Filipi 3:1 - Bibeli do fee

¹ Nsɛi iŋɛ inɛm ŋa, i ya jɔ̀ i wɛɛ do inɔ didɔ̃ ŋa do iyi ì jɛ ti Lafɛ̃ɛ ŋa. Bi tom, n kaa n gbɛɛjiò ide akãu ku kɔ nŋɛ wa, domi ǹ mà iyi á mu nŋɛ gbugbã.

Filipi 3:1 Iomraidhean Croise

Bomma 1, 15:28

Ŋɔi inɛi Izirɛli ŋau fei à koo à so kpakoi akabuui Aɔ̃ Lafɛ̃ɛu wa do anu ku dɔ̃i inɔ didɔ̃, à waa fãò kuu do kãakãakĩ ŋa, nɔ à waa cã sɛmbali ŋa do kundigi ŋa do mɔɔlɔ ŋa.

Bomma 1, 16:10

I tɔɔ fufu na iriɛ ŋa. Inɛ ŋa iyi à waa dɛdɛ Aɔ̃ Lafɛ̃ɛ fei, a wɛɛò inɔ didɔ̃.

Bomma 1, 29:22

Ajɔ nŋu bɛ, à jɛ nɔ à mɔ si wajui Aɔ̃ Lafɛ̃ɛ, à ce ile ku fitai Salomɔɔ si bomma ku jɛɛu isɛ gbeejisia. À tontooaa ikpo si iri si wajui Aɔ̃ Lafɛ̃ɛ ku jɛ inɛ ngbo. Nɔ à tontooa Sadɔku mɔ ikpo si iri ku jɛ woo wee nla.

Neemi 8:10

Ŋɔi Ɛsidarasi í sɔ̃ ŋa má í ni, i koo i ŋɔ iŋa ŋa iyi à nɛ ikpo, nɔ i mɔ atɛ̃ nyikɔ̃ ŋa. Nɔ i ya buãa inɛ ŋa iyi a kù se ngɔgɔ ŋa, domi ajɔi nnyi ti Lafɛ̃ɛ nwai. I maà jɔ̀ inɔ nŋɛ ku fɔ ŋa domi inɔ didɔ̃ iyi Aɔ̃ Lafɛ̃ɛ á mu nŋɛi á jɛ gbugbã nŋɛ.

Zɔɔbu 22:26

Si bɛɛbɛ aa yɛ i gbɔ ididɔ̃ bi nŋu Ilaaɔ̃ ilu gbugbã fei, nɔ i wu iju i cɔɔ do naanɛ.

Iri ku kɔ̃ 149:2

Izirɛli, jɔ̀ i wɛɛò inɔ didɔ̃ na woo takaɛ. Iŋɛ inɛi Siɔ̃ɔ ŋa, i wɛɛò inɔ didɔ̃ ŋa na ilaalu nŋɛ.

Iri ku kɔ̃ 32:11

Iŋɛ inɛ dee dee ŋa, i wɛɛò inɔ didɔ̃ ŋa. Iŋɛ iyi idɔ nŋɛ í má, i dɔ̃ anu do inɔ didɔ̃ ŋa na irii Aɔ̃ Lafɛ̃ɛ.

Iri ku kɔ̃ 33:1

Iŋɛ inɛ dee dee ŋa, i dɔ̃ anu do inɔ didɔ̃ ŋa na irii Aɔ̃ Lafɛ̃ɛ. Iŋɛ inɛ kumá ŋa, i cũu ŋa domi bɛɛbɛi í sĩa i ce ŋa.

Iri ku kɔ̃ 37:4

Jɔ̀ inɔ didɔ̃ɛ ku wa si Aɔ̃ Lafɛ̃ɛ, á muuɛ mii iyi ì bi si idɔɛ.

Iri ku kɔ̃ 42:4

Idũ do dasã, cikãajui í ya jɛ sɔndam, domi inɛ ŋa à ya beem a maa ni hee iwoi Ilaaɔ̃ Lafɛ̃ɛm nɔu í wa.

Iri ku kɔ̃ 5:11

Ilaaɔ̃, jɔ̀ i yɛ taale nŋa, nɔ kuce nŋa ku jɔ̀ a cuku. Kɔ̀si ŋa na laalɔ hai nɛ jia iyi à ce domi à dedeò ide ku kɔ̀ si gãmɛɛ.

