Filipi 3:12 - Bibeli do fee

¹² Kù jɛ ǹ mà Kirisi bɛɛbɛ titã n kù toò awɔ kù nɔ kù jɛ ǹ kɔ̃. Amma ǹ wa n ce kookaai fei ku ba n màa, domi Jesu Kirisi í cem titɛɛ.

Filipi 3:12 Iomraidhean Croise

Zɔɔbu 17:9

Inɛ dee dee í ya yɔkɔ temuai. Inɛ iyi awɔɛ wa maaju í ya kɔ̃ɔsi gbugbãi.

Iri ku kɔ̃ 119:5

Ǹ bi isɛɛnɛm ku jɛ dee deei, nɔ n maa n jirima ideɛ ŋa.

Iri ku kɔ̃ 138:8

Awɔ Aɔ̃ Lafɛ̃ɛ aa ce iyi bɛi na irim. Awɔ iyi jiida ku jɛɛ kù nɛ kɔɔ, maà fũsi inɛ ŋa iyi ì taka awɔ.

Iri ku kɔ̃ 42:1

Iriu ihɛ̃ ti inɛ ngboi woo kɔ̃ iri ŋai do amai Kore ŋa.

Iri ku kɔ̃ 63:8

Awɔi ì jɛ woo sobim. Ǹ ya n nɛ inɔ didɔ̃i waati iyi ǹ wa si ikpaɛ ŋa.

Iri ku kɔ̃ 84:2

Aɔ̃ Lafɛ̃ɛi lele do ilɛ, kubii kpasɛ̃ɛ wa mum jiida jiida.

Iri ku kɔ̃ 94:15

Kiitiu si dee dee ku jɛi aa coo, nɔ inɛ ŋa iyi idɔ nŋa í má fei aa jɛsii.

Mɔnda ŋa 4:18

Kpãai inɛ dee dee ŋa í yɛi bɛi inya kumái daadaakɔ iyi wa daana nɔ inya kumáɛu í la wa koo hee koo to dasã.

Ezai 51:1

Aɔ̃ Lafɛ̃ɛ í ni, i de itĩ i gbɔ idem ŋa, iŋɛ iyi ì waa dɛdɛ dee dee ku jɛ, nɔ ì waa dɛdɛ amu Aɔ̃ Lafɛ̃ɛ ŋa. I jɔ̀ iju nŋɛ ku koo si kuta hai bii à gbe ŋɛ wau do hai si isai kuta hai bii à nya ŋɛ wau.

Ozee 6:3

Na nŋu, ka mà nɔ ka dɛdɛ Aɔ̃ Lafɛ̃ɛ ku mà. Kunaaɛ kù nɛ sika kãma bɛi kunaai amɛɛjuumá. Á naa si wai bɛi ijĩ, bɛi ijĩi jɛadɔ̃ iyi í ya jɔ̀ ilɛ ku mandi.

Matie 5:48

Na nŋu, i jɔ̀ jiida ku jɛ nŋɛ ku kɔ̃ bɛi ti Ilaaɔ̃ Baa nŋɛ iyi í wa lele í kɔ̃.

Woo bɛ ŋa 9:15

Amma Lafɛ̃ɛ í sɔ̃ɔ í ni, koo, domi ǹ cica inɛɛu bɛi ku jɛ woo ce icɛm ku fɔ laabaaui irim bi dimi mmu ŋa do bi ilaalu nŋa ŋa do bi inɛi Izirɛli ŋa.

Romu 8:39

Mii ŋa iyi à wa lele do iyi à wa ilɛ hee do mii iyi à taka fei, nkãma kaa yɔkɔ ku fɛɛfɛ wa do kubi iyi Ilaaɔ̃ í nyisi wa si Jesu Kirisi Lafɛ̃ɛ nwa.

Kɔrɛnti 1, 13:10

Amma waati iyi mii iyi í kɔ̃ á naa, waati bɛɛbɛi, iyi kù kɔ̃ á nɛ.

