Filipi 3:16 - Bibeli do fee

¹⁶ Si bɛi í jɛu fei, awa de ka maa bɔ waju si kpãa akã iyi à waa toou.

Filipi 3:16 Iomraidhean Croise

Romu 12:16

I ya nɛ anu akã ŋa, i maà jɔ̀ lasabui ara ku so ku wa si ŋɛ, amma i ya kaye ara nŋɛ ŋa. I maà ya jilɛ ara nŋɛ ilu bisi ŋa.

Romu 15:5

Ilaaɔ̃, nŋu iyi wa mu nwa temua do gbugbã, kú jɔ̀ iŋɛ duusɔ̃ɔ i nɛ anu akã ŋa si bɛi ì yɔɔ si Jesu Kirisi ŋa,

Galati 5:7

Ì waa ce kuwɛɛ nŋɛ wo dee dee ŋa. Yooi í ganji ŋɛ í jɔ̀ i kù waa jirima ntɔu má ŋa.

Galati 6:16

Laakai ku sũ do didɔ̃ ku wɛɛa inɛ ŋa iyi à waa too woodau ihɛ̃ hee do inɛi Izirɛli ŋa, aŋa iyi à jɛ inɛi Ilaaɔ̃ ŋa.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 2:2

Na nŋu, ǹ wa n tɔɔ ŋɛ, i jɔ̀ i ya nɛ anu akã ŋa, do kubi akã, do idɔ akã, do lasabu akã. Iyi bɛi á jɔ̀ inɔ didɔ̃m ku kɔ̃.

Filipi 4:2

Ǹ wa n tɔɔ inaabo minji ŋau ihɛ̃ Efodi do Sɛntiki a ya jɔ̀ anu nŋa ku jɛ akã si idei Lafɛ̃ɛ.

Kolosee 2:6

Na nŋu, si bɛi ì gba Jesu Kirisi í jɛ Lafɛ̃ɛ nŋɛ, i ce isɛɛnɛ nŋɛ si anu akã do nŋu.

Kolosee 4:2

I temua si kutɔɔ ŋa, i ya maa tɔɔ Ilaaɔ̃ waati kãma fei nɔ i maa saabuɛ ŋa.

Kuyɛi Zãa 3:3

Na nŋu, i ye gigii mii iyi à kɔ nŋɛ si do bɛi ì gbɔ ŋa. I jirimaɛ ŋa nɔ i kpaasi idɔ nŋɛ. Bii i kù jĩ hai si iri njoo ŋa, an naa n ba ŋɛ bɛi ile. I kaa mà waati iyi an naa si ŋɛ.