Filipi 3:19 - Bibeli do fee

¹⁹ Nfe ku cei aa kpaò iriɛ, domi inɔ nŋai à ya maa cea icɛ si agbɛi Ilaaɔ̃. Iyi í jɔ̀ ku jɛ nŋa anyɔ nŋui à ya maa tɔɔò fufu. Mii ndii andunya ihɛ̃ nŋu akãi à waa lasabu si.

Filipi 3:19 Iomraidhean Croise

Iri ku kɔ̃ 17:14

Kpa ŋa do taakuba, nɔ i tambɔ ŋa do awɔɛ. Mii iyi í nɛ ku ba ŋai í jɛ a maà wɛɛ si hunde má. Jɔ̀ a mɔ inyi kuro iyi ì jilɛ nŋa. Jɔ̀ ama nŋa ŋa a mɔɔ hee ku kpa ŋa nɔ a jɔ̀a tɔku nŋa ŋa iyi í gbeu.

Iri ku kɔ̃ 52:1

Iriu ihɛ̃ ti inɛ ngboi woo kɔ̃ iri ŋai do Davidi.

Zeremi 44:17

Amma ide iyi wa fita wa hai si gɛlɛ nwa fei, nŋui à bi ka ceò icɛ. Aa ka cea ilaalu inaaboi lelei Aɔ̃u kuweei tuae ku dɔ̃ inunu nɔ ka ceaa kuweei atɛ̃ vɛ̃ɛ ŋa bɛi à nɛ dɔ̃ɔnɛi ku ceɛ awa do bala nwa ŋa do ilaalu nwa ŋa do akawe nwa ŋa si ilui Zudaa ŋa do si kpãa ŋa iyi à wa si ilui Zeruzalɛmu ŋa. Nɔ à nɛ pɛ̃ɛ ŋa bãm bãm. À wɛɛò inɔ didɔ̃ nɔ a kù ba wahala kãma.

Ezekiɛli 13:19

Ì waa bɛjɛ irim ŋai si wajui inɛm ŋa na sɔnda keeke. Ì ya maa sɔa inɛm ŋau ibo ŋai nɔ à ya dasi ŋɛ naanɛ. Ì ya kpa inɛ ŋa iyi i kù nɛ i kpa ŋai nɔ i jɔ̀ inɛ ŋa iyi i kù nɛ i jɔ̀ a wɛɛ ŋa.

Ezekiɛli 34:3

Wee amɔi mɛɛmu ŋaui ì ya maa mɔ ŋa, do nto nŋa ŋai ì ya ceò jĩnɛ ku dasi nŋɛ ŋa, nɔ mɛɛmu ŋa iyi à nɛ ikpo à re ŋai ì ya kpa i ceò kuwee ŋa. Amma mɛɛmu ŋau, i ci ya gbɔ nŋa ŋa.

Ozee 4:7

Bɛi woo wee ŋau à kpɔ à waa kɔ̃ɔsi bɛɛbɛ mɔi dulum du ŋa í ya maa kɔ̃ɔsi. Na nŋu, an kpaasi mii iyi í jɛ bɛɛrɛ nŋaui ku baa ku jɛ nŋa mii ndii anyɔ.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Misee 3:5

Aɔ̃ Lafɛ̃ɛ í fɔ ide si gãmɛi walii ŋa iyi à ya maa nyɔ inɛm ŋa, í ni, bii à mu nŋa ngɔgɔ, idei laakai ku sũi à ya fɔ. Amma inɛ ŋa iyi a kù mu nŋa ngɔgɔ, idei igũi à ya fɔ.

Malasi 1:12

Amma iŋɛ ì waa riisi irim ŋai, domi ì waa ni ŋa, bi kuweei Aɔ̃ Lafɛ̃ɛu í riisi nɔ sɔnda ncɛɛ kãma kù wa si.

Matie 16:23

Amma Jesu í sinda í sɔ̃ Piɛɛ í ni, sɛkɛɛ hai bi tom Seetam. Ì waa bi i jɛɛm bi ku koosɛ, domi i kù waa ce lasabui Ilaaɔ̃, í gbe ti amanɛ ŋa.