Kɔrɛnti 1, 13:12

Iyi à waa yɛ nsɛi í yɛi bɛi mii iyi à waa hɔ̃nnɛ bari bari si isɔ fũfũ, amma ajɔ wa naa iyi aa ka yɛ ijuò iju. Iyi ǹ mà si nsɛi kù kɔ̃, amma waati nŋu an màa sãa sãa bɛi Ilaaɔ̃ í màm.

Kɔrɛnti 1, 9:24

Iŋɛ fei ì mà ŋa si gaasai kusɛi inɛ feii í ya sɛi amma inɛ akãi í ya ba ribaɛ. Na nŋu, i hanya ku ba i ba ribaɛ ŋa.

Kɔrɛnti 2, 13:9

À wɛɛò inɔ didɔ̃ ka jɛ hai nɛ gbugbã ŋa bii ntɔ ntɔ iŋɛ ì nɛ gbugbã ŋa. Nɔ nŋu mɔm nii à waa tɔɔ Ilaaɔ̃ ku ba i kɔ̃ ŋa.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Galati 5:17

domi mii iyi ara nwa í bi, ci ya jɛ dimi akã do iyi Hundei Ilaaɔ̃ í bi. Kubii ara do ti Hundei Ilaaɔ̃u à ya maa jai hee a kaa ka yɔkɔ ka ce bɛi à bi.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Filipi 1:1

Amui Pɔlu do Timɔtee, awa woo ce icɛi Jesu Kirisi ŋa. À ce inɛ ŋa iyi Jesu Kirisi í cica à jɛ tɛɛ si ilui Filipi fei fɔɔ, hee do inɛ ŋa iyi à jɛ inɛ ngboi igbɛu do woo ce icɛi igbɛu fei.

Filipi 3:16

Si bɛi í jɛu fei, awa de ka maa bɔ waju si kpãa akã iyi à waa toou.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Tɛsalonika 1, 5:15

I ce laakai ŋa i maà jɔ̀ inɛ gɔ ku sãa kpaasiɛ laalɔ, amma i hanya i cea njɛ jiida waati kãma fei ŋa do inɛ ŋa iyi à gbe fei.

Tɛsalonika 2, 2:13

Iŋɛ inɛ nwa ŋa, iŋɛ iyi Lafɛ̃ɛ í bi, à nɛ ka ya maa saabu Ilaaɔ̃i waati kãma fei na iri nŋɛ, domi Ilaaɔ̃ í cica ŋɛ hai sinteɛ i baò faaba ŋa do gbugbãi Hundeɛ, do naanɛ nŋɛ iyi ì nɛ si ntɔu ŋa. Hundeui í jɔ̀ ì jɛ inɛ kumá ŋa.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Timɔtee 1, 6:19

Bɛɛbɛi aa singaa ara nŋa amani jiidai ala iyi kaa bɛjɛ nɔ a ba kuwɛɛ iyi í jɛ kuwɛɛ do ntɔ.

Ebɛɛ 12:14

I dɛ laakai ku sũ do inɛ fei nɔ i ce kuwɛɛ iyi í má ŋa domi inɛ gɔ kù wɛɛ iyi á yɛ Lafɛ̃ɛ bii kuwɛɛɛ kù má.

Ebɛɛ 12:23

Ì sɛkɛɛ si inɛ ŋa iyi à kɔ iri nŋa lele ŋa, aŋa iyi à jɛ ama yemmai Ilaaɔ̃ ŋa. Ì sɛkɛɛ si Ilaaɔ̃ ŋa, nŋu iyi í jɛ woo kiitii inɛ fei, nɔ ì sɛkɛɛ si inɛ dee deei tako ŋa iyi Ilaaɔ̃ í jɔ̀ à kɔ̃ tã ŋa.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Zaaki 3:2

Si mii nkpɔi awa fei à ya ka rara. Inɛ iyi kù waa ce kurara si ide ku fɔɛ, lafɛ̃ɛ inɛ ku jĩai nɔ í yɛ bɛi inɛ iyi í dasi araɛ fei arezem.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.