabo ŋa do gbugbã koo dasi ŋa piisɔ̃ɔ.

Romu 7:9

Tako waati iyi n kù mà wooda, ǹ wɛɛ wo, amma waati iyi ǹ na ǹ mà wooda, dulum í dedei

Kɔrɛnti 1, 10:32

I ce kuwɛɛ nŋɛ do yaase bɛi i kaa dasiò inɛ kãma kurara ŋa, hai Zuifu ŋa do Gɛrɛki ŋa hee do inɛi igbɛi Ilaaɔ̃ ŋa fei.

Kɔrɛnti 1, 15:9

Ntɔ ntɔ, amui ǹ jɛ keekei woo bɛ ŋau. N kù to a kpem woo bɛ, domi ǹ kpã inɛi igbɛi Ilaaɔ̃ ŋa iju.

Filipi 2:15

ku ba i má dee dee ŋa nɔ i maà nɛ taale gɔ, iŋɛ iyi ì jɛ amai Ilaaɔ̃ ŋa. Kù sĩa i nɛ kurara gɔ si wajui inɛ laalɔi andunya ŋa iyi a kù waa too kpãa. Í sĩa i maa má inya ŋa si anini nŋa bɛi fitila ŋa,

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Woo kiiti ŋa 6:30

Ŋɔi à koo à sɔ̃ Zoasi à ni, jɔ̀ amaɛu ku fita wa ka kpaa, domi nŋui í lɛgɛ bi kuweei Baaliu nɔ í da jĩi ndii Asera iyi í wa kɔkɔlɛ bɛu.