Matie 25:41

Si anyii nŋu, n bɛi n sɔ̃ inɛi awɔ cangam ŋau mɔ n ni, i fa ara nŋɛ hai kɔkɔm, iŋɛ iyi Ilaaɔ̃ í ceekpe. I bɔ si ina iyi ci ya ku, iyi à koa Seetam do amalekaɛ ŋa.

Luku 12:19

Nɔ n fɔ si idɔm n ni, ǹ nɛ amani nla nla iyi ǹ wa n singa ti adɔ̃ nkpɔ nkpɔ. An sĩmii nɔ n maa n jɛ n maa n mɔ nɔ n maa n wɛɛò inɔ didɔ̃.

Luku 16:19

Ŋɔi Jesu í kpa nŋa mɔndau ihɛ̃ í ni, mɔkɔ ilu amani gɔ í wɛɛ. Mɔkɔu í ya maa dasi ibɔ caada ilu iju kusĩa gɔ. Kpasɛ̃ɛ ajɔ fei jingaui.

Luku 18:4

Ŋɔi í kɔ̀ hee í kpɛ. Amma si anyiɛ í lasabu si idɔɛ í ni, baa bii n kù mà Ilaaɔ̃, nɔ n kù wa n jirima inɛ gɔ,

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Romu 6:21

Riba yoomai ì ya ba ŋa waati bɛɛbɛ. Riba iyi ì ba ŋau wa mu ŋɛ anyɔ nsɛi, nɔ iri ku kpaɛ ikui.

Kɔrɛnti 1, 3:3

si na iyi í jɔ̀ ì waa too idɔɔbii ara titã ŋa. Ntɔ ntɔ, igu do kakɔɔ í wa si anini nŋɛ, nɔ iyi bɛ wa nyisi iyi ì waa too idɔɔbii ara nŋɛi. Isɛɛnɛ nŋɛ ŋa mɔ í yɛi bɛi ti inɛi andunya ŋa.

Kɔrɛnti 1, 5:2

Nɔ do nŋu fei ì waa tɔɔ fufu ŋa. Á sĩai wo i nɛ inɔ kufɔ ŋa, nɔ i nya lafɛ̃ɛ hai inɔ nŋɛ.

Kɔrɛnti 1, 5:6

Dimii fufu ku tɔɔ nŋɛu kù sĩa. I kù mà ŋa, levɛ̃ɛ keekei í ya dede iyafũi pɛ̃ɛ fei?

Kɔrɛnti 2, 11:12

Amma bɛi ǹ wa n ce nsɛi, bɛɛbɛi an maa n ce má ku ba n dĩ nŋa kpãa, aŋa iyi à waa dɛ a tɔɔ fufu a ni awaò ŋa ŋa akãi.

Kɔrɛnti 2, 11:15

Na nŋu, biti gɔ kù wɛɛ bii woo ce icɛɛ ŋa à kpaasi ara nŋa bɛi woo ce icɛi Ilaaɔ̃ ŋa. Amma aa ba riba nŋa si bɛi icɛ nŋa í yɛ.

Galati 6:13

Amma aŋa taka nŋa, baa do iyi à ce bango fei, a kù waa jirima wooda. À bi a dasi ŋɛ bango ku cei ku ba a tɔɔ fufu si na iyi í jɔ̀ à yɔkɔ à kãmia ŋɛ.

Filipi 2:21

Inɛ ŋa iyi à gbe fei, lasabui idei aŋa taka nŋai à waa ce, lasabu nŋa kù wa si idei Jesu Kirisi.

Kolosee 3:2

Mii ndii lele ŋai í sĩa i ya maa lasabu si ŋa. I maà ce lasabui mii ndii ilɛ ihɛ̃ ŋa,

Tɛsalonika 2, 1:9

Gbese iyi aa sã nŋa nŋui í jɛ nfe ku ce hee do ajɔ fei. Aa fɛɛfɛ do Lafɛ̃ɛ Jesu do si gbugbã ilu amboeɛ

Tɛsalonika 2, 2:12

Bɛɛbɛ mɔi inɛ ŋa iyi a kù dasi ntɔ naanɛ, nɔ à waa ce laalɔ do inɔ didɔ̃, aa so taale dei.