Iri ku kɔ̃ 97:1

Aɔ̃ Lafɛ̃ɛi í jɛ ilaalu. Inɔ didɔ̃ nla nla ku jɛ ti inɛi andunya fei. Inɛ ŋa iyi à wa jĩijĩ, à nɛ a wɛɛò inɔ didɔ̃i.

Ezai 41:16

Aa fɛ ŋai fufu ku so ku nɛò ŋa, nɔ fufu nla nla gɔ ku fangaa ŋa. Amma awɔ, aa nɛ inɔ didɔ̃i si amu Aɔ̃ Lafɛ̃ɛ. Aa maa saabu araɛi na amu Inɛ Kumái Izirɛliu.

Ezai 61:10

Aɔ̃ Lafɛ̃ɛi í jɛ icui inɔ didɔ̃ nla nla bi titom. Aɔ̃ Lafɛ̃ɛm nii í jɔ̀ ǹ wa si ididɔ̃ nla nla, domi faaba iyi í jɔ̀ ǹ ba, í yɛi bɛi ibɔ ŋa iyi í daam si. Í biim nii do ibɔi dee dee ku jɛ bɛi mɔkɔ titɔ̃ iyi í dasi booda kusĩa gɔ si iriɛ bɛi woo wee, do bɛi abo titɔ̃ iyi í ce boodai saba kusĩa ŋa.

Ezai 65:14

Woo ce icɛm ŋa aa maa dɔ̃ anui do inɔ didɔ̃. Aa wɛɛò inɔ didɔ̃, amma iŋɛ, aa maa dɔ̃ anui do ara kuro hee si idɔ nŋɛ. Aa maa weewea ŋai nɔ i maa wa si inɔ kufɔ ŋa.

Zoɛli 2:23

Nɔ iŋɛ mɔ inɛi Siɔ̃ɔ ŋa, i jɔ̀ i wɛɛò inɔ didɔ̃ ŋa na irii Aɔ̃ Lafɛ̃ɛ nŋɛ, domi bii atɛ í tɛ, í ya jɔ̀ ijĩ ku naa nŋɛ zaka bɛi ì nɛ bukaataɛ ŋa. Í ya jɔ̀ ijĩu ku naai na iri nŋɛ nkpɔ nkpɔ. Í ya jɔ̀ ijĩi jɛadɔ̃ do ti sɔnkpasa ku naai bɛi í ya maa ce hai tako.

Sofoni 3:14

Awɔ Siɔ̃ɔ ilu kusĩau, kɔ̃ iri do inɔ didɔ̃. Awɔ Izirɛli, dɔ̃ anu do inɔ didɔ̃. Ntɔ ntɔ wɛɛò inɔ didɔ̃ do idɔɛ fei, awɔ Zeruzalɛmu ilu kusĩau.

Sofoni 3:17

Aɔ̃ Lafɛ̃ɛɛ í wa bi tɛɛ, nɔ nŋui í jɛ woo ja igũ iyi á faabaɛ. Á wɛɛò inɔ didɔ̃ nla nlai na iriɛ. Kubiɛui á jɔ̀ i ba kuwɛɛ titɔ̃. Á ya dɔ̃ anui do inɔ didɔ̃ na iriɛ.

Zakari 10:7

Inɛi Efaraimu ŋa aa nyisi ara nŋa ilu gbugbã woo ce igũ ŋa, nɔ aa wɛɛ do inɔ didɔ̃ bɛi inɛ ŋa iyi à mɔ vɛ̃ɛ. Ama nŋa ŋa aa yɔɔ nɔ aa maa wɛɛ do inɔ didɔ̃. Do saabui Aɔ̃ Lafɛ̃ɛ, inɔ nŋa á dɔ̃ ntɔ ntɔ.

Matie 5:12

I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ lelei Aɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.

Luku 1:47

Nɔ ǹ wɛɛò inɔ didɔ̃ na irii Ilaaɔ̃ Woo faabam,

Romu 5:11

Iyi í re mɔm, Lafɛ̃ɛ nwa Jesu Kirisi, nŋu iyi í jɔ̀ à dɔ̃ do Ilaaɔ̃, í nyi í jɔ̀ à nɛ inɔ didɔ̃ má si Ilaaɔ̃.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Efɛɛzu 6:10

Ide iyi í gbe ǹ wa n bi n sɔ̃ ŋɛ wee. Si anu akã nŋɛ do Lafɛ̃ɛ i jɔ̀ gbugbã nlaɛ ku mua iŋɛ mɔ gbugbã ŋa.

