Filipi 3:18 - Bibeli do fee

¹⁸ Ǹ sɔ̃ ŋɛ tã isɛ fɛɛfɛlo, nɔ ǹ nyi ǹ wa n sisi nŋɛ má do kukpata, inɛ nkpɔ í wɛɛ iyi wa jɛ mbɛɛi idei ikui Kirisi si jĩi ku gaauu.

Filipi 3:18 Iomraidhean Croise

Iri ku kɔ̃ 119:136

Cikãajum ŋa à waa cã bɛi inyii ido, si na iyi í jɔ̀ a kù waa jirima woodaɛ ŋa.

Ezai 8:11

Aɔ̃ Lafɛ̃ɛ í jɔ̀ gbugbãɛ í naa sim nɔ í sɔ̃m í ni, maà na i too si kucei inɛ ŋau bɛ. Bɛi í nyi í sɔ̃m má wee.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Zeremi 9:1

Bii í jɛ an ba inya si gbaa bii an sɔ̀ bɛi woo bɔ ilu, an fũsi inɛm ŋau awɔi n nɛ ikpa bɛ, domi aŋa fei à ya dabii a maa tɔɔ iwɛ̃ ŋai bɛi woo ce sakara ŋa a ci ya leekĩò inɛ akã, nɔ à jɛ woo zamba inɛ ŋa.

Kuwee 11:16

do taataa, do gbĩgbĩ, do kelenkelen, do katɔ do yɛi ŋa iyi à yɛ bɛɛbɛ fei,

Kuwee 13:8

Woo weeu á cɔɔ mái. Bii í yɛ iyi agbɛ fũfũu í la í kɔ̃ɔsi, nŋui á fɔ ku ni inɛɛu kù maaju, nɔ ku ni bɔ̃ɔi batai arai.

Luku 19:41

Si bɛi Jesu í maai Zeruzalɛmu, ŋɔi í yɛ iluu nɔ wa kpataa inɛɛ ŋa í ni,

Woo bɛ ŋa 20:19

Ǹ ce icɛi Lafɛ̃ɛ Jesu do ara ku kaye do cikãaju ajɔ, ǹ nɔ ǹ yɛ wahala si na iyi í jɔ̀ Zuifu ŋau à leekĩ si aŋa a kpam.

Romu 9:2

Inɔm í fɔ ntɔ ntɔ na Zuifu kpaasi ŋa nɔ ǹ ya n maa n ce araare nŋa waati kãma fei.

Kɔrɛnti 1, 1:18

Ntɔ ntɔ, idei ikui Kirisi si antaii jĩi ku gaau í yɛi bɛi ide hai nɛ yaase bi inɛ ŋa iyi à wa si kpãai nfe ku ce. Amma bi awa iyi à wa si kpãai faabau, gbugbãi Ilaaɔ̃i.

Kɔrɛnti 1, 6:9

Iŋɛ, i kù mà ŋa iyi woo ce laalɔ ŋa a kaa ba tubu si bommai Ilaaɔ̃? I maà jɔ̀ a dĩ iju nŋɛ. Woo ce adɛi abo yaamɔ do woo tɔɔ iwɛ̃ ŋa do woo ce sakara ŋa do inɛ ŋa iyi à waa sũò inɛmɔkɔ kpaasi ŋa

Kɔrɛnti 2, 11:13

Inɛ ŋau, woo bɛ ilu ibo ŋai iyi à ya dĩ ijui inɛ gɔ ŋa, nɔ à waa kpe ara nŋa woo bɛi Kirisi ŋa.

Kɔrɛnti 2, 11:29

Bii inɛ gɔ kù nɛ gbugbã, amu mɔ n ci ya n nɛ gbugbã. Bii inɛ gɔ í dasi dulum ǹ ya n nɛ ara kuroi jiida.

Kɔrɛnti 2, 2:4

Bɛɛbɛi ǹ kɔ nŋɛ tiau wa do inɔ kufɔ do cikãaju nkpɔ nkpɔ, kù jɛ ti n fɔ inɔ nŋɛ, ǹ bi i mà ŋa zaka bɛi ǹ bi ŋɛ í toi.