Tɛsalonika 2, 2:8

Si anyii nŋu, inɛ iyi wa ba Ilaaɔ̃ ku jau á faata wa nɔ amboei kunaai Lafɛ̃ɛ Jesu ku kpa iriɛ. Jesuu, nŋui á kpaa do fufui gɛlɛɛ.

Timɔtee 1, 6:5

Nɔ í ya jɔ̀ irii inɛ ŋa ku sinda a kaa mà ntɔ, nɔ a maa ce kakɔɔ hai nɛ kɔɔ. À tamaa kpãai idei Ilaaɔ̃ ku too á ce ŋa ilu amani ŋai.

Timɔtee 2, 3:4

Aa jɛ ilu zamba ŋa, a kaa nɛ lasabu jiida, aa nɛ faau. Aa bi faayii andunya ku re Ilaaɔ̃.

Zaaki 4:16

Amma nsɛi ì waa tɔɔ fufu ì so ara nŋɛ lele. Dimii faau bɛɛbɛ fei kù sĩa.

Piɛɛ 2, 2:1

Walii ilu ibo ŋa à wɛɛ wo si inɔi inɛ ŋau. Bɛɛbɛ mɔi woo kɔsi cio ilu ibo ŋa aa faata wa si anini nŋɛ. Aa naaò kukɔsi ibo wa do bisi, iyi á ce inɛ ŋa nfe, nɔ aa kɔ̀si Lafɛ̃ɛ iyi í ya ŋa. Bɛɛbɛi aa faa ara nŋa nfe ku ce anu akã.

Piɛɛ 2, 2:13

Laalɔ iyi à cea inɛ ŋai aa sã nŋa. Inɔ didɔ̃ nŋa fei si inaabo ŋai í ya wa baa bii dasã nkpai. Baa waati iyi iŋɛò ŋa ì tɔtɔɔ ì waa jɛ ijɛi Lafɛ̃ɛ ajɔ ŋa, à ya maa ce daa laalɔ nŋai nɔ a maa nɛ si inɔ didɔ̃. Bii iŋɛò ŋa ì waa tɔtɔɔ, anyɔ nla nlai.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Zudu 1:10

Amma inɛ ŋau, mii iyi a kù mà yaaseɛ fei à ya buui. Nɔ baa mii ŋa iyi à mà bɛi mɛɛmu ŋa mɔ à ya mà, nŋui í ya ce nfe nŋa.

Zudu 1:16

Inɛ ŋau, à ya maa gbagbai, nɔ nkãma kù wɛɛ iyi í ya sĩa nŋa si, binɛ nŋai wa cua nŋa. À ya maa tɔɔ fufui nɔ à ya maa lɛlɛ inɛ ŋai do ide didɔ̃ ku ba a ba mii ndii lafɛ̃ɛ ŋa.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.

Kuyɛi Zãa 18:7

Zaka bɛi í so araɛ lele í wɛɛ do inɔ didɔ̃ si amani nlaɛ, iŋɛ mɔ i nyisiɛ ijuukpã do inɔ kufɔ zaka bɛɛbɛ ŋa. Wa ni si idɔɛ, ǹ wa n buba bɛi inaabo ilaalu, n kù jɛ jaaɔ̃. Bɛɛbɛ mɔi n kaa n yɛ inɔ kufɔ pai.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.

Samuɛli 1, 2:29

Na mii í ce awɔ do amaɛ ŋa i kù waa saalu kuwee ŋau do amua ŋa iyi nŋu í jilɛ nŋɛ i ce bi kuwai nŋu ŋa. Na mii í ce awɔ ì waa saalu amaɛ ŋa í re nŋu, nɔ ì so kuwee ŋa iyi inɛi nŋu ŋa inɛi Izirɛli ŋa à ya naaò wa bi ti nŋu ì cicaa ara nŋɛ iŋau iyi í sĩa í re ŋa ku ba i ŋɔ i ce kaato ŋa.