Wooda ku kɔsi 12:18

Bii aa yɔkɔ i jɔɔ ŋa nŋu akãi í jɛ si wajui Aɔ̃ Lafɛ̃ɛ. Tengi bii Aɔ̃ Lafɛ̃ɛ á cica, tengi bɛi aa jɔɔ ŋa iŋɛ do ama inɛmɔkɔ nŋɛ ŋa do ama inaabo nŋɛ ŋa do woo ce icɛ inɛmɔkɔ nŋɛ ŋa do woo ce icɛ inaabo nŋɛ ŋa, do inɛi Levii iyi í wa inɔ kpasɛ̃ nŋɛ. Tengi bii Aɔ̃ Lafɛ̃ɛ á cicau bɛ, tengi bɛi aa kpɛ̃ inɔ didɔ̃ nŋɛ do amani iyi ì nɛ fei ŋa.

Wooda ku kɔsi 16:11

Aa kpɛ̃ inɔ didɔ̃ nŋɛi si wajui Aɔ̃ Lafɛ̃ɛ, tengi bii nŋu takaɛ í cica iriɛ ku wau iŋɛ do ama nŋɛ ŋa do woo ce icɛ inɛmɔkɔ walakɔ inaabo ŋa iyi à wa kpasɛ̃ nŋɛ, do inɛi Levii ŋa iyi à wa inɔ ilu nŋɛ ŋa, do inɛ njoo, do kɔyɔ, do jaaɔ̃ ŋa iyi à wa inɔ ilu nŋɛ ŋau.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Filipi 4:4

I ya jɔ̀ inɔ nŋɛ ku maa dɔ̃ si Lafɛ̃ɛu do ajɔ fei ŋa, ǹ nyi ǹ fɔ ǹ wa n sisi má, i ya jɔ̀ inɔ nŋɛ ku maa dɔ̃.

Filipi 4:8

Iyi í gbe nŋɛ, iŋɛ inɛm ŋa, i ya ce lasabu ŋa si mii iyi í sĩa, iyi Ilaaɔ̃ á saabu. Mii ŋaui í jɛ mii iyi í jɛ ntɔ fei, do mii iyi í nɛ bɛɛrɛ fei, do iyi wa too kpãa fei, do iyi í maaju fei, do iyi í dɔ̃ fei, do iyi í jɔ amanɛ ku saabu fei.

Tɛsalonika 1, 4:1

Iŋɛ inɛ nwa ŋa, à kɔ nŋɛ si bɛi í sĩa i maa nɛ ŋa ku ba ku dɔ̃a Ilaaɔ̃ si. Ntɔi, ì waa ce bɛɛbɛ tã ŋa. Amma iyi í gbe nsɛi à waa tɔɔ ŋɛ do irii Lafɛ̃ɛ Jesu, i hanya i ce bɛɛbɛ i maa koo ŋa.

Tɛsalonika 1, 5:16

I jɔ̀ i ya nɛ inɔ didɔ̃ waati kãma fei ŋa.

Zaaki 1:2

Kpaasim ŋa, dimii laakai ku cɔ iyi á naa si ŋɛ fei i ya jɔ̀ ku jɛ nŋɛ inɔ didɔ̃ nla nla,

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Piɛɛ 2, 3:1

Iŋɛ baakɔɔm ŋa, tia minjisiam wee iyi ǹ kɔ nŋɛ. Si tia sinteu do minjisiau fei ǹ wa n dɛ n jĩ lasabu jiida nŋɛ do kukɔsi ŋa iyi ǹ wa n ye ŋɛ gigi.

Samuɛli 1, 2:1

Ŋɔi Ana í ce kutɔɔ í ni, ǹ wɛɛò inɔ didɔ̃ na iriɛ, Aɔ̃ Lafɛ̃ɛ. Awɔi ì muum gbugbã. Ǹ wa n nyaanyi si wajui mbɛɛm ŋa, domi inɔm í dɔ̃ si bɛi ì faabam.