Filipi 3:15 - Bibeli do fee

¹⁵ Na nŋu, awa iyi à jĩa si kpãai naanɛ ku dasi, ka ce lasabu bɛɛbɛ. Amma bii ì waa ce lasabu gɔ iyi kù waa too kpãa ŋa, Ilaaɔ̃i á nyisi ŋɛ iyi kù jɛ dee dee.

Filipi 3:15 Iomraidhean Croise

Ezai 35:8

Tengi bɛi aa nya kpãa, nɔ kpãau kpãa kumái aa kpoo. Ilu riisi kãma kaa tooɛ. Ti inɛ ŋa iyi à nɛ a tooɛi á jɛ, nɔ nnyɛi ŋa a kaa nyɔ a tooɛ.

Matie 5:48

Na nŋu, i jɔ̀ jiida ku jɛ nŋɛ ku kɔ̃ bɛi ti Ilaaɔ̃ Baa nŋɛ iyi í wa lele í kɔ̃.

Luku 11:13

Iŋɛ iyi ì ya ce laalɔ ŋa ì mà mii jiida ku na ama nŋɛ ŋa, mà irei. To, Ilaaɔ̃ Baa nŋɛ iyi í wa lele kaa ce ku re zaka bɛɛbɛ? Kaa so Hundeɛ ku na inɛ ŋa iyi à waa tɔɔɛ?

Laabaau jiida iyi Zãa í kɔ 6:45

Inɛ akãi walii ŋau í kɔ í ni, Ilaaɔ̃ takaɛi á na ku kɔ inɛ fei si cio. Nɔ bɛɛbɛi inɛ iyi í gbɔ idei Baaba fei nɔ í jirima cioɛ lafɛ̃ɛ á naa bi tom.

Laabaau jiida iyi Zãa í kɔ 7:17

Inɛ iyi í bi nŋu ku ce idɔɔbii Ilaaɔ̃, lafɛ̃ɛ á mà bii ciom hai bi Ilaaɔ̃i wa naa, walakɔ bii í jɛ ti amu takam nii.

Romu 15:1

Nsɛi, awa iyi à nɛ gbugbã si naanɛ ku dasi, i jɔ̀ ka temuaò gbugbã ku kuai hai nɛ gbugbã ŋa, nɔ ka maà ya ka ce mii iyi á dɔ̃a awa taka nwa si.

Kɔrɛnti 1, 14:20

Iŋɛ inɛm ŋa, i maà ya wũa ide bɛi ama keeke ŋa má ŋa. Bii í jɛ idei laalɔ ku cei, í sĩa i yɛ bɛi ama keeke ŋa iyi a kù mà laalɔ ku ce, amma si kpãai ide ku wũa i jɔ̀ i yɛ bɛi inɛ ngbo ŋa.

Kɔrɛnti 1, 2:6

Do nŋu fei, idei bisi gɔi à waa sisia inɛ ŋa iyi à jĩa si naanɛ ku dasi nŋa. Amma kù jɛ bisii andunyau ihɛ̃ walakɔ bisii inɛ nla ŋau aŋa iyi à waa bɔ nfe ku ce.

Galati 5:10

Amma Lafɛ̃ɛ í jɔ̀ ǹ wa n naanɛ ŋɛ iyi i kaa ce lasabu gɔ iyi í jɛ ikã do lasabu iyi ǹ ceu bɛ ŋa. Inɛ mɔ iyi wa bitandi ŋɛ, baa bii yooi Ilaaɔ̃ á kpãa iju.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Kolosee 1:28

Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Tɛsalonika 1, 4:9

Iyi í jɛ kubii woo dasi Jesu naanɛ ŋa, kù jɛ tilasi a kɔ nŋɛ wa, domi Ilaaɔ̃ í nyisi ŋɛ si bɛi í jɔ i bi njɛ iŋɛ duusɔ̃ɔ.

Timɔtee 2, 3:17

ku ba inɛi Ilaaɔ̃ ku kɔ̃, nɔ ku tã sɔɔlu ku ceò icɛ jiida baa yooma fei.

Ebɛɛ 5:14

Amma ijɛ kili, ijɛi inɛ ngbo ŋai, aŋa iyi à mà jiida do laalɔ ku wũa si na iyi í jɔ̀ à nɛ dɔ̃ɔnɛɛ.

Zãa 1, 2:5

Amma inɛ iyi wa jirima ideɛ, siɛi kubii Ilaaɔ̃ í ya kɔ̃ do ntɔ. Mii iyi á jɔ̀ ka mà iyi à nɛ anu akã do nŋu wee.