Filipi 3:13 - Bibeli do fee

¹³ Iŋɛ inɛm ŋa, n kù wa n cɔ aram bɛi mii iyi n toò awɔ titã, amma mii akãi ǹ wa n ce. Ǹ ya n maa n gbɛjɛ mii iyi í wa do anyim nii, nɔ n ce kookaai n maa n lele ti waju.

Filipi 3:13 Iomraidhean Croise

Iri ku kɔ̃ 27:4

Mii akãi ǹ wa n tɔɔ Aɔ̃ Lafɛ̃ɛ, nɔ nŋui wa mum jiida jiida. Nŋui í jɛ n maa n wa inɔ kpasɛ̃ɛ si kuwɛɛm fei n maa n cɔ jiida ku jɛɛ, nɔ n maa n tɔɔɛ.

Iri ku kɔ̃ 45:10

Ama inaaboi ilaalu ŋa à wa bɛ à waa dasi jĩnɛ ku nɛ bɛɛrɛɛ ŋa, nɔ iyeɛ í wa awɔ njɛɛ wa dasi jĩnɛi wurai ilɛi Ɔfii.

Luku 10:42

Amma bukaatai mii akãi amanɛ í nɛ. Nŋui Maari njɛ í cica bɛ, nɔ inɛ kãma kaa gbaa siɛ má.

Luku 9:62

Nɔ Jesu í sɔ̃ɔ í ni, inɛ iyi í lesi awɔɛ si kaakoi kɛtɛ nɔ í sinda í cɔ anyi, kù jɔò bommai Ilaaɔ̃.

Kɔrɛnti 2, 5:16

Na nŋu, bɛbɛi a kaa ka cɔ iyi à waa yɛò iju si amanɛ nŋu akã. Baa bii bɛɛbɛi à tako à cea Kirisi wo, nsɛi a kaa ka ce bɛɛbɛ má.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Filipi 3:12

Kù jɛ ǹ mà Kirisi bɛɛbɛ titã n kù toò awɔ kù nɔ kù jɛ ǹ kɔ̃. Amma ǹ wa n ce kookaai fei ku ba n màa, domi Jesu Kirisi í cem titɛɛ.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Ebɛɛ 6:1

Na nŋu, ka jɔ̀ ide sinte ŋau si gãmɛi Kirisi nɔ ka bɔ waju ka jɛ inɛ ŋa iyi à jĩa. A kaa ka jilɛ icui ideu ku kɔsi má. Ideui í jɛ idei idɔ ku kpaasi hai si kookoosui nfe ku ce, do idei naanɛ ku dasi si Ilaaɔ̃,

Piɛɛ 2, 3:8

Amma iŋɛ baakɔɔm ŋa, i maà jɔ̀ i gbɛjɛ mii akãu ihɛ̃ ŋa, iyi ajɔ akã í yɛa Lafɛ̃ɛi bɛi adɔ̃ dubu, nɔ adɔ̃ dubu í yɛaai bɛi ajɔ akã.