Filipi 3:3 - Bibeli do fee

³ Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Filipi 3:3 Iomraidhean Croise

Iri ku kɔ̃ 105:3

I tɔɔ fufu na iriɛ ŋa. Nŋui í jɛ Aɔ̃ Lafɛ̃ɛ. Inɛ ŋa iyi à waa dɛdɛɛ ŋa fei, a wɛɛò inɔ didɔ̃.

Ezai 45:25

Do saabui Aɔ̃ Lafɛ̃ɛi tɔkui Izirɛli ŋau fei aa jɛò dee dee, nɔ siɛi inɔ didɔ̃ nŋa fei á wa.

Zeremi 4:4

I ce bango na irii Aɔ̃ Lafɛ̃ɛ ŋa, i jɔ̀ idɔ kulele nŋɛ ŋau nɔ i naa ara nŋɛ iŋɛ inɛi Zudaa do inɛi Zeruzalɛmu ŋa, ku ba idɔɔkɔ̃m ku maà lu wa bɛi ina nɔ ku maà jo hee a mɔngɔ ku kpaa, na inɔ kukã ku ce nŋɛ.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Romu 1:9

Ilaaɔ̃, nŋu iyi ǹ wa n cea icɛ do idɔm fei ǹ wa n sisiò laabaau jiidai Amaɛ, í mà iyi ǹ wa n ye gigi nŋɛ waati kãma fei

Romu 15:17

Na nŋu, na saabui Jesu Kirisi, ǹ nɛ inɔ didɔ̃ si icɛm iyi ǹ wa n cea Ilaaɔ̃.

Romu 7:6

Amma nsɛi, si bɛi à ku si gãmɛi wooda, nŋu iyi wa mu wa wo bɛi aru, à fita hai si awɔɛ. Bɛbɛi aa ka yɔkɔ ka cea Ilaaɔ̃ icɛ do daa titɔ̃ iyi í jɛ ti Hundeɛ, kaa jɛ do daa nwo iyi í jɛ ti wooda.

Romu 8:15

Hunde iyi Ilaaɔ̃ í mu nŋɛ kaa ce ŋɛ aru, kaa nɔ ku jɔ̀ njo ku mu ŋɛ má, amma Hundeu í ce ŋɛ amai Ilaaɔ̃ ŋa, nɔ do saabuɛi aa ka yɔkɔ ka kpe Ilaaɔ̃, ka ni Baaba.

Romu 8:39

Mii ŋa iyi à wa lele do iyi à wa ilɛ hee do mii iyi à taka fei, nkãma kaa yɔkɔ ku fɛɛfɛ wa do kubi iyi Ilaaɔ̃ í nyisi wa si Jesu Kirisi Lafɛ̃ɛ nwa.

Romu 9:6

Kù jɛ ǹ wa n ni ide iyi Ilaaɔ̃ í wãu í jɛ ngbɛ, amma kù jɛ inɛ ŋa iyi à bí si dimii inɛi Izirɛli ŋau feii à jɛ inɛi Izirɛli do ntɔ.

Kɔrɛnti 2, 11:18

Amu takam mɔ an tɔɔ fufu si na iyi í jɔ̀ inɛ nkpɔ wa tɔɔ fufu na ara.

Galati 5:25

Si bɛi Hundei Ilaaɔ̃i wa mu nwa kuwɛɛ, ka jɔ̀ ku nɛò wa.

Galati 6:16

Laakai ku sũ do didɔ̃ ku wɛɛa inɛ ŋa iyi à waa too woodau ihɛ̃ hee do inɛi Izirɛli ŋa, aŋa iyi à jɛ inɛi Ilaaɔ̃ ŋa.

Efɛɛzu 6:18

Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Wooda ku kɔsi 10:16

Debɛi i na Aɔ̃ Lafɛ̃ɛ idɔ nŋɛ mam mam ŋa, nɔ i maà kɔ̀ ide si wajuɛ má ŋa,

Wooda ku kɔsi 30:6

Aɔ̃ Lafɛ̃ɛ nŋɛ takaɛi á jɔ̀ idɔ nŋɛ do ti tɔku nŋɛ ŋau ku má nɔ i buu do lasabu nŋɛ fei do idɔ nŋɛ fei ku ba i maa wɛɛ ŋa.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Filipi 3:12

Kù jɛ ǹ mà Kirisi bɛɛbɛ titã n kù toò awɔ kù nɔ kù jɛ ǹ kɔ̃. Amma ǹ wa n ce kookaai fei ku ba n màa, domi Jesu Kirisi í cem titɛɛ.

Filipi 3:14

Bɛɛbɛi ǹ ce ǹ wa n bɔò waju bɛi inɛ iyi wa ce gaasai kusɛi, ku ba n ba riba iyi Ilaaɔ̃ wa kpe wa ka na ka gba lele do saabui Jesu Kirisi.

Kolosee 2:11

Nɔ si anu akã nŋɛ do nŋu à dasi ŋɛ bango. Kù jɛ bango iyi amanɛ ŋa à ya ce, amma iyi Kirisi í ya ceui. Bangou, nŋui í jɛ daa nwo nwa ŋa iyi Kirisi í bu í nyɔu.

Zudu 1:20

Amma iŋɛ baakɔɔm ŋa, i ya maa mua njɛ gbugbã si naanɛ iyi ì dasi Jesu ŋa, nɔ i ya ce kutɔɔ do gbugbãi Hundei Ilaaɔ̃ ŋa.