Filipi 3:10 - Bibeli do fee

¹⁰ Iyi ǹ bi, nŋui í jɛ n mà Kirisi, do gbugbã iyi í jĩò hai si balɛ nɔ n nɛ ikpɛ̃ si ijuukpãɛu hee ku yɛ bɛi amu mɔ ǹ ku do nŋu ajɔ,

Filipi 3:10 Iomraidhean Croise

Zeremi 9:23

Amma inɛ iyi wa tɔɔ fufu, ku tɔɔ fufu na laakai jiida ku nɛɛ do si na iyi í jɔ̀ í màm dee dee, do si na iyi í jɔ̀ í mà iyi amui ǹ jɛ Aɔ̃ Lafɛ̃ɛ. Ǹ ya n ce jiida do iyi í tɛ do iyi í jɛ dee dee si ilɛ, domi si bɛi inɔ didɔ̃m í ya wa. Amu Aɔ̃ Lafɛ̃ɛi ǹ fɔ bɛɛbɛ.

Matie 20:23

Nɔ í sɔ̃ ŋa má í ni, ntɔi, aa yɛ ijuukpã iyi an yɛ ŋa. Amma kù jɛ amui an cica inɛ ŋa iyi aa buba si canga do njɛm. Bi ku buba ŋau bɛ, inɛ ŋa iyi Ilaaɔ̃ Baam í cea sɔɔluɛ ŋai aa buba si.

Laabaau jiida iyi Zãa í kɔ 10:18

Inɛ kãma kaa yɔkɔ ku nya hundem. Amma amu takam nii an nyaa. Ǹ nɛ gbugbã iyi an na hundem, nɔ ǹ nɛ yiiko iyi an gbaaò má. Bɛɛbɛi Baam í dasim ku ce.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Romu 8:17

To, si bɛi à jɛ amaɛ ŋa, nŋui í jɔ̀ à nɛ baa si mii iyi í jilɛ nwa. Aa ka nɛ ikpɛ̃ do Kirisi ajɔ, domi bii à baa ijuukpãɛ ku kpɛ̃, bɛɛbɛ mɔi aa ka baa amboeɛ ku kpɛ̃ má.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Romu 8:36

Ntɔ ntɔ, si bɛi kukɔi idei Ilaaɔ̃ í fɔ, Lafɛ̃ɛ, na iriɛi à ya ka wa si anui iku alɛò daakɔ. À waa cɔ wa bɛi angudã ŋa iyi à waa bɔ ku saka.

Kɔrɛnti 2, 1:10

Nŋui í nya wa hai si iku dimi bɛɛbɛ, á nɔ ku nya wa má. Ntɔi, à waa cɔ kpãaɛ á nyi ku nya wa má.

Kɔrɛnti 2, 1:5

Ntɔ ntɔ, à nɛ ikpɛ̃ nla nla si ijuukpãi Kirisi, amma bɛi ijuukpãu í la í to, bɛɛbɛ mɔi yaase bɛi Kirisi wa tũò idɔ nwa ŋau mɔ í to.

Kɔrɛnti 2, 13:4

Ntɔi, à kpakpaɛ si jĩi ku gaau si gbugbã hai nɛɛ, amma nsɛi í wɛɛ do saabui gbugbãi Ilaaɔ̃. Awa mɔ à jɛ hai nɛ gbugbã si anu akã nwa do nŋu, amma aa ka maa wɛɛ do nŋu si anini nŋɛ na saabui gbugbãi Ilaaɔ̃.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Galati 6:17

Hai nnyi inɛ kãma ku maà wahalam má domi na irii Jesui ǹ ba dalai juju ŋa iyi à wa si aram nɔu ihɛ̃.

Efɛɛzu 4:13

Nɔ bɛɛbɛ mɔi awa fei aa ka ce anu akã si naanɛ ku dasiu nɔ ka mà Amai Ilaaɔ̃, nɔ ka jɛ inɛ ngbo ka tóo alái Kirisi.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Kolosee 2:13

Tako wo, ì yɛi bɛi iku ŋa na irii kurara nŋɛ do si na iyi í jɔ̀ ì jɛ dimi mmu ŋa iyi a kù ce bango ŋa. Amma nsɛi Ilaaɔ̃ í ce ŋɛ ilu hunde do Kirisi ajɔ. Í kpa idei dulum du wa fei.

Kolosee 3:1

Ilaaɔ̃ í dede ŋɛ hai si balɛ do Kirisi ajɔ. Na nŋu, i dɛ mii ndii lele bii Kirisi wa buba si awɔ njɛi Ilaaɔ̃ ŋa.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 2, 1:13

Ntɔ ntɔ, waati iyi ǹ wɛɛ si hunde, ǹ nɛ n ya n maa n ye ŋɛ gigii ku ba i ya maa wɔ njoo si ŋa.

Zãa 1, 2:3

Bii à waa jirima woodaɛ ŋa, si bɛɛbɛi aa ka mà iyi à màa.

Zãa 1, 2:5

Amma inɛ iyi wa jirima ideɛ, siɛi kubii Ilaaɔ̃ í ya kɔ̃ do ntɔ. Mii iyi á jɔ̀ ka mà iyi à nɛ anu akã do nŋu wee.

Kuyɛi Zãa 1:18

Amui ǹ jɛ ilu hunde. Ǹ tako ǹ ku wo amma nsɛi ǹ wɛɛ hee do ajɔ fei. Ǹ nɛ gbugbã si antaii iku nɔ ǹ wa n mu kileei bi kuwai iku ŋa.