Galati 1:7

Ntɔ ntɔ, laabaau jiida kãma gɔ kù wɛɛ má. Amma inɛ gɔ ŋa à waa fɔ́ lasabu nŋɛ dei, nɔ à waa bi a kpaasi laabaau jiidai Kirisiu.

Galati 2:14

Iyi ǹ yɛ a kù waa nɛ do inɔ akã si kpãai laabaau jiidau, ŋɔi ǹ sɔ̃ Piɛɛ si wajui aŋa fei ǹ ni, awɔ Zuifui nɔ ì waa ce bɛi dimi mmu ŋa, i kù waa ce kucei Zuifu ŋa. To, bɛirei aa ce i tilasi dimi mmu ŋa a ce kucei Zuifu ŋa.

Galati 2:21

N kaa n fũsi didɔ̃i Ilaaɔ̃ awɔ n maa n jirima wooda, domi bii í jɛ amanɛ á yɔkɔ ku jɛ dee dee na wooda ku jirima, debɛi ikui Kirisiu ngbɛi.

Galati 5:21

do kɔdɛɛ, do atɛ̃ ku kpa inɛ, do ijɛ ku bi, do mii iyi í jɔ bɛɛbɛ fei. Ǹ wa n sɔ̃ ŋɛ bɛi ǹ tako ǹ fɔ ǹ ni, inɛ ŋa iyi à waa ce dimi bɛɛbɛ a kaa ba tubu kãma si bommai Ilaaɔ̃.

Galati 6:12

Inɛ ŋa iyi à waa bi a tilasi ŋɛ i ceò bango ŋau à waa ce bɛɛbɛi ku ba a ce mii iyi á dɔ̃a amanɛ ŋa si, nɔ a maà kpã ŋa iju na irii ikui Jesu Kirisi si jĩi ku gaauu.

Galati 6:14

Amma amu n kù n wa n tɔɔ fufu bii kù jɛ na ikui Lafɛ̃ɛ nwa Jesu Kirisi si jĩi ku gaau. Na ikuɛu mii ndii andunya fei í yɛɛm nii bɛi mii iyi kù wɛɛ má, nɔ bɛɛbɛ mɔi ǹ wa n yɔɔ baa do kuwɛɛi amu takam fei.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Filipi 1:4

Si kutɔɔm ŋa fei iyi ǹ ya n maa n ce na irii iŋɛ fei, ǹ ya n cooi do inɔ didɔ̃,

Tɛsalonika 1, 4:6

Si ideu ihɛ̃, inɛ gɔ ku maà raraa kpaasiɛ walakɔ ku jɔɔ takii, domi Aɔ̃ Lafɛ̃ɛ á kpã woo ce mii bɛɛbɛ ŋa fei iju. À nɔ à sɔ̃ ŋɛ à kɔnkɔn du ŋɛ tã à ni i ce laakai ŋa.

Tɛsalonika 2, 3:11

Wee à gbɔ iyi inɛ gɔ nŋɛ ŋa ilu ika ŋai iyi a kù waa ce ngɔgɔ í gbe wɔbia ku gũ.

Piɛɛ 2, 2:10

Inɛ ŋa iyi à waa ce kubi nfe nfei ara nŋa nɔ à donda yiikoi Ilaaɔ̃, wahala nŋa á caa. Woo kɔsi cio ilu ibo ŋau à jɛ ilu faau ŋa do woo tɔɔ fufu ŋa iyi a kù waa ce njoi ilu amboei lele ŋa ku bu.

Zudu 1:13

À yɛi bɛi tenku iyi wa tãngãm do gbugbã. Si bɛi kutãngãm nɔu í ya fã inyiu, bɛɛbɛ mɔi kucei iju hai nɛ anyɔ nŋa í ya maa fangaa. À yɛi má bɛi leleaɔ̃ iyi í kua kpãaɛ, nɔ Ilaaɔ̃ í jilɛ nŋa ilu kuku nla nla hee do ajɔ fei.