Filipi 3:5 - Bibeli do fee

⁵ Si ajɔ mɛɛjɔsiai à dasim bango, amu amai Izirɛliu, si dimii Bɛnzamɛɛ. Amu alalai Zuifu ŋai, bii si woodai Zuifu ŋa ku jirimai ǹ jɛ Farisi.

Filipi 3:5 Iomraidhean Croise

Kusintii Andunya 14:13

Ŋɔi mɔkɔ gɔ í ba í sa wa nɔ í koo í sɔ̃ Aburamu inɛi Ebɛɛu laabaau. Waati bɛɛbɛ Aburamu wa bubai do ide si agboi Maree. Mareeu inɛi Amɔrei, ifɔi Esikoli do Anɛɛ, aŋa iyi à dĩ akabuu do Aburamu.

Kusintii Andunya 17:12

Andi mii iyi í jɛ ama inɛmɔkɔ fei i ya dasiɛ bango ŋa bii à ce ajɔ mɛɛjɔ, kù jɛ inɛ ŋa iyi à bí si kpasɛ̃ nŋɛ nŋu akã, amma hee do inɛ ŋa iyi ì ra do fia bi inɛ njoo ŋa, inɛ ŋa iyi à jɛ dimi mmu si inɔ nŋɛ.

Kusintii Andunya 40:15

À ce ileem wai hai ilɛi Ebɛɛ ŋa à naam wa ihɛ̃. Si anyii nŋu, bii ǹ wau bɛ n kù ce nkãma iyi í to a dasim piisɔ̃ɔ.

Kusintii Andunya 41:12

Awaò inɛi Ebɛɛ gɔi à wa bɛ, nŋui wa jɛ arui inɛ ngboi ciikuɛ ŋa. Iyi à sisiaa ala nwau ŋɔi í tusɛ nwa yaaseɛ.

Zonasi 1:9

Nɔ Zonasi í jɛ nŋa í ni, amu Ebɛɛi. Aɔ̃ Lafɛ̃ɛ, Ilaaɔ̃ iyi í wa lele, nŋu iyi í taka tenku do ilɛi, ǹ ya n tɔɔ.

Luku 1:59

Si ajɔ mɛɛjɔsia à naa ku dasi amau bango, nɔ à waa bi à kpoo Zakari, irii baaɛu.

Luku 2:21

Si ajɔ mɛɛjɔsia ŋɔi à sɔɔ Jesu, iri iyi amalekau í ni a kpoo hai waati iyi iyeɛ kù nɛ asĩu. Ajɔ nŋu bɛ mɔi à dasiɛ bango.

Luku 5:38

Amma à ya dasi vɛ̃ɛ titɔ̃i si bɔgɔ titɔ̃ ŋa.

Woo bɛ ŋa 22:3

amu Zuifui, à bím nii Taasi si ilɛi Silisi, amma Zeruzalɛmu ihɛ̃i à bíím. Gamaliɛlii í kɔm si cio, nŋui í kɔm si woodai bala nwa ŋa sãa sãa, nɔ ǹ nɛ himma si icɛi Ilaaɔ̃ si bɛi iŋɛ fei ì wɛɛò nnyi ŋa.

Woo bɛ ŋa 23:6

Pɔlu í mà si igbɛu inɛ gɔ ŋa Sadusi ŋai, inɛ gɔ ŋa mɔ Farisi ŋai. Ŋɔi í fɔ ide hee lele si igbɛu í ni, iŋɛ kpaasim ŋa, amu Farisii, inɛ iyi Farisi ŋa à bí. Ì waa kiitim ŋai si na iyi í jɔ̀ ǹ dasi naanɛ iyi iku ŋa aa na a jĩ hai si balɛ.

Woo bɛ ŋa 6:1

Waati bɛɛbɛ kukpɔi inɛ ŋa iyi à waa too kpãai Jesuu wa kɔ̃ɔsi. Ŋɔi Zuifu ŋa iyi à ya fɔ Gɛrɛkiu à waa gbagba si Zuifu alala ŋau domi si ijɛ iyi à ya maa kpɛ̃a jaaɔ̃ ŋa ajɔ fei à ya maa gbɛjɛ jaaɔ̃ nŋa ŋai.

Romu 11:1

Debɛi ǹ wa n beei, Ilaaɔ̃ í kɔ̀si inɛɛ ŋai? Aawo, kù jɛ bɛɛbɛ, domi amu takam inɛi Izirɛlii ǹ wa n jɛ, ǹ jɛ tɔkui Aburahamu si dimii Bɛnzamɛɛ.

Kɔrɛnti 2, 11:22

À jɛ inɛi Ebɛɛ ŋai? Bɛɛbɛ mɔi amu takam. À jɛ inɛi Izirɛli ŋai? Bɛɛbɛ mɔi amu takam. À jɛ tɔkui Aburahamui? Bɛɛbɛ mɔi amu takam.

Samuɛli 1, 4:6

Ŋɔi inɛi Filisi ŋa à gbɔ anu ku dɔ̃u nɔ à ni, na mii í ce inɛi Ebɛɛ ŋa à wasi ku dɔ̃ anu bɛɛbɛ. Iyi à gbɔ kpakoi akabuui Aɔ̃ Lafɛ̃ɛi í to wa bi inɛi Izirɛli ŋa,