Filipi 3:17 - Bibeli do fee

¹⁷ Iŋɛ inɛm ŋa, iŋɛ fei i sìsìim ŋa. À nyisi ŋɛ kuce jiida. Na nŋu, i ya maa cɔ inɛ ŋa mɔ iyi à yɔkɔ à waa ce bɛɛbɛ.

Filipi 3:17 Iomraidhean Croise

Iri ku kɔ̃ 37:37

Cɔ inɛ iyi í jɛ inɛ dee dee nɔ idɔɛ í má, kuwɛɛɛ á maa bɔ do wajui.

Romu 16:17

Ǹ wa n sɔ̃ ŋɛi, iŋɛ inɛm ŋa, i ya ce laakaii inɛ ŋa iyi à ya naaò njɛ ku fɛɛfɛ wa si anini nŋɛ, nɔ a jɔ̀ inɛ gɔ ŋa a koosɛ si naanɛ ku dasi nŋa a cuku. Aŋai à ya maa nya cɔɔi cio iyi ì gbɔ ŋa. I jɔ̀ i jĩò inɛ dimi bɛɛbɛ ŋa

Kɔrɛnti 1, 10:32

I ce kuwɛɛ nŋɛ do yaase bɛi i kaa dasiò inɛ kãma kurara ŋa, hai Zuifu ŋa do Gɛrɛki ŋa hee do inɛi igbɛi Ilaaɔ̃ ŋa fei.

Kɔrɛnti 1, 11:1

I sisiim ŋa bɛi amu takam ǹ wa n sisi Kirisi.

Kɔrɛnti 1, 4:16

Na nŋu, ǹ wa n tɔɔ ŋɛ i ya too si kucem ŋa.

Filipi 4:9

Ide iyi ǹ kɔ nŋɛ si nɔ ì jɛsi ŋau, do iyi ǹ sɔ̃ ŋɛ do iyi ì yɛ ǹ ce ŋa, i ya coo ŋa. Nɔ Ilaaɔ̃, nŋu iyi wa mu nwa laakai ku sũ á wɛɛ do iŋɛ.

Tɛsalonika 1, 1:6

Iŋɛ mɔ ì too si kuce nwa do ti Lafɛ̃ɛ, domi ì gba idei Ilaaɔ̃ ŋa do inɔ didɔ̃ iyi Hundeɛ í mu nŋɛ, baa do iyi í naa nŋɛ ijuukpã nla nla wa.

Tɛsalonika 2, 3:14

Inɛ iyi í kɔ̀ ku gbɔ ide iyi à kɔ si tiau ihɛ̃ i laakaiɛ ŋa nɔ i maà jɔ̀ ngɔgɔ ku tɔtɔɔ ŋɛ do nŋu, ku ba anyɔ ku muu.

Tɛsalonika 2, 3:7

Iŋɛ taka nŋɛ ì mà ŋa iyi í sĩa i sìsì daa nwa ŋa. Í sĩa i sìsì daa nwa ŋa domi a kù jɛ kuwɛɛ nwa si anini nŋɛ do ika.

Tɛsalonika 2, 3:9

Kù jɛ a ni a kù nɛ kpãaɛ, amma à bi awa taka nwa ka nyisi ŋɛ yaase jiida iyi iŋɛ mɔ aa yɔkɔ i sìsì ŋa,

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Ebɛɛ 13:7

I ye gigii woo cuai tako nŋɛ ŋa, inɛ ŋa iyi à tako à sisi nŋɛ idei Ilaaɔ̃. I lasabuò aranfãani iyi kuwɛɛ nŋa í naaò wa, nɔ iŋɛ mɔ i sisi naanɛ ku dasi nŋa ŋa.

Piɛɛ 1, 5:3

I maà taa inɛ ŋa iyi à da nŋɛ si awɔ ŋau gbugbã, amma i nyisi ŋa kuce jiida iyi aa too si.